Josué 11:6 - Mbeti ti Nzapa - Tënë so amu fini

⁶ *KOTA GBIA atene na Josué: “Sara mbeto ti ala pepe, ngbanga ti so kekereke, gi na oko ngbonga so, mbi yeke zia azo ni kue na maboko ti azo ti Israel, nduru na kuâ. Fade mo yeke fâ akamba ti ngbongo ti ambarata ti ala si mo yeke gbi apusu ti mbarata ti ala.”

Josué 11:6 ပူးပေါင်းရင်းမြစ်များ

2 Samuel 8:4

David agbu aturugu 1 700 so ayeke kpe na ambarata nga na asenge turugu 20 000. Lo fâ akamba ti gere ti ambarata so kue ayeke kpe na pusu, me lo bata ambeni mbarata ni 100 ndali ti lo wani.

2 Agbia 6:16

Élisée akiri tënë: “Sara mbeto pepe! Ala so ayeke na e ayeke mingi ahon ala so ayeke na ala.”

2 Mbai 20:16

Kekereke, ala zu ague na mbage ti awato ti ala. Awato ti ala ni amu lege so ayeke gue na ndö ti hoto ti Akongo si ala yeke ga. Ala yeke wara awato ni na yanga ti ngu so abaa le na benyama ti Yeruel.

Abia (Psaumes) 46:10

Lo kai abira ngbii asi na nda ti sese kue; lo fâ ya ti akokora, lo kungbi ya ti alikongo, lo gbi apusu ti mbarata ti bira.

Abia (Psaumes) 46:11

KOTA GBIA adekongo, atene: “Ala zia bira! Ayeke nzoni ala hinga so mbi yeke Nzapa! Mbi hon ndö ti amara kue, mbi hon ndö ti azo ti dunia kue.”

Abia (Psaumes) 46:9

Ala azo, ala ga abaa ye so KOTA GBIA asara; aye so lo buba na ndö ti sese!

Amato 20:7

Zo ti mbirimbiri so fini ti lo ayeke na legeni, amolenge ti lo ayeke baa nzoni na peko ti lo!

Ésaïe 30:16

Ala tene: “E ke awe! E yeke mu mbarata ti kpe ti hon.” Nzoni! Fade ala yeke kpe ti hon. Ala tene nga: “E yeke ko na ndö ti mbarata so ayeke mu loro mingi.” Nzoni! Me azo so ayeke tumba peko ti ala ayeke mu loro mingi!

Ésaïe 31:1

Mawa na azo so ayeke gue na Ezipte titene a mu maboko na ala! Ala zia be ti ala na ndö ti ambarata, na ndö ti apusu ti mbarata, ngbanga ti so apusu ni ayeke gbani gbani; ala zia be ti ala na ndö ti azo ti kpengo na mbarata, ngbanga ti so ala yeke na ngangu mingi. Me ala yeke baa ndo na mbage ti Nzapa ti Israel pepe, lo so lo yeke nde si lo yeke nzoni kue; ala yeke gi *KOTA GBIA pepe.

Ezekiel 39:9

Azo ti Israel ayeke sigigi na ya ti agbata ti ala, ala yeke sara wâ, ala yeke gbi aye ti bira ti awato ti ala: akete *vala na akota vala, akokora na ale ti kokora, ayongoro zeme na alikongo; ala yeke wara aye ti sara na wâ na ya ti ngu mbarambara.

Osée 14:3

Ala kiri na KOTA GBIA si ala tene na lo atënë so: “Sioni so kue e sara so, zi tënë ni na li ti e. Yamba e na nzoni be! E ye ti ya na mo atënë ti yanga ti e, ahon titene e ya na mo *sandaga ti akoli-bagara.

Nahum 2:13

Bamara ni ayeke fâ nyama, lo yeke suru ya ti nyama ni, lo zia na wali ti lo nga na amolenge ti lo. Lo yeke sara si ya ti du ti lo asi singo na anyama; du ti lo so lo yeke lango daa so asi singo na anyama so lo suru ya ti ala kete kete.

Ndia ti fani use ni 7:16

Amara so kue KOTA GBIA ayeke zia ala na maboko ti ala, azo ti Israel, alingbi ala baa mawa ti ala pepe, ala fâ ala kue ahunzi ala. Ala voro anzapa ti amara ni so pepe. Tongaso pepe, fade anzapa ni ayeke ga kuku ti gbungo ala.

Josué 10:8

*KOTA GBIA atene na Josué: “Sara mbeto pepe! Mbi zia ala na maboko ti mo awe; zo oko na popo ti ala ti gbu le ni na mo ayeke daa pepe.”

Josué 11:5

Agbia so kue awara tere si ala gue, asara bâbâ ti ala na tere ti ngu ti Merom, ti tiri bira na azo ti Israel.

Josué 11:7

Josué na aturugu ti lo ague, ati na ndö ti awato ti ala na tere ti ngu ti Merom; zo oko hinga gango ti ala pepe.

Josué 11:9

Josué asara na ala alingbi na yanga so KOTA GBIA amu na lo: lo fâ akamba ti ngbongo ti ambarata ti ala si lo gbi apusu ti mbarata ti ala.

Josué 3:5

Na pekoni, Josué atene na azo ni, atene: “Ala zia tere ti ala nde ndali ti Nzapa, ngbanga ti so kekereke fade KOTA GBIA ayeke sara aye ti kpene na popo ti ala.”

Awafango-ngbanga 20:28

Pinas, molenge ti Elazar, molenge ti Aaron laa ayeke bata sanduku ni. Azo ti Israel atene: “Fade e kiri e sara bira na azo ti Benjamin, a-ita ti e? Wala e zia lege ni?” KOTA GBIA akiri tënë na ala: “Ala gue senge, ngbanga ti so kekereke, mbi yeke zia azo ti Benjamin na maboko ti ala.”

Awafango-ngbanga 7:9

Gi na bi ni so, *KOTA GBIA atene na Gédéon: “Londo, mo li na ya ti bâbâ ti azo ti Madian ti sara bira, ngbanga ti so mbi zia ala na maboko ti mo awe.

1 Samuel 11:9

Ala tene na awatokua so alondo na Yabesh si aga so, atene: “Ala gue, atene na azo ti Yabesh, na sese ti Galaad, atene: Kekereke na kota lâ, fade azo ayeke ga ti mu maboko na ala.” Awatokua ni ague, atene tënë ni na azo ti Yabesh. Na mango tënë ni, be ti azo ni asi singo na ngia.