Josué 11:4 - Mbeti ti Nzapa - Tënë so amu fini

⁴ Agbia so kue alondo, ala na aturugu ti ala kue, ala mu lege ti gue. Ala wu mingi tongana mbutu ti yanga ti kota ngu-ingo. Ala yeke na ambarata nga na apusu ti mbarata gbani gbani.

Josué 11:4 ပူးပေါင်းရင်းမြစ်များ

Tongo nda ti aye 22:17

fade mbi yeke sara tufa na ndö ti mo gbani gbani. Mbi yeke sara titene *ahale ti mo awu mingi tongana atongoro ti le ti nduzu, nga tongana mbutu ti yanga ti kota ngu-ingo. Fade ahale ti mo ayeke mu akodro ti awato ti ala.

Tongo nda ti aye 32:12

Mbi gbu gere ti mo, zi mbi na maboko ti ita ti mbi Ezau, ngbanga ti so mbeto ti lo asara mbi, mbeto titene lo ga lo fâ mbi, na amama ni legeoko na amolenge ni.

2 Samuel 17:11

Ti mbi, wango so mbi ye ti mu ayeke so: ayeke nzoni mo bongbi aturugu kue ti Israel na tere ti mo, ti londo na Dan ngbii asi na Bersheba. Alingbi wungo ti ala aduti tongana wungo ti mbutu ti yanga ti kota ngu-ingo. Na pekoni, mo wani, mo duti na li ti ala ti gue na bira ni.

1 Agbia 4:20

Azo ti kodro-gbia ti Juda na ti Israel awu mingi, tongana mbutu ti yanga ti kota ngu-ingo. Azo ni ayeke te, ala yeke nyon si ala yeke duti na ngia.

Abia (Psaumes) 20:8

Ambeni zo azia be ti ala na ndö ti apusu ti mbarata, ambeni azia be ti ala na ndö ti ambarata. Ti e, e zia be ti e na ndö ti iri ti KOTA GBIA, Nzapa ti e, lo laa e yeke voro lo.

Josué 11:5

Agbia so kue awara tere si ala gue, asara bâbâ ti ala na tere ti ngu ti Merom, ti tiri bira na azo ti Israel.

Awafango-ngbanga 7:12

Azo ti Madian, azo ti Amalek na ambeni mara ti mbage ti To amu ya ti lando ni gbani gbani tongana angadi; wungo ti *azambala ti ala ayeke tongana wungo ti mbutu ti yanga ti kota ngu-ingo.

1 Samuel 13:5

Azo ti Filistii abongbi nga ti tiri bira na azo ti Israel. Ala yeke na apusu ti mbarata saki baleota, azo ti kpengo na ambarata saki omene nga na gba ti aturugu so wungo ti ala ayeke tongana wungo ti mbutu ti yanga ti ngu. Azo ni ague, asara bâbâ ti ala na Mikmas na tere ti Bet-Aven na mbage ti To.