Josué 11:3 - Mbeti ti Nzapa - Tënë so amu fini

³ Lo tokua nga na azo ti Kanaan so ayeke na To nga na ala so ayeke na Do ti Jourdain, azo ti mara ti Amori, ala ti mara ti Het, ti Perizi, ti Yebus so ayeke na sese ti ahoto, azo ti mara ti Hivi so ayeke na gbe ti hoto ti Hermon, na sese ti Mispa.

Josué 11:3 ပူးပေါင်းရင်းမြစ်များ

Tongo nda ti aye 31:49

Ambeni zo adi nga iri ni Mispa, ngbanga ti so Laban atene na Jacob: “Ayeke nzoni KOTA GBIA abaa ndo na ndö ti mbi na mo tongana e kangbi ande si e yeke baa tere pepe.

2 Samuel 24:16

So *ange ti KOTA GBIA ayoro maboko ti lo na mbage ti Jérusalem ti kangbi sioni kobela ni na ya ti gbata ni, KOTA GBIA abaa mawa ti azo ni si lo tene na ange ti fango azo ni, lo tene: “Alingbi awe! Kiri na maboko ti mo!” Na ndembe ni so, ange ti KOTA GBIA ayeke luti na tere ti lakere ti Aravna, zo ti mara ti Yebus.

2 Samuel 24:7

Ala gue, asi na Tir so ngangu gbagba ayeke na tere ni; ala si nga na ya ti agbata kue ti azo ti mara ti Hivi na ti Kanaan. Ala hunzi tambula ti ala ni na Bersheba, na Mbongo ti sese ti Juda.

1 Agbia 15:22

Tongaso gbia Asa airi azo ti sese ti Juda kue, lo zia zo oko pepe. Ala ga si ala ro atêne na akeke so Basha ayeke sara na ngangu gbagba na tere ti gbata ti Rama so, ala gue na ni. Asa amu atêne na akeke ni si lo sara na ngangu gbagba na tere ti gbata ti Geba, ti Benjamin na ti Mispa.

1 Agbia 9:20

Ambeni zo angba na ya ti kodro ni so ala yeke azo ti Israel pepe: azo ti mara ti Amori, ti Het, ti Perizi, ti Hivi na ti Yebus.

Abia (Psaumes) 133:3

Ye ni ayeke tongana ngu ti pere ti ndö ti hoto ti Hermon so ayeke zu na ndö ti hoto ti Sion. Na ndo so laa KOTA GBIA ayeke sara tufa na ndö ti azo si lo yeke mu na azo fini, kpu na kpu.

Abia (Psaumes) 89:12

Yayu ayeke ti mo, sese ayeke nga ti mo! Dunia na aye so kue ayeke na ya ni, mo laa mo sara ni.

B. ti abia 4:8

Mo so mo yeke ga wali ti mbi so, londo na hoto ti Liban, mo ga na tere ti mbi; londo na hoto ti Liban, mo ga na tere ti mbi si! Londo na li ti ahoto ti Amana, na li ti hoto ti Senir nga na ti Hermon, mo zu hio si! Mo zia du ti abamara, mo zia li ti ahoto ti ze so, mo hon.

Jérémie 40:10

Ti mbi, mbi yeke ngba ge na Mispa ti luti na iri ti ala na le ti azo ti Babilone so ayeke ga na ndo ti e. Me ti ala, ala ko ale ti *vinye, ale ti keke na mafuta, ala bata ni; ala ngba na ya ti agbata so ala mu ti duti daa.”

Jérémie 40:6

Tongaso Jérémie ague na Mispa, na tere ti Gedalia. Lo na Gedalia aduti na popo ti azo so angba na ya ti kodro ni.

Jérémie 41:14

Tongaso, azo so kue Ismael agbu ala na Mispa si ague na ala so, azo ni angba na ndo so akiri ti wara Yohanan, molenge ti Karea.

Jérémie 41:3

Na pekoni, Ismael afâ nga azo ti Juda so kue ayeke na Mispa, na tere ti Gedalia; lo fâ nga aturugu ti Babilone so ayeke lani kâ.

Wungo ti azo 13:29

Azo ti mara ti Amalek alango na mbage ti Mbongo, azo ti mara ti Het, ti Yebus na ti Amori alango na ndö ti ahoto si azo ti mara ti Kanaan alango ti ala na tere ti kota ngu-ingo nga na tere ti ngu ti Jourdain.”

Ndia ti fani use ni 4:48

Tongaso, azo ti Israel amu sese so alondo na Aroer so ayeke na tere ti ngu ti Arnon, ague ngbii asi na hoto ti Siyon, so mbeni iri ni ayeke Hermon;

Ndia ti fani use ni 7:1

Moïse atene: Fade *KOTA GBIA Nzapa ti ala ayeke gue na ala titene ala li na ya ti kodro so ala yeke mu ni titene aga ti ala. Lo yeke tumba gba ti amara nde na dawa ti ala, amara mbarambara so awu mingi si ala yeke ngangu mingi ahon ala: azo ti mara ti Het, ti Girgashi, ti Amori, ti Kanaan, ti Perizi, ti Hivi na ti Yebus.

Josué 11:17

Ti londo na hoto so iri ni Li-mbombo, so ayeke na mbage ti Seir, ngbii asi na Baal-Gad so ayeke na popo-hoto ti Liban, na gbe ti hoto ti Hermon, lo mu agbia ti asese ni kue si lo fâ ala.

Josué 11:8

KOTA GBIA azia ala na maboko ti azo ti Israel si azo ti Israel ahon ndö ti ala. Ala tumba peko ti ala na Banga ngbii asi na Sidon, kota gbata; ala tumba peko ti ala ngbii asi na Misrefot-Maim, ngbii asi na popo-hoto ti Mispe, na To. Ala fâ ala kue, ala zia zo oko angba na fini pepe.

Josué 13:11

Sese ti Galaad, ti Geshur na ti Maaka, hoto ti Hermon nga na Bashan, ague ngbii asi na Salka, kue ayeke na ya ti sese ti ala.

Josué 13:5

Mbeni sese so angba titene ala mu ni ayeke sese ti Gebal nga na hoto ti Liban, na mbage ti To, ti londo na Baal-Gad so ayeke na gbe ti hoto ti Hermon ngbii asi na Lebo-Hamat.

Josué 15:38

Dilan, Mispe, Yokteel,

Josué 15:63

Azo ti mara ti Juda awara lege pepe ti tumba azo ti mara ti Yebus so ayeke lango na Jérusalem. Azo ti mara ti Yebus na azo ti Juda angba ti lango na Jérusalem ngbii asi laso.

Josué 18:26

Mispe, Kefira, Mosa,

Josué 3:10

Na pekoni lo kiri lo tene: “Ye so ala yeke hinga atene, Nzapa so ayeke na fini ayeke na popo ti ala ayeke so: lo yeke tumba biani biani na dawa ti ala azo ti Kanaan, azo ti mara ti Het, ti Hivi, ti Perizi, ti Girgashi, ti Amori na azo ti mara ti Yebus.

Awafango-ngbanga 20:1

Azo ti Israel kue abongbi tere tongana zo oko na dawa ti *KOTA GBIA na sese ti Mispa. Ala londo na sese ti Dan ngbii ala si na Bersheba nga na Galaad.

Awafango-ngbanga 21:5

Na pekoni, azo ti Israel ahunda ndo na popo ti ala, atene: “Na popo ti amara kue ti Israel, zo wa laa aga na bongbi na dawa ti KOTA GBIA so pepe?” Biani, ala kue adeba yanga atene, fade a yeke fâ zo so ake ti ga na bongbi na dawa ti KOTA GBIA na Mispa.

Awafango-ngbanga 21:8

Azo ti Israel atene: “Na popo ti amara ti Israel, mara wa laa ade ti ga na dawa ti KOTA GBIA na Mispa pepe?” Andaa zo oko ti gbata ti Yabesh, na sese ti Galaad aga pepe na ya ti bâbâ ni na ngoi ti bongbi ni so.

Awafango-ngbanga 3:3

Amara so angba na ya ti kodro ni ayeke so: agbia oku ti azo ti Filistii, azo ti Kanaan kue, azo ti Sidon nga na azo ti Hivi so ayeke lango na hoto ti Liban, ti londo na hoto ti Baal-Hermon ngbii asi na Lebo-Hamat.

Awafango-ngbanga 3:5

Lege so laa azo ti Israel angba ti lango na popo ti azo ti Kanaan, ti Het, ti Amori, ti Perizi, ti Hivi nga na azo ti Yebus.

1 Samuel 10:17

Samuel airi azo ti Israel ti bongbi na Mispa na dawa ti *KOTA GBIA.