Josué 11:23 - Mbeti ti Nzapa - Tënë so amu fini

²³ Josué amu sese ni kue alingbi na tënë so KOTA GBIA atene ando na Moïse. Na pekoni, Josué amu ni na azo ti Israel titene aga ti ala si lo kangbi ni na lege ti amara ti ala. Tongaso, sese ni aduti na siriri, bira ayeke daa pepe.

Josué 11:23 ပူးပေါင်းရင်းမြစ်များ

Néhémie 9:24

Ala li na sese ni, ala mu ni si aga ti ala. Mo sara si azo ti sese ni, azo Kanaan, ati na gbe ti akotara ti e; mo zia azo ni, na agbia ti ala na maboko ti akotara ti e. Akotara ti e asara na azo ni ye ti be ti ala.

Abia (Psaumes) 46:9

Ala azo, ala ga abaa ye so KOTA GBIA asara; aye so lo buba na ndö ti sese!

Sigingo 34:11

“Ye so mbi mu yanga daa na ala laso, ala sara ye mbirimbiri alingbi na ni. Mbi yeke tumba na dawa ti ala azo ti mara ti Amori, azo ti Kanaan, azo ti mara ti Het, ti Perizi, ti Hivi na ti Yebus.

Ezekiel 45:8

Sese ni ayeke ga ye ti amakonzi na sese ti Israel. Tongaso si ala kiri ti te azo ti mbi na mbana pepe. Fade ala yeke zia sese angba na azo ti Israel, na lege ti amara oko oko.”

Ndia ti fani use ni 1:38

Me Josué, molenge ti Nune, lo so lo yeke sara kua na gbe ti mo, lo laa lo yeke si ande na sese ni. Ayeke nzoni mo mu ngangu na be ti lo; lo laa lo yeke mu sese ni na azo ti Israel titene aga ti ala.”

Ndia ti fani use ni 25:19

Fadeso, *KOTA GBIA Nzapa ti ala ayeke mu na ala lege ti wu tere na ya ti kodro so lo yeke mu na ala titene aga ti ala. Fade ala yeke fâ azo ti mara ti Amalek ti hunzi ala; tongaso si zo ayeke kiri ti dabe ti lo na mara ti ala pepe na ndö ti sese so. Ala, azo ti Israel, be ti ala agirisa na ni pepe!

Josué 11:18

Josué atiri bira na agbia so na ya ti alango mingi.

Josué 12:7

Na pekoni, Josué na azo ti Israel ahon ndö ti agbia so ayeke na mbage ti Do ti Jourdain na bira. Sese ti ala alondo na Baal-Gad, na popo-hoto ti Liban, na Banga, ague ngbii asi na hoto so iri ni Li-mbombo so ayeke na mbage ti Seir, na Mbongo. Josué amu asese ni na azo ti Israel titene aga ti ala si lo kangbi ni na lege ti amara ti ala.

Josué 18:10

Na Silo, Josué abi mbeni ye na dawa ti KOTA GBIA ti baa lege so lo yeke kangbi sese ni na azo ti Israel. Lo kangbi sese ni na ala alingbi na amara ti ala oko oko kue.

Josué 22:4

Fadeso, KOTA GBIA, Nzapa ti ala, amu lege na a-ita ti ala ni ti wu tere tongana ti so lo mu lani zendo ni na ala. Ala lingbi ti kiri na ndo ti ala, na sese so Moïse, zo ti kua ti KOTA GBIA, amu na ala titene aga ti ala na To ti ngu ti Jourdain.

Josué 23:1

Na peko ti so *KOTA GBIA azi azo ti Israel na maboko ti awato ti ala so angoro ala, lo mu na ala siriri aninga awe. Josué aga mbakoro si ngu ti lo ahon mingi awe.