Josué 11:21 - Mbeti ti Nzapa - Tënë so amu fini

²¹ Na ngoi ni so, Josué ague ti tiri bira na azo ti mara ti Anak so ayeke na sese ti ahoto, ala so ayeke na Hebron, na Debir, na Anab, na ala ti ndö ti ahoto ti Juda na ti Israel kue. Josué afâ azo ni kue si lo buba agbata ti ala kue.

Josué 11:21 ပူးပေါင်းရင်းမြစ်များ

Jérémie 3:23

Biani, azo ahanda e na li ti akete hoto kâ; gi awusuwusu laa azo ayeke sara na li ti ahoto kâ. Biani, gi na lege ti KOTA GBIA, Nzapa ti e si Israel ayeke soo kuâ.

Jérémie 9:23

Tongana zo aye ti gonda tere ti lo, ayeke nzoni lo gonda tere ti lo, ngbanga ti so lo hinga ndo si lo hinga mbi. Ayeke nzoni zo ni ahinga atene, mbi yeke KOTA GBIA si mbi yeke sara ye na nzoni be; mbi yeke sara ye na legeni mbirimbiri na ndö ti sese. Ye so anzere na be ti mbi laa; so tënë ti yanga ti KOTA GBIA laa.”

Amos 2:9

Andaa mbi, mbi fâ ando azo ti mara ti Amori na dawa ti ala, mbi hunzi ala kue; azo ti Amori so ayo na nduzu tongana keke ti sedre si ala yeke na ngangu tongana keke ti shene so. Ti londo na li ti azo ni asi na gere ti ala, mbi fâ ala, mbi hunzi ala kue.

Wungo ti azo 13:33

E baa azo so na ya ti mara ti ala, ala kue ayeke ayongoro yongoro zo, ala yeke ahale ti Anak. E baa tere ti e tongana agbadola; ala nga, ala yeke baa e tongaso.”

Ndia ti fani use ni 1:28

E yeke gue ti gi nyen kâ? A-ita ti e asara si be ti e afun kue, ngbanga ti so ala tene: ‘Azo ti sese ni ayeke ngangu ahon e, ala yeke ayongoro zo mingi ahon e. Agbata ti ala akono mingi, angangu gbagba ayeke na tere ni si ayo akpo le ti nduzu.’ Ala baa nga azo ti mara ti Anak kâ!”

Ndia ti fani use ni 2:21

Ala yeke angangu zo mingi, ala wu mingi si ala yeke ayongoro zo tongana azo ti mara ti Anak. Me KOTA GBIA afâ ala ahunzi ala kue na gango ti azo ti mara ti Amon; azo ti mara ti Amon atumba ala na ya ti kodro ni si ala duti na plase ti ala.

Ndia ti fani use ni 9:2

Ala yeke tumba azo ti mara ti Anak, azo ti mara so ayeke ayongoro zo mingi si ala yeke ngangu mingi. Ala azo ti Israel, ala hinga tënë ti ala nzoni, azo ayeke tene tënë ti ala, atene: “Zo wa laa alingbi ti gbu le ni na *ahale ti Anak ni, zo wa?”

Josué 10:42

Josué amu asese ni so nga na agbia ni gi na ya ti bira oko, ngbanga ti so KOTA GBIA, Nzapa ti Israel atiri bira ni ndali ti azo ti Israel.

Aye so Nzapa afa 6:2

Mbi baa ndo si mbi baa mbeni vuru mbarata. Zo so aduti na ndö ti lo agbu kokora na maboko ti lo; a mu na lo mbeni kpoto ti gbia, lo gue tongana walombe so ahon ndö ti azo na bira awe titene lo kiri lo hon ndö ti azo na bira.

Awafango-ngbanga 1:20

A mu gbata ti Hebron na Kaleb alingbi na tënë ti yanga ti Moïse so lo tene ando. Kaleb amu gbata ni na maboko ti akete mara ota ti Anak.