Josué 11:16 - Mbeti ti Nzapa - Tënë so amu fini

¹⁶ Tongaso Josué amu sese ni kue. Lo mu sese ti ahoto, sese ti mbage ti Mbongo, sese ti Goshen kue, *Kodro-ti-gbeni, popo-hoto ti Jourdain, sese so ahoto ayeke daa nga na alando ti mbage ti Banga.

Josué 11:16 ပူးပေါင်းရင်းမြစ်များ

Abia (Psaumes) 105:44

Na pekoni, lo mu na ala sese ti amara nde si ye ti peko ti kua ti amara ni aga ti ala.

Abia (Psaumes) 78:55

Lo tumba amara nde na dawa ti ala, lo haka sese ti amara ni si lo kangbi ni na azo ti lo titene aga ti ala, lo sara si amara ti Israel aduti na gbe ti ada ti bongo ti azo ni.

Ezekiel 17:23

Mbi yeke lu maboko ni na ndö ti mbeni yongoro hoto ti Israel. Fade amaboko ni ayeke sigigi daa, ayeke le si ayeke ga pendere keke ti sedre. Amara ti andeke nde nde ayeke sara da ti ala na ya ti amaboko ti keke ni, ala yeke duti na gbe ti de ni.

Ezekiel 36:8

Ti ala, ahoto ti Israel, fade amaboko ti akeke ti ala ayeke sigigi, akeke ni ayeke le ndali ti azo ti Israel so ayeke azo ti mbi. Biani, ala ga nduru ti kiri na sese ti ala awe.

Ndia ti fani use ni 1:7

Fadeso, ala londo, ala gue na sese ti ahoto so azo ti mara ti Amori ayeke daa nga na asese so ayeke na tere ni, so azo ti Kanaan ayeke lango daa, so ti tene na lando ti Jourdain, na sese ti ahoto, na *Kodro-ti-gbeni, na sese ti Negev nga na sese so ayeke na tere ti kota ngu-ingo ti Mediterane. Ala gue nga ngbii, ala si na ahoto ti Liban nga na *bale ti Efrate.

Josué 10:40

Josué atiri bira si lo mu sese ni kue: sese ti ahoto, sese ti mbage ti Mbongo, ti *Kodro-ti-gbeni, sese so ayeke na tere ti ahoto. Lo fâ agbia ni, lo zia zo oko angba na fini pepe. Lo fâ aye so ayeke na fini, lo hunzi ala tongana ti so KOTA GBIA, Nzapa ti Israel amu yanga na lo.

Josué 10:41

Josué amu asese ni, ti londo na Kades-Barnea ngbii asi na Gaza. Lo mu nga sese ti Goshen kue ngbii asi na Gabaon.

Josué 11:15

KOTA GBIA amu ando yanga na Moïse, zo ti kua ti lo, na ndö ti tënë so. Moïse amu nga na Josué si Josué asara ye alingbi na ni. Lo sara ye so kue KOTA GBIA amu yanga na Moïse ti sarango ni.

Josué 11:2

Lo tokua nga na agbia so ayeke na sese ti ahoto so ayeke na Banga, na ala so ayeke na popo-hoto ti Jourdain, na mbage ti Mbongo ti kota ngu ti Genezaret, na ala so ayeke na *Kodro-ti-gbeni, na ala so ayeke na sese ti lando ti Dor na mbage ti Do.

Josué 11:21

Na ngoi ni so, Josué ague ti tiri bira na azo ti mara ti Anak so ayeke na sese ti ahoto, ala so ayeke na Hebron, na Debir, na Anab, na ala ti ndö ti ahoto ti Juda na ti Israel kue. Josué afâ azo ni kue si lo buba agbata ti ala kue.

Josué 12:8

Asese ni ayeke sese ti ahoto, *Kodro-ti-gbeni, popo-hoto ti Jourdain, sese so ayeke na tere ti ahoto, sese ti benyama nga na sese ti mbage ti Mbongo. Azo ti mara ti Het, ti Amori, ti Kanaan, ti Perizi, ti Hivi na azo ti mara Yebus laa ayeke lango na ya ni.

Josué 9:1

Agbia so kue ayeke na mbage ti ngu ti Jourdain, ala so ayeke na sese ti ahoto, ala so ayeke na *Kodro-ti-gbeni, ala so ayeke na yanga ti kota ngu-ingo ti Mediterane ngbii asi na Liban ama tënë ti ye so asi na gbata ti Ai. Tongaso azo ti mara ti Het, ti Amori, ti Kanaan, ti Perizi, ti Hivi na ti Yebus