Josué 11:15 - Mbeti ti Nzapa - Tënë so amu fini

¹⁵ KOTA GBIA amu ando yanga na Moïse, zo ti kua ti lo, na ndö ti tënë so. Moïse amu nga na Josué si Josué asara ye alingbi na ni. Lo sara ye so kue KOTA GBIA amu yanga na Moïse ti sarango ni.

Josué 11:15 ပူးပေါင်းရင်းမြစ်များ

2 Mbai 30:12

Na sese ti Juda nga, Nzapa asara si be ti azo ni aga oko, ala yeda ti ma yanga so gbia na amakonzi ti lo amu, alingbi na tënë ti KOTA GBIA.

Wungo ti azo 33:50

Na lando ti Moab, nduru na ngu ti Jourdain so abaa le na Jéricho, *KOTA GBIA atene na Moïse

Wungo ti azo 33:52

fade ala yeke tumba azo ti kodro ni kue, ala yeke buba ayanda ti azo ni so ala sara na têne nga na wen, ala yeke kungbi ayanda ti ala kue na sese. Ala yeke buba ando so azo aleke na ndö ti ahoto ti voro anzapa nde daa.

Matthieu 23:23

“Mawa na ala, awafango-ndia, ala na afarizien! Tënë ti yanga ti ala ayeke nde na sarango ye ti ala! Ala yeke mu *dime ti aye ti ala, ataa akete kete ye ti yaka ti ala; me kota tënë ti *Ndia, ala baa ni gi tongana senge ye na le ti ala. Kota tënë ti Ndia ni ayeke sarango ye ti mbirimbiri, bango mawa ti azo, ngbango na lege ti tënë ti Nzapa. Ye so ala lingbi fade ti sara ni laa, me ala zia pepe ti sara tanga ti aye ni.

Nzoni Tënë so Luc asu na mbeti 11:42

“Mawa na ala, afarizien! Ala yeke mu na Nzapa *dime ti akugbe ti kasa ti yaka ti ala, ataa akete kete ye ti yaka ti ala. Me ala girisa taa ye so Nzapa aye: dutingo mbirimbiri na azo nga na yengo Nzapa. Baa, ye so ala lingbi fade ti sara laa, me ala girisa nga tanga ni pepe.

Awatokua 20:20

Mbeni ye so alingbi ti sara nzoni na ala, ala hinga so mbi honde ni na ala oko pepe: mbi fa tënë kue si mbi fa nda ti ye kue na ala na le ti azo kue nga na ya ti ada.

Awatokua 20:27

Biani, aye so kue Nzapa aleke na be ti lo so, mbi fa na ala awe, mbi honde ye oko pepe.

Ndia ti fani use ni 31:3

KOTA GBIA Nzapa ti ala wani laa ayeke mu li ti tambula ni na ala. Lo yeke fâ amara so alango na mbage ti ngu ni kâ ti hunzi ala, tongaso si ala, azo ti Israel, ala yeke wara lege ti mu sese ti amara ni so. Josué nga ayeke mu li ti tambula ni na ala tongana ti so KOTA GBIA atene.

Ndia ti fani use ni 31:5

KOTA GBIA ayeke zia amara ni na maboko ti ala, azo ti Israel si ala yeke sara ye na ala alingbi gi na yanga so mbi mu na ala.

Ndia ti fani use ni 31:7

Na pekoni, Moïse airi Josué si atene na lo na le ti azo ti Israel kue, atene: “Mo gbu ngangu, mo sara ye ti koli, ngbanga ti so mo laa mo yeke mu azo so ti li na ala na sese so KOTA GBIA adeba yanga ti lo ando ti mu na akotara ti ala titene aga ti ala.

Ndia ti fani use ni 4:2

Tënë so mbi yeke fa na ala, alingbi ala zia mbeni tënë na ndö ni pepe, ala zi nga mbeni tënë na ya ni pepe; me alingbi ala sara ye alingbi na atënë kue ti yanga ti KOTA GBIA Nzapa ti ala.

Ndia ti fani use ni 4:5

Ala baa, mbi fa na ala aye so ndia afa nga na atënë ti ndia alingbi na yanga so KOTA GBIA Nzapa ti mbi amu na mbi. Na ndembe so ala yeke si ande na ya ti kodro so ala yeke mu ni titene aga ti ala, fade ala yeke sara ye alingbi na ni.

Ndia ti fani use ni 7:2

KOTA GBIA ayeke zia amara ni na gbe ti komandema ti ala, azo ti Israel, ala yeke hon ndö ti azo ni na bira si ala yeke fâ ala kue ti hunzi ala. Alingbi ala sara *mbuki na azo ti amara ni pepe, ala baa mawa ti ala pepe;

Josué 1:7

Biani, gbu ngangu, mo sara ye ti koli; mo sara ye alingbi na *Ndia so kue Moïse, zo ti kua ti mbi, afa na mo. Mo zia lege ti Ndia ni ti gue mbage na mbage pepe; tongaso si na ndo so kue mo yeke gue daa, aye so kue mo yeke sara, fade ayeke ga nzoni.

Josué 11:12

Josué amu agbata kue ti agbia so nga na agbia ni kue. Lo fâ ala kue, lo hunzi ala tongana ti so Moïse, zo ti kua ti *KOTA GBIA, amu yanga ando so.

Josué 11:14

Azo ti Israel amu akungba na anyama so kue ala gbu na peko ti bira na ya ti agbata ni. Me ala fâ azo ti agbata ni kue, ahunzi ala; ye so kue ayeke na fini, ala zia ni angba pepe.

Josué 11:16

Tongaso Josué amu sese ni kue. Lo mu sese ti ahoto, sese ti mbage ti Mbongo, sese ti Goshen kue, *Kodro-ti-gbeni, popo-hoto ti Jourdain, sese so ahoto ayeke daa nga na alando ti mbage ti Banga.

1 Samuel 15:11

“Be ti mbi aso ndali ti so mbi sara si Saul aga gbia. Biani, lo ke mbi awe si lo ke ti ma yanga ti mbi.” Li ti Samuel aga kirikiri si lo sambela KOTA GBIA na bi ni kue.