Josué 11:14 - Mbeti ti Nzapa - Tënë so amu fini

¹⁴ Azo ti Israel amu akungba na anyama so kue ala gbu na peko ti bira na ya ti agbata ni. Me ala fâ azo ti agbata ni kue, ahunzi ala; ye so kue ayeke na fini, ala zia ni angba pepe.

Josué 11:14 ပူးပေါင်းရင်းမြစ်များ

2 Mbai 20:25

Yosafat na azo ti lo aga agbu aye ti awato ti ala. Ala wara gba ti anyama, amosoro, abongo nga na apendere ye. Aye so ala gbu na peko ti bira ni ayeke mingi, nilaa ala mu lango ota ti gbu na aye ni. Ala lingbi ti gue na ni kue pepe, ngbanga ti so aye ni ahon ndoni.

Wungo ti azo 31:9

Ala mu awali ti sese ti Madian kue na ngbaa, ala, na amolenge ti ala kue. Ala mu ataba, abagara, na nyama kue nga na aye ti azo ti kodro ni kue.

Ndia ti fani use ni 20:14

Aye so ala yeke gbu na peko ti bira si ala yeke bata ni ayeke awali, amolenge, anyama na aye so kue ayeke na ya ti gbata ni. Aye ti awato ti ala so ala yeke mu ni, fade ala yeke te ni senge; KOTA GBIA Nzapa ti ala amu ni na ala awe.

Ndia ti fani use ni 20:16

Ti agbata ti amara so KOTA GBIA Nzapa ti ala ayeke mu ni na ala titene aga ti ala, ye so kue ayeke na fini, fade ala yeke zia ni pepe titene angba na fini.

Josué 10:40

Josué atiri bira si lo mu sese ni kue: sese ti ahoto, sese ti mbage ti Mbongo, ti *Kodro-ti-gbeni, sese so ayeke na tere ti ahoto. Lo fâ agbia ni, lo zia zo oko angba na fini pepe. Lo fâ aye so ayeke na fini, lo hunzi ala tongana ti so KOTA GBIA, Nzapa ti Israel amu yanga na lo.

Josué 11:11

na azo ti gbata ni kue, lo hunzi ala; ye so kue ayeke na fini angba pepe; lo gbi nga gbata ni.

Josué 11:13

Me agbata so kue ayeke na ndö ti ahoto, azo ti Israel agbi ni pepe, gi gbata ti Hasor oko laa Josué agbi ni.

Josué 11:15

KOTA GBIA amu ando yanga na Moïse, zo ti kua ti lo, na ndö ti tënë so. Moïse amu nga na Josué si Josué asara ye alingbi na ni. Lo sara ye so kue KOTA GBIA amu yanga na Moïse ti sarango ni.

Josué 8:2

Fade mo yeke sara na gbata ti Ai na gbia ni gi mara ti ye so mo sara lani na gbata ti Jéricho nga na gbia ni. Me ala lingbi ti mu aye so ala yeke gbu na peko ti bira, anzoni ye nga na anyama ti gbata ni titene aga ti ala. Mo tokua ambeni turugu na hondengo ni na mbage ti peko ti gbata ni.”

Josué 8:27

Me ti azo ti Israel, ye so ala gbu na peko ti bira si aga ti ala ayeke anyama na anzoni ye ti gbata ni alingbi na yanga so KOTA GBIA amu lani na Josué.