Josué 11:12 - Mbeti ti Nzapa - Tënë so amu fini

¹² Josué amu agbata kue ti agbia so nga na agbia ni kue. Lo fâ ala kue, lo hunzi ala tongana ti so Moïse, zo ti kua ti *KOTA GBIA, amu yanga ando so.

Josué 11:12 ပူးပေါင်းရင်းမြစ်များ

Ndia ti fani use ni 7:2

KOTA GBIA ayeke zia amara ni na gbe ti komandema ti ala, azo ti Israel, ala yeke hon ndö ti azo ni na bira si ala yeke fâ ala kue ti hunzi ala. Alingbi ala sara *mbuki na azo ti amara ni pepe, ala baa mawa ti ala pepe;

Ndia ti fani use ni 9:3

Alingbi ala hinga laso atene, *KOTA GBIA Nzapa ti ala wani laa ayeke tambula na dawa ti ala tongana wâ so ayeke gbi ndo kue. Fade lo yeke kinda azo ni na dawa ti ala si lo yeke nika ala. Ala azo ti Israel, ala yeke tumba azo ni si ala yeke fâ ala kue ti hunzi ala gi hio tongaso, alingbi na zendo so KOTA GBIA amu na ala.

Josué 10:20

So Josué na azo ti Israel afâ azo ti mara ti Amori gbani gbani, angba kete ala hunzi kue. Ambeni oko oko so angba akpe si ala li na ya ti agbata ti ala so a sara angangu gbagba na tere ni.

Josué 10:28

Gi na lango ni so, Josué amu gbata ti Makeda si lo fâ gbia ni na azo ti gbata ni kue; lo zia zo oko angba na fini pepe. Mara ti ye so lo sara na gbia ti Jéricho so, gi ni laa lo sara na gbia ti Makeda.

Josué 10:30

*KOTA GBIA azia gbata ni na gbia ni na maboko ti azo ti Israel; azo ti Israel afâ ala na azo so kue ayeke na gbata ni, ala zia zo oko angba na fini pepe. Mara ti ye so ala sara na gbia ti Jéricho so, gi ni laa ala sara na gbia ti Libna.

Josué 10:32

KOTA GBIA azia Lakish na maboko ti azo ti Israel, ala mu gbata ni na use lango ni. Azo ti Israel afâ azo ti gbata ni kue, zo oko angba na fini pepe, tongana ti so ala sara na Libna.

Josué 10:35

Gi na lango ni so, ala mu gbata ni si ala fâ azo ti gbata ni kue tongana ti so ala sara na Lakish.

Josué 10:37

Ala mu gbata ni si ala fâ gbia ni na azo ti gbata ni. Ala mu nga agbata so angoro Hebron si ala fâ azo ti agbata ni. Tongana ti so Josué asara na Eglon, lo buba gbata ni kue si lo fâ azo ti gbata ni kue, lo zia zo oko angba na fini pepe.

Josué 11:13

Me agbata so kue ayeke na ndö ti ahoto, azo ti Israel agbi ni pepe, gi gbata ti Hasor oko laa Josué agbi ni.

Josué 11:15

KOTA GBIA amu ando yanga na Moïse, zo ti kua ti lo, na ndö ti tënë so. Moïse amu nga na Josué si Josué asara ye alingbi na ni. Lo sara ye so kue KOTA GBIA amu yanga na Moïse ti sarango ni.

Josué 13:6

Mbeni sese so angba ayeke sese so ahoto ayeke daa so ayeke na popo ti Liban na Misrefot-Maim; azo ti sese ni kue ayeke azo ti Sidon. Na singo ti ala azo ti Israel, mbi yeke tumba azo ti sese ni. Mo yeke bi mbeni ye ti baa lege so mo yeke kangbi sese ni na popo ti azo ti Israel titene aga ti ala, tongana ti so mbi mu yanga na mo.

Josué 21:44

KOTA GBIA amu ala lege ti wu tere na ya ti sese ni kue, tongana ti so lo deba yanga ti lo lani na akotara ti ala. KOTA GBIA azia awato ti ala kue na maboko ti ala, mbeni oko alingbi ti gbu le ni na ala pepe.

Josué 8:31

Lo leke ni alingbi na yanga so Moïse, zo ti kua ti KOTA GBIA amu na azo ti Israel. A su tënë ni na ya ti mbeti ti *Ndia ti Moïse, atene: “Gbalaka ni ayeke na asenge têne so zo andu tere ni na wen oko pepe.” Na ndö ti gbalaka ni, azo ti Israel ayeke mu na KOTA GBIA *asandaga so a yeke gbi ni kue na wâ nga na asandaga ti beoko.

Josué 8:8

Tongana ala mu gbata ni awe, fade ala yeke bi wâ daa alingbi na yanga so KOTA GBIA amu. Baa, yanga so mbi mu na ala laa.”

Josué 9:24

Azo ti Gabaon akiri tënë na Josué, atene: “E azo ti kua ti mo, e sara ye tongaso, ngbanga ti so e ma a tene, KOTA GBIA, Nzapa ti mo, amu yanga na Moïse, zo ti kua ti lo atene, fade ni yeke mu sese ni kue na ala, azo ti Israel si ala yeke fâ azo ti sese ni kue ti hunzi ala. Mbeto ti ala agbu e mingi si e baa e tene, e kui ti e awe.