Josué 10:40 - Mbeti ti Nzapa - Tënë so amu fini

⁴⁰ Josué atiri bira si lo mu sese ni kue: sese ti ahoto, sese ti mbage ti Mbongo, ti *Kodro-ti-gbeni, sese so ayeke na tere ti ahoto. Lo fâ agbia ni, lo zia zo oko angba na fini pepe. Lo fâ aye so ayeke na fini, lo hunzi ala tongana ti so KOTA GBIA, Nzapa ti Israel amu yanga na lo.

Josué 10:40 ပူးပေါင်းရင်းမြစ်များ

1 Agbia 15:29

So Basha aga gbia awe, lo fâ azo ti sewa ti Yeroboam kue; lo zia mbeni zo oko angba na fini pepe. Lo fâ azo ni kue, lo hunzi ala alingbi na tënë so KOTA GBIA atene na lege ti zo ti kua ti lo Ahia, zo ti kodro ti Silo.

Néhémie 9:24

Ala li na sese ni, ala mu ni si aga ti ala. Mo sara si azo ti sese ni, azo Kanaan, ati na gbe ti akotara ti e; mo zia azo ni, na agbia ti ala na maboko ti akotara ti e. Akotara ti e asara na azo ni ye ti be ti ala.

Abia (Psaumes) 9:17

KOTA GBIA asara si azo ahinga lo, lo fâ ngbanga awe: lo gbu zo ti sioni na ya ti kuku ti zo ni wani. Kete mozoko. Luti kete

Sigingo 34:12

Kodro so ala yeke gue daa so, ala sara hange si ala na azo ni aga ambuki pepe. Tongaso pepe, fade ye ni ayeke ga kuku ti gbungo ala.

Wungo ti azo 13:17

Na ndembe so Moïse atokua azo ni ti bembe ndo na ya ti kodro ti Kanaan, lo tene na ala: “Ala li na mbage ti Mbongo; na pekoni, ala ma na sese so ahoto ayeke daa.

Ndia ti fani use ni 1:7

Fadeso, ala londo, ala gue na sese ti ahoto so azo ti mara ti Amori ayeke daa nga na asese so ayeke na tere ni, so azo ti Kanaan ayeke lango daa, so ti tene na lando ti Jourdain, na sese ti ahoto, na *Kodro-ti-gbeni, na sese ti Negev nga na sese so ayeke na tere ti kota ngu-ingo ti Mediterane. Ala gue nga ngbii, ala si na ahoto ti Liban nga na *bale ti Efrate.

Ndia ti fani use ni 2:34

Na pekoni, e mu agbata ti lo kue; e buba ni kue kue kue, e fâ akoli, awali na amolenge, e hunzi ala; e zia zo oko angba na fini pepe.

Ndia ti fani use ni 7:24

Lo yeke zia agbia ti amara ni so na maboko ti ala; ala yeke sara titene a zi iri ti ala biani biani na ndö ti sese so. Mbeni zo oko na popo ti ala ayeke gbu le ni na ala pepe; ala yeke fâ agbia ni kue ti hunzi ala.

Josué 10:35

Gi na lango ni so, ala mu gbata ni si ala fâ azo ti gbata ni kue tongana ti so ala sara na Lakish.

Josué 10:37

Ala mu gbata ni si ala fâ gbia ni na azo ti gbata ni. Ala mu nga agbata so angoro Hebron si ala fâ azo ti agbata ni. Tongana ti so Josué asara na Eglon, lo buba gbata ni kue si lo fâ azo ti gbata ni kue, lo zia zo oko angba na fini pepe.

Josué 10:39

Ala mu gbata ni na gbia ni nga na agbata so kue angoro Debir. Ala fâ azo ti agbata ni kue, ala zia zo oko angba na fini pepe. Ye so Josué asara na agbata ti Hebron na ti Libna na agbia ti agbata ni, gi mara ni laa lo sara na gbata ti Debir nga na gbia ni.

Josué 11:16

Tongaso Josué amu sese ni kue. Lo mu sese ti ahoto, sese ti mbage ti Mbongo, sese ti Goshen kue, *Kodro-ti-gbeni, popo-hoto ti Jourdain, sese so ahoto ayeke daa nga na alando ti mbage ti Banga.

Josué 12:8

Asese ni ayeke sese ti ahoto, *Kodro-ti-gbeni, popo-hoto ti Jourdain, sese so ayeke na tere ti ahoto, sese ti benyama nga na sese ti mbage ti Mbongo. Azo ti mara ti Het, ti Amori, ti Kanaan, ti Perizi, ti Hivi na azo ti mara Yebus laa ayeke lango na ya ni.

Josué 18:21

Agbata ti azo ti mara ti Benjamin na lege ti akete mara ti ala ayeke so: Jéricho, Bet-Hogla, Emek-Kesis,

Josué 6:17

Gbata ni na aye so kue ayeke na ya ni, fade a yeke zia ni titene a buba ni, ngbanga ti so gbata ni ayeke ti KOTA GBIA. Gi Rahab, wali-ndumba so, lo na azo so kue ayeke na lo na ya ti da ti lo laa ayeke ngba na fini, ngbanga ti so lo honde azo ti *bembengo ndo so lani e tokua ala so.

Josué 8:2

Fade mo yeke sara na gbata ti Ai na gbia ni gi mara ti ye so mo sara lani na gbata ti Jéricho nga na gbia ni. Me ala lingbi ti mu aye so ala yeke gbu na peko ti bira, anzoni ye nga na anyama ti gbata ni titene aga ti ala. Mo tokua ambeni turugu na hondengo ni na mbage ti peko ti gbata ni.”

Josué 8:27

Me ti azo ti Israel, ye so ala gbu na peko ti bira si aga ti ala ayeke anyama na anzoni ye ti gbata ni alingbi na yanga so KOTA GBIA amu lani na Josué.

Josué 9:24

Azo ti Gabaon akiri tënë na Josué, atene: “E azo ti kua ti mo, e sara ye tongaso, ngbanga ti so e ma a tene, KOTA GBIA, Nzapa ti mo, amu yanga na Moïse, zo ti kua ti lo atene, fade ni yeke mu sese ni kue na ala, azo ti Israel si ala yeke fâ azo ti sese ni kue ti hunzi ala. Mbeto ti ala agbu e mingi si e baa e tene, e kui ti e awe.