Josué 10:37 - Mbeti ti Nzapa - Tënë so amu fini

³⁷ Ala mu gbata ni si ala fâ gbia ni na azo ti gbata ni. Ala mu nga agbata so angoro Hebron si ala fâ azo ti agbata ni. Tongana ti so Josué asara na Eglon, lo buba gbata ni kue si lo fâ azo ti gbata ni kue, lo zia zo oko angba na fini pepe.

Josué 10:37 ပူးပေါင်းရင်းမြစ်များ

Sigingo 17:13

Nilaa Josué ahon ndö ti azo ti Amalek na bira ni, lo fâ ala na yongoro zeme.

Josué 10:28

Gi na lango ni so, Josué amu gbata ti Makeda si lo fâ gbia ni na azo ti gbata ni kue; lo zia zo oko angba na fini pepe. Mara ti ye so lo sara na gbia ti Jéricho so, gi ni laa lo sara na gbia ti Makeda.

Josué 10:35

Gi na lango ni so, ala mu gbata ni si ala fâ azo ti gbata ni kue tongana ti so ala sara na Lakish.

Josué 10:36

Josué na azo ti Israel kue alondo na Eglon, ala gue na Hebron si ala tiri bira na gbata ni.

Josué 10:38

Na pekoni, Josué na azo ti Israel kue akiri, ala gue na Debir si ala tiri bira na gbata ni.

Josué 10:39

Ala mu gbata ni na gbia ni nga na agbata so kue angoro Debir. Ala fâ azo ti agbata ni kue, ala zia zo oko angba na fini pepe. Ye so Josué asara na agbata ti Hebron na ti Libna na agbia ti agbata ni, gi mara ni laa lo sara na gbata ti Debir nga na gbia ni.

Josué 10:40

Josué atiri bira si lo mu sese ni kue: sese ti ahoto, sese ti mbage ti Mbongo, ti *Kodro-ti-gbeni, sese so ayeke na tere ti ahoto. Lo fâ agbia ni, lo zia zo oko angba na fini pepe. Lo fâ aye so ayeke na fini, lo hunzi ala tongana ti so KOTA GBIA, Nzapa ti Israel amu yanga na lo.

Josué 11:12

Josué amu agbata kue ti agbia so nga na agbia ni kue. Lo fâ ala kue, lo hunzi ala tongana ti so Moïse, zo ti kua ti *KOTA GBIA, amu yanga ando so.