Josué 10:30 - Mbeti ti Nzapa - Tënë so amu fini

³⁰ *KOTA GBIA azia gbata ni na gbia ni na maboko ti azo ti Israel; azo ti Israel afâ ala na azo so kue ayeke na gbata ni, ala zia zo oko angba na fini pepe. Mara ti ye so ala sara na gbia ti Jéricho so, gi ni laa ala sara na gbia ti Libna.

Josué 10:30 ပူးပေါင်းရင်းမြစ်များ

2 Agbia 10:11

Azo ti sewa ti Akab so kue angba na fini na gbata ti Yizreel, akota zo ti lo kue, azo so lo na ala aye tere nga na awayango-sandaga ti lo, Yehu afâ ala kue, lo zia mbeni zo oko angba na fini pepe.

Wungo ti azo 32:22

Ayeke nzoni ala kiri na ndo ti ala gi na ndembe so ala mu kodro ni titene aga ti KOTA GBIA. Tongaso si KOTA GBIA, lo na azo ti Israel alingbi ti bi tënë pepe na li ti ala si kodro so ge so aga ti ala.

Ndia ti fani use ni 2:33

KOTA GBIA Nzapa ti e azia lo na maboko ti e; e hon ndö ti lo na bira, lo na amolenge ti lo ti koli na aturugu ti lo kue.

Ndia ti fani use ni 7:2

KOTA GBIA ayeke zia amara ni na gbe ti komandema ti ala, azo ti Israel, ala yeke hon ndö ti azo ni na bira si ala yeke fâ ala kue ti hunzi ala. Alingbi ala sara *mbuki na azo ti amara ni pepe, ala baa mawa ti ala pepe;

Josué 10:28

Gi na lango ni so, Josué amu gbata ti Makeda si lo fâ gbia ni na azo ti gbata ni kue; lo zia zo oko angba na fini pepe. Mara ti ye so lo sara na gbia ti Jéricho so, gi ni laa lo sara na gbia ti Makeda.

Josué 10:29

Josué na azo ti Israel kue alondo na Makeda, ala gue na Libna si ala tiri bira na gbata ni.

Josué 10:31

Josué na azo ti Israel kue alondo na Libna, ala gue na Lakish. Ala ngoro gbata ni si ala tiri bira na gbata ni.

Josué 11:12

Josué amu agbata kue ti agbia so nga na agbia ni kue. Lo fâ ala kue, lo hunzi ala tongana ti so Moïse, zo ti kua ti *KOTA GBIA, amu yanga ando so.

Josué 12:15

Libna, Adulam,

Josué 8:24

Azo ti Israel afâ azo ti Ai kue na ya ti ngonda, na benyama so ala tumba peko ti ala daa so. So azo ti Israel afâ azo ni kue, ahunzi ala awe, ala kue akiri na gbata ti Ai si ala fâ tanga ti azo ni kue.

Josué 8:29

Ti gbia ti Ai, Josué amu yanga titene a kanga go ti lo na tere ti keke na nduzu; kuâ ti lo angba na ya ti keke ni ngbii asi na lakui. Na lakui, Josué amu yanga titene ala zi kuâ ti lo ni. Ala gue, abi kuâ ni na yanga ti gbata ni si ala bongbi gba ti têne na ndö ni; atêne ni angba ngbii asi laso.

Josué 9:3

Azo ti Gabaon ama tënë ti ye so Josué asara na agbata ti Jéricho na ti Ai.