Josué 10:28 - Mbeti ti Nzapa - Tënë so amu fini

²⁸ Gi na lango ni so, Josué amu gbata ti Makeda si lo fâ gbia ni na azo ti gbata ni kue; lo zia zo oko angba na fini pepe. Mara ti ye so lo sara na gbia ti Jéricho so, gi ni laa lo sara na gbia ti Makeda.

Josué 10:28 ပူးပေါင်းရင်းမြစ်များ

Abia (Psaumes) 110:1

Bia ti David. So tënë ti yanga ti *KOTA GBIA so lo tene na Kota Gbia ti mbi laa: “Duti na mbage ti maboko ti mbi ti koli, mbi yeke sara titene awato ti mo aga tongana mbata ti gbe ti gere ti mo si.”

Nzoni Tënë so Luc asu na mbeti 19:27

Âdu ti awato ti mbi so aye titene mbi le-gbia na ndö ti ala pepe so, ala mu ala, aga na ala na ndo so si ala fâ go ti ala na le ti mbi.’ ”

1 Korente 15:25

Biani, alingbi Christ ale-gbia ngbii Nzapa azia awato ti lo kue na gbe ti gere ti lo.

Ndia ti fani use ni 2:34

Na pekoni, e mu agbata ti lo kue; e buba ni kue kue kue, e fâ akoli, awali na amolenge, e hunzi ala; e zia zo oko angba na fini pepe.

Ndia ti fani use ni 7:16

Amara so kue KOTA GBIA ayeke zia ala na maboko ti ala, azo ti Israel, alingbi ala baa mawa ti ala pepe, ala fâ ala kue ahunzi ala. Ala voro anzapa ti amara ni so pepe. Tongaso pepe, fade anzapa ni ayeke ga kuku ti gbungo ala.

Ndia ti fani use ni 7:2

KOTA GBIA ayeke zia amara ni na gbe ti komandema ti ala, azo ti Israel, ala yeke hon ndö ti azo ni na bira si ala yeke fâ ala kue ti hunzi ala. Alingbi ala sara *mbuki na azo ti amara ni pepe, ala baa mawa ti ala pepe;

Josué 10:30

*KOTA GBIA azia gbata ni na gbia ni na maboko ti azo ti Israel; azo ti Israel afâ ala na azo so kue ayeke na gbata ni, ala zia zo oko angba na fini pepe. Mara ti ye so ala sara na gbia ti Jéricho so, gi ni laa ala sara na gbia ti Libna.

Josué 10:32

KOTA GBIA azia Lakish na maboko ti azo ti Israel, ala mu gbata ni na use lango ni. Azo ti Israel afâ azo ti gbata ni kue, zo oko angba na fini pepe, tongana ti so ala sara na Libna.

Josué 10:35

Gi na lango ni so, ala mu gbata ni si ala fâ azo ti gbata ni kue tongana ti so ala sara na Lakish.

Josué 10:37

Ala mu gbata ni si ala fâ gbia ni na azo ti gbata ni. Ala mu nga agbata so angoro Hebron si ala fâ azo ti agbata ni. Tongana ti so Josué asara na Eglon, lo buba gbata ni kue si lo fâ azo ti gbata ni kue, lo zia zo oko angba na fini pepe.

Josué 10:39

Ala mu gbata ni na gbia ni nga na agbata so kue angoro Debir. Ala fâ azo ti agbata ni kue, ala zia zo oko angba na fini pepe. Ye so Josué asara na agbata ti Hebron na ti Libna na agbia ti agbata ni, gi mara ni laa lo sara na gbata ti Debir nga na gbia ni.

Josué 12:15

Libna, Adulam,

Josué 12:16

Makeda, Betel,

Josué 15:41

Gederot, Bet-Dagon, Naama na Makeda. Agbata ni kue ayeke baleoko na omene, ala na akete kodro so ayeke na tere ni.

Josué 6:21

Ala buba aye so kue ayeke na ya ti gbata ni; akoli na awali, amaseka na ambakoro, abagara, ataba na alele, ala fâ ala kue.

Josué 8:2

Fade mo yeke sara na gbata ti Ai na gbia ni gi mara ti ye so mo sara lani na gbata ti Jéricho nga na gbia ni. Me ala lingbi ti mu aye so ala yeke gbu na peko ti bira, anzoni ye nga na anyama ti gbata ni titene aga ti ala. Mo tokua ambeni turugu na hondengo ni na mbage ti peko ti gbata ni.”

Josué 9:3

Azo ti Gabaon ama tënë ti ye so Josué asara na agbata ti Jéricho na ti Ai.