Josué 10:26 - Mbeti ti Nzapa - Tënë so amu fini

²⁶ Na pekoni, Josué afâ agbia ni si lo kanga kuâ ti ala na nduzu na tere ti akeke oku. Ala ngba kâ ngbii asi na lakui.

Josué 10:26 ပူးပေါင်းရင်းမြစ်များ

2 Samuel 21:6

Ayeke nzoni ala zia na maboko ti e azo mbarambara ti ya ti *hale ti lo, e kanga kamba na go ti ala na nduzu na dawa ti KOTA GBIA na Gibea, gbata so Saul aduti ando daa, Saul so KOTA GBIA asoro lo so.” Gbia akiri tënë: “Fade mbi yeke zia azo ni na maboko ti ala.”

2 Samuel 21:9

Gbia azia ala na maboko ti azo ti Gabaon si azo ti Gabaon akanga kamba na go ti ala na nduzu na li ti mbeni hoto na dawa ti KOTA GBIA. Azo ni mbarambara kue akui legeoko. Azo ti Gabaon afâ ala lani na ya ti akozo lango ti fango ale ti *orze.

Esther 2:23

So azo agi nda ti tënë ni si ala baa so ye ni ayeke taa-tënë, ala gbu akoli use so akanga go ti ala na tere ti keke na nduzu. Na pekoni, taa na dawa ti gbia wani, ala su tënë ni na ya ti ambeti-sango ti ngu oko oko ti kodro-gbia ni.

Abia (Psaumes) 149:7

Tongaso, fade ala yeke kiri peko ti sioni na amara nde, ala yeke pika amara,

Abia (Psaumes) 18:41

Mo sara si awato ti mbi akpe na dawa ti mbi, mbi yeke fâ azo ti kengo mbi, mbi hunzi ala kue.

Wungo ti azo 25:4

KOTA GBIA atene na Moïse: “Mo gbu amakonzi kue ti azo ni, mo kanga go ti ala na tere ti keke na nduzu, ala yeke baa le ti lâ, na dawa ti mbi. Tongaso si ngonzo ti mbi ade na tere ti azo ti Israel.”

Matthieu 27:25

Azo ni kue akiri tënë, atene: “E ye titene ngbanga ti kuâ ti lo ati na li ti e nga na amolenge ti e!”

Jean 19:31

Lango ni ayeke lango ti lekengo tere ndali ti *lango ti wungo tere. Azuife aye ka titene akuâ angba na ndö ti akeke ti kroa na lango ti wungo tere pepe. Andaa lango ti wungo tere ni ayeke mbeni kota lango mingi. Tongaso ala gue, ahunda Pilate ti mu yanga titene a kungbi agere ti akoli so a kanga ala na ndö ti akeke ti kroa so si ala zi akuâ ni na ndö ti akeke ti kroa ni.

Galasii 3:13

Christ afuta kota ngere ti zi e na gbe ti deba awe. Deba so Ndia aga na ni na li ti e, lo yo deba ni na li ti lo wani ndali ti e. Biani, Mbeti ti Nzapa atene: “Zo so a kanga lo na nduzu na ndö ti keke, deba ayeke na li ti lo.”

Josué 8:29

Ti gbia ti Ai, Josué amu yanga titene a kanga go ti lo na tere ti keke na nduzu; kuâ ti lo angba na ya ti keke ni ngbii asi na lakui. Na lakui, Josué amu yanga titene ala zi kuâ ti lo ni. Ala gue, abi kuâ ni na yanga ti gbata ni si ala bongbi gba ti têne na ndö ni; atêne ni angba ngbii asi laso.

Awafango-ngbanga 8:21

Zeba na Salmuna atene na Gédéon: “Mo wani, mo londo mo fâ e, ngbanga ti so mara ti kua so alingbi gi na zo so aga koli awe!” Gédéon alondo si lo fâ Zeba na Salmuna. Lo mu aye ti pendere so a kanga na go ti *azambala ti ala.

1 Samuel 15:33

Me Samuel atene na lo: “Yongoro zeme ti mo asara si amama ayeke na vundu ndali ti amolenge ti ala. Fade mama ti mo nga ayeke na vundu ndali ti molenge ti lo.” Tongaso, Samuel afâ Agag na dawa ti KOTA GBIA na Gilgal.