Josué 10:20 - Mbeti ti Nzapa - Tënë so amu fini

²⁰ So Josué na azo ti Israel afâ azo ti mara ti Amori gbani gbani, angba kete ala hunzi kue. Ambeni oko oko so angba akpe si ala li na ya ti agbata ti ala so a sara angangu gbagba na tere ni.

Josué 10:20 ပူးပေါင်းရင်းမြစ်များ

2 Samuel 20:6

Tongaso David atene na Abishai: “Fadeso, Sheba, molenge ti Bikri ayeke sara sioni mingi na e ahon ti Absalom. Mo mu aturugu ti mbi, mo tumba peko ti koli so kozo titene lo gue, lo honde tere ti lo na ya ti agbata so angangu gbagba ayeke na tere ni.”

1 Agbia 20:21

Na pekoni, gbia ti Israel asigigi ti gue na bira. Lo fâ ambarata, lo buba apusu ti mbarata si lo nika azo ti Sirii nikango.

2 Mbai 13:17

Abia na aturugu ti lo afâ azo ti Israel gbani gbani: akpengba turugu ti Israel 500 000 akui.

Jérémie 4:5

Ala to mbela na sese ti Juda kue, ala to mbela nga na ya ti Jérusalem. Ala huru didi na ya ti kodro ni kue, ala dekongo ngangu, ala tene: “Ala azo, ala bongbi tere ti ala, ala li na ya ti agbata so gbagba ti bira ayeke na tere ni!”

Jérémie 8:14

“E ngba ti duti dutingo ngbanga ti nyen? E londo, e bongbi tere, e li na ya ti agbata so gbagba ti bira ayeke na tere ni, e duti kâ ti ku kuâ ti e ma! Biani, KOTA GBIA, Nzapa ti e aye gi kuâ ti e; lo ye titene e nyon gi ngu so sioni yoro ayeke daa, ngbanga ti so e sara siokpari ti ke lo.

Ndia ti fani use ni 20:16

Ti agbata ti amara so KOTA GBIA Nzapa ti ala ayeke mu ni na ala titene aga ti ala, ye so kue ayeke na fini, fade ala yeke zia ni pepe titene angba na fini.

Josué 10:10

KOTA GBIA asara si azo ti mara ti Amori akpe kirikiri na dawa ti azo ti Israel; azo ti Israel afâ ala gbani gbani na gbata ti Gabaon. Ala tumba peko ti ala na lege so ague na nduzu, na Bet-Horon si ala fâ ala ngbii asi na Azeka nga na Makeda.

Josué 10:19

Me ti ala, ala luti pepe, ala tumba peko ti awato ti ala. Ala kanga lege na awato ni titene ala li na ya ti agbata ti ala pepe. Biani, *KOTA GBIA Nzapa ti ala, azia awato ni na maboko ti ala awe.”

Josué 10:21

Na pekoni, azo ti Israel kue akiri na siriri na tere ti Josué, na ya ti bâbâ so ayeke na Makeda. Tongaso zo oko ti kiri ti zi yanga na tere ti azo ti Israel ayeke daa pepe.

Josué 11:12

Josué amu agbata kue ti agbia so nga na agbia ni kue. Lo fâ ala kue, lo hunzi ala tongana ti so Moïse, zo ti kua ti *KOTA GBIA, amu yanga ando so.

Josué 11:8

KOTA GBIA azia ala na maboko ti azo ti Israel si azo ti Israel ahon ndö ti ala. Ala tumba peko ti ala na Banga ngbii asi na Sidon, kota gbata; ala tumba peko ti ala ngbii asi na Misrefot-Maim, ngbii asi na popo-hoto ti Mispe, na To. Ala fâ ala kue, ala zia zo oko angba na fini pepe.

Josué 8:24

Azo ti Israel afâ azo ti Ai kue na ya ti ngonda, na benyama so ala tumba peko ti ala daa so. So azo ti Israel afâ azo ni kue, ahunzi ala awe, ala kue akiri na gbata ti Ai si ala fâ tanga ti azo ni kue.