Josué 10:13 - Mbeti ti Nzapa - Tënë so amu fini

¹³ Lâ aluti, nze nga aluti na ndo oko ngbii azo ti Israel ahon ndö ti awato ti ala. Tongana ti so a su na ya ti “Mbeti ti zo ti mbirimbiri”, na ya ti lango oko kue, lâ aluti na le ti nduzu na ndo oko, lo kiri lo hon pepe ngbii asi na lakui.

Josué 10:13 ပူးပေါင်းရင်းမြစ်များ

2 Samuel 1:18

Lo mu yanga titene a fa bia ni na azo ti Juda. Bia ni ayeke “Bia ti kokora”. A wara ni na ya ti Mbeti ti zo ti mbirimbiri.

2 Agbia 20:10

Ezekias akiri tënë: “Titene gbe ti de ti lâ ague na li ni alingbi na bingo gere baleoko, so ayeke ngangu pepe. Me ti mbi, mbi ye titene gbe ti de ni akiri na peko alingbi na bingo gere baleoko.”

Esther 8:13

Na ya ti kodro-sese oko oko so ambeti ni asi daa, alingbi tënë ti ya ni aga tongana ndia; ayeke nzoni a fa tënë ni na azo kue titene ala hinga ni, tongaso si azuife aleke tere ti ala ti fâ awato ti ala tongana lango ni so alingbi.”

Mbeti ti Job 9:7

Tongana lo mu yanga na lâ, lâ ayeke sigigi pepe; lo yeke kanga lege na atongoro ti su.

Abia (Psaumes) 148:3

Lâ na nze, ala sepela lo! Ala atongoro so ayeke za zango, ala sepela lo!

Abia (Psaumes) 19:4

Ala yeke na yanga pepe, ala yeke tene tënë pepe, zo alingbi ti ma go ti ala pepe.

Ésaïe 24:23

Le ti nze ayeke be na kamene, kamene ayeke gbu le ti lâ. Biani, KOTA GBIA so ayeke na ndö ti dunia kue, lo yeke duti gbia na Jérusalem nga na ndö ti hoto ti *Sion. Gonda ti lo ayeke za na dawa ti *akangba ti gbata ni.

Ésaïe 38:8

Na ndö ti eskalie ti Ahaz so ayeke fade na lâ, gbe ti de azu daa awe. Nilaa KOTA GBIA ayeke sara titene gbe ti de ni akiri na peko alingbi na bingo gere baleoko.” Biani, gbe ti de ni akiri na peko alingbi na bingo gere baleoko na ndö ti eskalie ti Ahaz so gbe ti de ti lâ azu fade na ndö ni so.

Joël 2:10

Na singo ti ala, sese ayingi, le ti nduzu ado ngangu; le ti lâ na ti nze avuko pitipiti si atongoro akiri aza pepe.

Habakuk 3:11

Na dawa ti zango ti ale ti kokora ti mo nga na dawa ti zango le ti alikongo ti mo so ayeke hon hongo, lâ na nze aluti kpoo.

Wungo ti azo 21:14

Ndani laa, a su tënë ni na ya ti Buku ti Abira ti *KOTA GBIA, atene: “…Vaheb so ayeke na Sufa, lo na akete ngu ti lo nga na Arnon,

Wungo ti azo 31:2

“Sioni so azo ti mara ti Madian asara lani na azo ti Israel so, kiri peko ni na azo ti Madian ni. Na pekoni, mo yeke kui ti gue na peko ti akotara ti mo.”

Matthieu 24:29

“Gi na peko ti apasi so, fade le ti lâ ayeke vuko, nze ayeke kiri ti su pepe, atongoro ayeke londo na le ti nduzu ti ti na sese si angangu so ayeke na le ti nduzu ayeke yingi.

Matthieu 5:45

Tongaso si ala lingbi ti ga amolenge ti Babâ ti ala so ayeke na yayu. Babâ ti ala ni ayeke sara si lâ ti lo asu na ndö ti anzoni zo nga na ndö ti asioni zo kue. Lo yeke tokua ngu-Nzapa na ndö ti azo ti mbirimbiri nga na ndö ti azo ti kirikiri.

Nzoni Tënë so Luc asu na mbeti 18:7

Azo so Nzapa asoro ala si ala yeke toto na lo bi na lâ so, fade lo yeke fâ ya ti ngbanga ti ala pepe? Fade lo yeke ku ngbii si lo mu maboko na ala?

Awatokua 2:20

lâ ayeke ga vukongo ndo, nze ayeke ga bengba tongana mene. Na pekoni, fade lango ti *Kota Gbia ayeke si, kota lango so azo ayeke baa gonda ti Nzapa.

Josué 10:11

Na ndembe so ala yeke kpe na dawa ti azo ti Israel si ala londo na Bet-Horon ti zu na gbe ni, KOTA GBIA asara si angbongboro *pembe ti bekpa alondo na nduzu kâ atuku na ndö ti ala ngbii ala si na ni na Azeka si ala kui. Ala so apembe ti bekpa afâ ala ayeke mingi ahon ala so azo ti Israel afâ ala na yongoro zeme.

Josué 10:14

Mbeni lango tongana ti so ade ti duti daa pepe, ataa kozoni, ataa na pekoni. Na lango ni so, KOTA GBIA asara ye alingbi na tënë so zo ahunda na lo, ngbanga ti so KOTA GBIA wani laa atiri fade bira ndali ti azo ti Israel.

Aye so Nzapa afa 21:23

Gbata ni aku titene lâ wala nze asu na ya ni pepe, ngbanga ti so gonda ti Nzapa ayeke su na ya ni si Molenge ti Taba ayeke sara titene ndo ni avuru.

Aye so Nzapa afa 6:10

Azo ni ayeke dekongo ngangu, atene: “Gbia, mo so mo yeke nde si mo yeke nzoni kue, mo yeke tene gi taa-tënë; mo yeke ku ande ngbii asi lawa si mo yeke fâ ngbanga na li ti azo ti ndö ti sese titene mo kiri na ala peko ti mene ti e so ala tuku so?”

Aye so Nzapa afa 6:12

So Molenge ti Taba azi omene nzoroko ni, mbi baa sese ayingi ngangu: lâ avuko tongana vuko bongo ti mua, le ti nze aga bengba tongana mene;

Aye so Nzapa afa 8:12

Osio ange ni ahuru tatalita ti lo. A pika mbeni mbage oko na popo ti ambage ota ti lâ na ti nze na ti atongoro oko oko kue si avuko; kota lâ agirisa mbage oko ti zango ti lo na popo ti ambage ni ota so ayeke za; vurungo ndo ti bi asara nga gi tongaso.

Awafango-ngbanga 16:28

Tongaso, Samson asambela KOTA GBIA, lo tene: “Kota Gbia NZAPA, mbi voro mo, dabe ti mo na mbi! Kiri mo mu ngangu na mbi ti fani oko si gi fani oko, mbi lingbi ti kiri peko ti sioni na azo ti Filistii ndali ti le ti mbi so ala koro ni use kue so!”

Awafango-ngbanga 5:2

“Na kodro ti Israel, zo oko oko ayeke nduru ti tiri bira, azo ayeda na be ti ala ti gue na bira: ala mu singila na *KOTA GBIA!