Josué 10:12 - Mbeti ti Nzapa - Tënë so amu fini

¹² Tongaso, na lango so KOTA GBIA azia azo ti mara ti Amori na maboko ti azo ti Israel, Josué ahunda mbeni ye na KOTA GBIA, na le ti azo ti Israel kue, atene: “Lâ, mo luti na ndö ti Gabaon! Nze, mo luti na ndö ti popo-hoto ti Ayalon!”

Josué 10:12 ပူးပေါင်းရင်းမြစ်များ

2 Samuel 2:12

Abner, molenge ti Ner na aturugu ti Ishebaal, molenge ti Saul alondo na Mahanaim ti gue ti tiri bira na mbage ti Gabaon.

2 Agbia 20:10

Ezekias akiri tënë: “Titene gbe ti de ti lâ ague na li ni alingbi na bingo gere baleoko, so ayeke ngangu pepe. Me ti mbi, mbi ye titene gbe ti de ni akiri na peko alingbi na bingo gere baleoko.”

2 Agbia 20:11

Tongaso wayanga-Nzapa Ésaïe avoro KOTA GBIA si KOTA GBIA akiri na gbe ti de ni na peko alingbi na bingo gere baleoko; so ti tene na ndö ti eskalie ti Ahaz.

2 Agbia 20:9

Ésaïe akiri tënë: “Ye so ayeke fa ande na mo atene, KOTA GBIA ayeke sara ye alingbi na tënë so lo tene ayeke so: Mo ye titene gbe ti de ti lâ ague na li ni alingbi na bingo gere baleoko wala akiri na peko alingbi na bingo gere baleoko?”

1 Mbai 8:13

Beria na Shema, amakonzi ti asewa ti azo ti Ayalon laa atumba azo ti gbata ti Gat.

2 Mbai 11:10

Sora, Ayalon na Hebron. Agbata so a sara ngangu gbagba na tere ni so ayeke na sese ti Juda na ti Benjamin.

Mbeti ti Job 9:7

Tongana lo mu yanga na lâ, lâ ayeke sigigi pepe; lo yeke kanga lege na atongoro ti su.

Abia (Psaumes) 148:3

Lâ na nze, ala sepela lo! Ala atongoro so ayeke za zango, ala sepela lo!

Abia (Psaumes) 19:4

Ala yeke na yanga pepe, ala yeke tene tënë pepe, zo alingbi ti ma go ti ala pepe.

Abia (Psaumes) 74:16

Kota lâ ayeke ti mo, bi nga ayeke ti mo, mo laa mo sara nze na lâ.

Ésaïe 28:21

Fade KOTA GBIA ayeke sara ye tongana ti so lo sara na li ti hoto ti Perasim; lo yeke do na ngonzo tongana ti so lo sara na popo-hoto ti Gabaon, na ndembe so lo yeke sara kua ti lo, kua ti lo so zo ahinga li ti lo daa pepe, kua ti lo ti ndima.

Ésaïe 38:8

Na ndö ti eskalie ti Ahaz so ayeke fade na lâ, gbe ti de azu daa awe. Nilaa KOTA GBIA ayeke sara titene gbe ti de ni akiri na peko alingbi na bingo gere baleoko.” Biani, gbe ti de ni akiri na peko alingbi na bingo gere baleoko na ndö ti eskalie ti Ahaz so gbe ti de ti lâ azu fade na ndö ni so.

Ésaïe 60:20

Lâ ti mo ayeke kiri ti kui pepe, nze ti mo ayeke kiri ti linda pepe. Biani, mbi KOTA GBIA, mbi yeke ga lumiere ti mo lakue lakue; lango ti mo ti sarango mua ayeke hunzi.

Jérémie 28:1

Gi na ya ti oko ngu ni so, so ti tene na osio ngu ni so Sedesias ato nda ti le-gbia na sese ti Juda, na nze oku ni, wayanga-Nzapa Hanania, molenge ti Azur, zo ti gbata ti Gabaon, ayeke na ya ti kota da ti Nzapa. Hanania ato nda ti tene tënë na mbi Jérémie na le ti awayango-sandaga nga na le ti azo kue, lo tene:

Amos 2:9

Andaa mbi, mbi fâ ando azo ti mara ti Amori na dawa ti ala, mbi hunzi ala kue; azo ti Amori so ayo na nduzu tongana keke ti sedre si ala yeke na ngangu tongana keke ti shene so. Ti londo na li ti azo ni asi na gere ti ala, mbi fâ ala, mbi hunzi ala kue.

Amos 8:9

So tënë ti yanga ti Kota Gbia NZAPA laa: “Na lango ni so, mbi yeke sara si lâ alinda na bekombite si ndo avuko pitipiti na kota lâ.

Habakuk 2:20

Me KOTA GBIA ayeke na ya ti kota da ti lo so ayeke nde si ayeke nzoni kue. Ayeke nzoni azo ti sese kue akai kpoo na dawa ti lo!”

Habakuk 3:11

Na dawa ti zango ti ale ti kokora ti mo nga na dawa ti zango le ti alikongo ti mo so ayeke hon hongo, lâ na nze aluti kpoo.

Zakarii 2:13

Biani, mbi yeke yoro maboko ti mbi ti pika amara ni so. Tongaso, azo so amara ni agbu ala lani na ngbaa so, angbaa ni ayeke kiri ti gbu amara ni tongana aye so a gbu na peko ti bira.” Tongana ye ni asi, fade ala yeke hinga atene, KOTA GBIA so ayeke na ndö ti dunia kue laa atokua mbi.

Ndia ti fani use ni 17:3

lo mu peko ti ambeni nzapa nde, lo kuku na gbe ti ala ti voro ala. Ataa lâ, wala nze na aye so ayeke mingi mingi na le ti nduzu, zo ni akuku na gbe ti ala ti voro ala. Laoko KOTA GBIA amu yanga na ala ti sara ye tongaso pepe!

Ndia ti fani use ni 4:19

Tongana ala yo le ti ala na nduzu ti baa lâ, nze, atongoro, na aye so kue ayeke mingi mingi na le ti nduzu, mbeni ye ahanda ala pepe ti kuku na gbe ti aye ni, ala voro ala nga pepe. KOTA GBIA Nzapa ti ala azia aye ni so na tanga ti amara ti ndö ti sese so.

Josué 10:13

Lâ aluti, nze nga aluti na ndo oko ngbii azo ti Israel ahon ndö ti awato ti ala. Tongana ti so a su na ya ti “Mbeti ti zo ti mbirimbiri”, na ya ti lango oko kue, lâ aluti na le ti nduzu na ndo oko, lo kiri lo hon pepe ngbii asi na lakui.

Josué 19:42

Shaalabin, Ayalon, Itla,

Josué 21:24

Ayalon na Gat-Rimon.

Awafango-ngbanga 12:12

Na pekoni Elon akui si a lu lo na Ayalon, na sese ti Zabulon.

Awafango-ngbanga 5:20

Atongoro ti nduzu nga asara bira; na lege so ala yeke tambula daa, atongoro ni asara bira na Sisra.

1 Samuel 12:18

Samuel asambela KOTA GBIA si KOTA GBIA atokua bekpa na ngu-Nzapa gi na lango ni so. Mbeto ti KOTA GBIA na mbeto ti Samuel agbu azo ti kodro mingi.

1 Samuel 14:31

Na lango ni so, azo ti Israel afâ azo ti Filistii, ti londo na Mikmas ngbii asi na Ayalon. Aturugu ti Israel awoko kue.