Josué 1:8 - Mbeti ti Nzapa - Tënë so amu fini

⁸ Ayeke nzoni atënë ti ya ti mbeti ti Ndia so angba lakue na yanga ti mo; mo gbu li ti mo daa bi na lâ, mo gi nga lege ti sara aye so kue alingbi na tënë so a su na ya ti mbeti ni. Tongaso si aye so kue mo leke na be ti mo ti sarango ni, mo yeke sara ni na legeni si aga nzoni.

Josué 1:8 ပူးပေါင်းရင်းမြစ်များ

Tongo nda ti aye 24:63

Na mbeni lakui, Isaac asigigi ti fono na ya ti ngonda ti gbu li ti lo na ndö ti ambeni ye. So lo yo le ti lo na nduzu, lo baa azambala ayeke ga.

2 Mbai 26:5

Na ngoi so kue Zakarii angba na fini, lo so lo yeke ma ya ti ye so Nzapa afa na lo na ya ti mbeni ye tongana bango-li, lo fa na Ozias lege ti kpengo mbeto ti *KOTA GBIA Nzapa; Nzapa asara si aye ti Ozias aga nzoni.

Abia (Psaumes) 119:11

Mbi bata atënë ti yanga ti mo na be ti mbi, tongaso si mbi sara siokpari pepe ti ke mo.

Abia (Psaumes) 119:15

Mbi yeke gbu li ti mbi na ndö ti andia ti mo si le ti mbi ayeke ngba na ndö ti lege so mo ye mbi mu ni.

Abia (Psaumes) 119:97

Mbi ye ndia ti mo mingi! Mbi yeke gbu li ti mbi daa lakue.

Abia (Psaumes) 119:99

Mbi hinga ndo, mbi hon awafango-ye kue na mbi, ngbanga ti so mbi yeke gbu li ti mbi na ndö ti aye so mo hunda na mbi.

Abia (Psaumes) 19:14

Mo zia nga mbi, zo ti kua ti mo, yongoro na tere ti azo ti baba; mo sara si mbi mu peko ti ala na sarango ye ti ala pepe. Tongaso, fade mbi yeke ga zo so alingbi kue si a bi tënë ti kota sioni ye na li ti mbi pepe.

Abia (Psaumes) 40:10

Na ya ti kota bongbi ti azo, mbi fa tënë ti mbirimbiri ti mo; mbi kanga yanga ti mbi pepe, KOTA GBIA, mo hinga ni kue.

Amato 3:1

Molenge ti mbi, aye so mbi fa na mo, mo girisa ni pepe; bata atënë ti ndia ti mbi na ya ti be ti mo.

Ésaïe 59:21

KOTA GBIA atene: “Tënë ti *mbuki so mbi na ala e yeke sara laa: yingo ti mbi ayeke duti na ndö ti ala, mbi yeke zia tënë ti mbi na yanga ti ala; tënë ni ayeke hon yongoro na yanga ti ala pepe, na yanga ti amolenge ti ala pepe, na yanga ti amolenge ti amolenge ti ala pepe, ti londo fadeso ti gue na ni, kpu na kpu. Tënë so mbi KOTA GBIA, mbi tene laa.”

Matthieu 12:35

Nzoni zo ayeke sigigi na anzoni ye so ayeke na be ti lo; sioni zo ayeke sigigi na asioni ye so ayeke na be ti lo.

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

Matthieu 7:21

“Azo so kue ayeke iri mbi, atene: ‘*Kota Gbia, Kota Gbia’, ala kue laa ayeke li ande na ya ti *Kodro-gbia ti yayu pepe; me gi ala so asara ye so be ti Babâ ti mbi so ayeke na yayu aye.

Matthieu 7:24

“Tongaso, zo so kue ama atënë so mbi tene si asara ye alingbi na ni, lo yeke tongana koli so ayeke na ndara si asara da ti lo na ndö ti kota têne.

Nzoni Tënë so Luc asu na mbeti 11:28

Me Jésus atene na lo: “Ti ala nzoni, azo so ama tënë ti Nzapa si ala sara ye alingbi na ni!”

Jean 13:17

Fadeso ala hinga ye ni awe. Ti ala nzoni tongana ala sara ye alingbi na ni!

Jean 14:21

“Zo so ahinga andia ti mbi si lo sara ye alingbi na ni, lo laa lo ye mbi. Babâ ti mbi ayeke ye lo; mbi nga, mbi yeke ye lo si mbi yeke sara titene lo hinga mbi.”

Efeze 4:29

Alingbi sioni tënë oko asigigi na yanga ti ala pepe. Me tongana lege ayeke daa, ala tene gi nzoni tënë so alingbi ti mu lege na amba ti ala ti kpengba si asara nzoni na azo so ayeke ma ala.

Ndia ti fani use ni 29:8

Ndani laa, alingbi ala bata atënë ti *mbuki so Nzapa asara ni na ala. Tongaso si aye so kue ala yeke sara, ayeke ga nzoni.

Ndia ti fani use ni 29:9

Moïse atene: Ala, azo ti Israel, ala laa aluti laso na le ti *KOTA GBIA Nzapa ti ala so. Azo kue ayeke na ndo so: azo so ayeke na li ti amara ti ala na amakonzi ti ala, *akangba ti ala na azo so ayeke baa ndo na ndö ti akua ti ala,

Ndia ti fani use ni 30:14

Biani, tënë ni ayeke nduru na ala, ayeke na yanga ti ala, ayeke na ya ti be ti ala titene ala sara ye alingbi na ni.

Ndia ti fani use ni 31:11

fade ala yeke diko Ndia so na azo ti Israel kue titene ala ma ni. Ala yeke diko ni na azo ti Israel so kue ayeke ga ti luti na dawa ti KOTA GBIA Nzapa ti ala, na ndo so lo yeke soro.

Ndia ti fani use ni 31:24

Moïse asu na ya ti buku atënë kue ti Ndia ti Nzapa, ti londo na li ni ngbii ti si na ndani.

Ndia ti fani use ni 5:1

Moïse airi azo ti Israel kue si lo tene na ala: “Ala azo ti Israel, ala ma aye so ndia afa nga na atënë ti ndia so mbi yeke tene na ala laso. Ala manda ni si ala sara kue ti sara ye alingbi na ni.

Ndia ti fani use ni 5:29

Tongana ala leke fade be ti ala biani ti kpe mbeto ti mbi tongaso lakue si ala sara ye alingbi na atënë ti yanga ti mbi, ka ayeke nzoni mingi! Ka ala, na *ahale ti ala ayeke duti nzoni kpu na kpu!

Ndia ti fani use ni 5:32

Moïse akiri atene na azo ti Israel, atene: Ala sara kue ti sara ye alingbi na ye so KOTA GBIA Nzapa ti ala amu yanga na ala ti sarango ni; ala zia ni, ahon mbage na mbage pepe.

Kolose 3:16

Ayeke nzoni tënë ti Christ so anzoni ye asi singo daa aduti na ya ti fini ti ala. Ala fa ye si ala mu wango na amba ti ala na popo ti ala na lege ti ndara kue. Ala he abia na Nzapa na be ti ala kue ti mu singila na lo, ala he abia ti Mbeti ti Nzapa, abia ti vorongo Nzapa na abia so Yingo ayeke mu na ala.

Josué 1:7

Biani, gbu ngangu, mo sara ye ti koli; mo sara ye alingbi na *Ndia so kue Moïse, zo ti kua ti mbi, afa na mo. Mo zia lege ti Ndia ni ti gue mbage na mbage pepe; tongaso si na ndo so kue mo yeke gue daa, aye so kue mo yeke sara, fade ayeke ga nzoni.

Josué 8:34

Na pekoni, Josué adiko atënë so kue a su na ya ti mbeti ti Ndia, atënë ti tufa na atënë ti dengo ba.

Aye so Nzapa afa 22:14

Ti ala nzoni, ala so asukula bongo ti ala avuru, tongaso si ala wara lege ti te lengo ti keke so ayeke mu fini na zo si ala wara nga lege ti li na ayanga ti gbagba ni ti gue na ya ti gbata ni.