Josué 1:5 - Mbeti ti Nzapa - Tënë so amu fini

⁵ Na lango so kue mo ngba na fini, fade mbeni zo ti gbu le ni na mo ayeke daa pepe. Fade mbi yeke na mo tongana ti so mbi yeke ando na Moïse; mbi yeke do mo ti zia mo pepe, mbi yeke zia mo oko pepe.

Josué 1:5 ပူးပေါင်းရင်းမြစ်များ

Tongo nda ti aye 39:2

*KOTA GBIA ayeke na Joseph, lo ga zo so aye ti lo kue aga nzoni. Lo yeke lango na da ti wa ti lo, zo ti Ezipte so.

1 Agbia 1:37

Ayeke nzoni KOTA GBIA aduti na Salomon, tongana ti so lo duti na mo; lo sara titene lengo-gbia ti lo aga kota ahon ti mo, gbia!”

1 Agbia 11:38

Tongana mo ma atënë so kue mbi yeke mu ande yanga na mo ti sarango ni, tongana mo tambula na lege so mbi yeke fa na mo, tongana mo sara ye so ayeke mbirimbiri na le ti mbi; mo sara ye alingbi na andia ti mbi nga na lege ti atënë ti yanga ti mbi tongana ti so David, zo ti kua ti mbi asara, fade mbi yeke na mo; mbi yeke sara titene ahale ti mo angba lakue na ndö ti mbata ti gbia na peko ti mo tongana ti so mbi sara na David. Fade mbi yeke mu na mo amara baleoko ti Israel.

1 Agbia 6:13

Fade mbi yeke duti na ya ti kota da so na popo ti azo ti Israel si mbi yeke zia azo ti Israel pepe so ayeke azo ti mbi.”

1 Agbia 8:57

Fadeso, ayeke nzoni KOTA GBIA, Nzapa ti e aduti na e tongana ti so lo duti ando na akotara ti e! Ayeke nzoni lo zia e pepe, lo girisa e pepe.

1 Mbai 28:20

Na pekoni, David atene na molenge ti lo Salomon: “Gbu ngangu, sara ye ti koli, mo sara ye! Zia mbeto asara mo pepe, zia mbeto ahon ndö ti mo pepe! Fade KOTA GBIA, Nzapa ti mbi ayeke na mo, lo yeke girisa mo pepe, lo yeke zia mo pepe, ngbii kua ti kota da ti KOTA GBIA ahunzi.

Abia (Psaumes) 46:11

KOTA GBIA adekongo, atene: “Ala zia bira! Ayeke nzoni ala hinga so mbi yeke Nzapa! Mbi hon ndö ti amara kue, mbi hon ndö ti azo ti dunia kue.”

Sigingo 3:12

Nzapa atene na lo: “Fade mbi yeke na mo. Ye so ayeke fa atene mbi laa mbi tokua mo ayeke so: Tongana mo zi azo ti Israel na sese ti Ezipte mo sigigi na ala, fade mo na ala ayeke voro mbi na ndö ti hoto so.”

Ésaïe 42:16

Mbi yeke sara si awaziba atambula na ndö ti lege so ala hinga pepe; mbi yeke sara si ala hon na ndö ti alege so ala hinga pepe. Na dawa ti ala, mbi yeke sara si vukongo ndo aga lumiere, lege so aba bango aluti mbirimbiri. Apialo so, fade mbi yeke sara ni, mbi yeke zia ni oko pepe.

Jérémie 1:8

Sara mbeto ti ala pepe, ngbanga ti so mbi yeke na mo; fade mbi yeke zi mo na maboko ti ala.” So tënë ti yanga ti KOTA GBIA laa.

Daniel 11:16

Zo so ayeke ga ti mu kodro ni ayeke sara ye tongana ti so be ti lo aye, ngbanga ti so zo ti kanga lege na lo ayeke daa pepe. Lo yeke duti na ya ti pendere kodro ni si lo yeke buba aye kue.

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

Rome 8:31

Tongaso, fade e yeke tene nyen na ndö ti tënë so? Tongana Nzapa ayeke na e, zo wa laa alingbi ti ke e?

Rome 8:37

Me na ya ti aye so kue, e hon na ngangu ndali ti Jésus so aye e.

Ndia ti fani use ni 20:1

Moïse atene: Ala azo ti Israel, tongana ala yeke gue ande ti tiri bira na awato ti ala, tongana ala baa ambarata, na apusu ti mbarata nga na gba ti aturugu so ahon ti ala, alingbi ala sara mbeto pepe. Biani, *KOTA GBIA Nzapa ti ala so asara si ala sigigi na Ezipte ayeke na ala.

Ndia ti fani use ni 20:4

Biani, KOTA GBIA Nzapa ti ala ayeke tambula legeoko na ala, lo yeke tiri bira na awato ti ala ndali ti ala ti sara si ala, azo ti Israel, ala so benda.”

Ndia ti fani use ni 31:23

Na pekoni KOTA GBIA amu tënë ti yanga ti lo na Josué, molenge ti Nune, atene: “Gbu ngangu, mo sara ye ti koli, ngbanga ti so mo laa mo yeke sara ande si azo ti Israel ali na kodro so mbi deba yanga ti mbi ti mu na ala; fade mbi yeke na mo.”

Ndia ti fani use ni 4:31

Biani, KOTA GBIA Nzapa ti ala ayeke Nzapa so ayeke baa mawa ti zo. Fade lo yeke zia ala pepe, lo yeke hunzi ala pepe; mbuki so lo deba yanga ti lo ti sara na akotara ti ala, be ti lo ayeke girisa na ni pepe.

Ndia ti fani use ni 7:24

Lo yeke zia agbia ti amara ni so na maboko ti ala; ala yeke sara titene a zi iri ti ala biani biani na ndö ti sese so. Mbeni zo oko na popo ti ala ayeke gbu le ni na ala pepe; ala yeke fâ agbia ni kue ti hunzi ala.

2 Timothée 4:17

Kota Gbia, lo wani ayeke lani na mbi, lo mu ngangu na mbi. Tongaso, mbi fa tënë ti lo kue si azo kue ti amara nde ama ni. Kota Gbia azi mbi na yanga ti bamara awe!

Ahebro 13:5

Na lege ti sarango ye ti ala, alingbi nzara ti nginza ahon ndö ti ala pepe, me ala zia be ti ala gi na ye so ala yeke na ni, ngbanga ti so Nzapa wani atene: “Fade mbi yeke do mo ti zia mo pepe, mbi yeke zia mo oko pepe.”

Josué 1:17

E yeke ma yanga ti mo na ya ti ye kue tongana ti so e ma lani yanga ti Moïse so. Biani, fade KOTA GBIA, Nzapa ti mo ayeke na mo tongana ti so lo yeke lani na Moïse so.

Josué 1:9

Mbi mu yanga na mo, mbi tene: gbu ngangu, mo sara ye ti koli! Zia mbeto asara mo pepe, zia mbeto ahon ndö ti mo pepe, ngbanga ti so mbi KOTA GBIA, Nzapa ti mo, fade mbi yeke na mo na ndo so kue mo yeke gue daa.”

Josué 10:8

*KOTA GBIA atene na Josué: “Sara mbeto pepe! Mbi zia ala na maboko ti mo awe; zo oko na popo ti ala ti gbu le ni na mo ayeke daa pepe.”

Josué 21:44

KOTA GBIA amu ala lege ti wu tere na ya ti sese ni kue, tongana ti so lo deba yanga ti lo lani na akotara ti ala. KOTA GBIA azia awato ti ala kue na maboko ti ala, mbeni oko alingbi ti gbu le ni na ala pepe.

Josué 3:7

KOTA GBIA atene na Josué: “Ti londo na lango ti laso, mbi yeke sara titene mo ga kota na le ti azo ti Israel kue; tongaso, fade ala yeke hinga atene, mbi yeke na mo tongana ti so mbi yeke ando na Moïse so.

Josué 6:27

KOTA GBIA ayeke na Josué si iri ti lo awu amu ya ti kodro ni kue.

Awafango-ngbanga 2:18

Lakue tongana KOTA GBIA amu mbeni wafango-ngbanga na ala, KOTA GBIA ayeke na lo; wafango-ngbanga ni ayeke zi azo ti Israel na maboko ti awato ti ala na ngoi so kue wafango-ngbanga ni angba na fini. KOTA GBIA ayeke baa mawa ti ala tongana ala yeke dema tere ndali ti pasi so ala yeke baa na gbe ti azo so ayeke sara sana na ala.

Awafango-ngbanga 6:16

KOTA GBIA atene na lo: “Fade mbi yeke na mo; mo yeke kinda azo ti Madian, mo baa mo tene, gi zo oko laa mo kinda lo.”

1 Samuel 10:7

Tongana mo baa aye so kue asi, sara ye so kue mo lingbi ti sara, ngbanga ti so Nzapa ayeke na mo.