Josué 1:4 - Mbeti ti Nzapa - Tënë so amu fini

⁴ Fade katikati ti kodro ti ala ayeke londo na benyama, na mbage ti Mbongo, ague ngbii asi na ahoto ti Liban, na mbage ti Banga. Mbeni katikati ni ayeke londo na kota *bale ti Efrate, na mbage ti To, amu kodro ti azo ti mara ti Het, ague ngbii asi na kota ngu-ingo ti Mediterane, na mbage ti Do.

Josué 1:4 ပူးပေါင်းရင်းမြစ်များ

1 Agbia 10:29

Pusu ti bira oko so a mu na Ezipte si a ga ni, ngere ni ayeke ale ti nginza ngbangbo omene; mbarata oko, ngere ni ayeke ale ti nginza ngbangbo oko na baleoku. Azo ti dengo buze ni ayeke ga nga na ni ti ka na agbia ti mara ti Het kue nga na agbia ti sese ti Sirii.

1 Mbai 18:3

David ahon nga ndö ti Hadadezer, gbia ti Soba na bira, Soba so ayeke na mbage ti gbata ti Hamat. Na ndembe ni, Hadadezer atara ti zia maboko na ndö ti akodro so ayeke na tere ti *bale ti Efrate.

1 Mbai 5:9

Na mbage ti To, ala sara kodro ngbii asi na yanga ti benyama so ayeke na popo ti ala na *bale ti Efrate. Ala lango na sese ti Galaad, ngbanga ti so anyama ti ala ayeke mingi.

Esdras 4:20

Ando, ambeni ngangu gbia ayeke na Jérusalem; ala yeke le-gbia na sese so kue ayeke na Do ti ngu ti Efrate. Azo ayeke futa na ala alapo, lapo na ndö ti akungba nga na alapo ti lege.

Sigingo 23:31

Fade mbi yeke sara titene katikati ti sese ti ala alondo na kota ngu-ingo ti Asosongo ague ngbii asi na kota ngu-ingo ti Mediterane, akiri alondo na benyama ti Sinai ague ngbii asi na *bale ti Efrate. Mbi yeke zia azo ti sese ni na maboko ti ala si ala yeke tumba azo ni.

Ndia ti fani use ni 1:7

Fadeso, ala londo, ala gue na sese ti ahoto so azo ti mara ti Amori ayeke daa nga na asese so ayeke na tere ni, so azo ti Kanaan ayeke lango daa, so ti tene na lando ti Jourdain, na sese ti ahoto, na *Kodro-ti-gbeni, na sese ti Negev nga na sese so ayeke na tere ti kota ngu-ingo ti Mediterane. Ala gue nga ngbii, ala si na ahoto ti Liban nga na *bale ti Efrate.

Ndia ti fani use ni 11:24

Ndo so kue gere ti ala ayeke do ni ayeke ga ti ala: katikati ti sese ti ala ayeke londo na benyama na mbage ti Mbongo, ague ngbii asi na ahoto ti Liban na mbage ti Banga. Mbeni katikati ni ayeke londo na yanga ti *bale ti Efrate, na mbage ti To, ague ngbii asi na yanga ti kota ngu-ingo ti Mediterane na mbage ti Do.

Ndia ti fani use ni 3:25

Mbi gbu gere ti mo, zia mbi fâ ngu, mbi gue, mbi baa nzoni sese so ayeke na mbage ti ngu ti Jourdain, na pendere sese ti ahoto so nga na ahoto ti Liban maa!”

Aye so Nzapa afa 9:14

Go ni atene na omene ange so ayeke gbu tatalita na maboko ti lo so, atene: “Zi a-ange osio so a kanga ala na tere ti kota *bale ti Efrate so.”