Josué 1:17 - Mbeti ti Nzapa - Tënë so amu fini

¹⁷ E yeke ma yanga ti mo na ya ti ye kue tongana ti so e ma lani yanga ti Moïse so. Biani, fade KOTA GBIA, Nzapa ti mo ayeke na mo tongana ti so lo yeke lani na Moïse so.

Josué 1:17 ပူးပေါင်းရင်းမြစ်များ

2 Samuel 14:17

Mbi tene na be ti mbi, mbi tene: ‘Gbaa, tënë so gbia ayeke tene, ayeke de be ti zo. Biani, gbia ayeke tongana mbeni *ange ti Nzapa, ngbanga ti so lo hinga ti kangbi popo ti ye so ayeke nzoni na ye so ayeke sioni.’ Ayeke nzoni KOTA GBIA, Nzapa ti mo aduti na mo!”

1 Agbia 1:37

Ayeke nzoni KOTA GBIA aduti na Salomon, tongana ti so lo duti na mo; lo sara titene lengo-gbia ti lo aga kota ahon ti mo, gbia!”

1 Mbai 28:20

Na pekoni, David atene na molenge ti lo Salomon: “Gbu ngangu, sara ye ti koli, mo sara ye! Zia mbeto asara mo pepe, zia mbeto ahon ndö ti mo pepe! Fade KOTA GBIA, Nzapa ti mbi ayeke na mo, lo yeke girisa mo pepe, lo yeke zia mo pepe, ngbii kua ti kota da ti KOTA GBIA ahunzi.

Abia (Psaumes) 20:1

Bia ti David; bia so ayeke ndali ti makonzi-bia.

Abia (Psaumes) 20:4

Ayeke nzoni lo dabe ti lo na asandaga so kue mo mu na lo; ayeke nzoni lo yeda na asandaga ti mo so a gbi ni kue na wâ. Luti kete

Abia (Psaumes) 20:9

Azo ni so awoko si ala ti na sese; ti e, e ngba na nduzu, e luti nganganga.

Wungo ti azo 27:18

KOTA GBIA akiri tënë na Moïse, atene: “Mo mu Josué, molenge ti Nune. Lo yeke zo so yingo ti mbi ayeke na lo; mo zia maboko na li ti lo.

Wungo ti azo 27:20

Mo yeke mu na lo mbeni mbage ti nengo so mo yeke na ni, tongaso si azo ti Israel kue ama yanga ti lo.

Matthieu 21:9

Azo so ayeke tambula na dawa ti Jésus na ala so ayeke tambula na peko ti lo ayeke dekongo, atene: “E gonda Molenge ti David! Ayeke nzoni Nzapa asara tufa na ndö ti lo so aga na iri ti Kota Gbia! E gonda Nzapa so ayeke na yayu kâ na ndö ti aye kue!”

Ndia ti fani use ni 34:9

Josué, molenge ti Nune asi na yingo ti ndara, ngbanga ti so Moïse azia maboko lani na li ti lo. Azo ti Israel ama yanga ti Josué, ala sara ye alingbi na yanga so KOTA GBIA amu lani na Moïse.

Josué 1:16

Akapita ni akiri tënë na Josué, atene: “Aye so kue mo mu yanga na e titene e sara, fade e yeke sara ni; ndo so kue mo yeke tokua e daa, fade e yeke gue.

Josué 1:18

Zo so kue ayeke londo ti ke yanga ti mo si lo ma atënë ti mo pepe, fade a yeke fâ lo. Ti mo, gbu ngangu, mo sara ye ti koli!”

Josué 1:5

Na lango so kue mo ngba na fini, fade mbeni zo ti gbu le ni na mo ayeke daa pepe. Fade mbi yeke na mo tongana ti so mbi yeke ando na Moïse; mbi yeke do mo ti zia mo pepe, mbi yeke zia mo oko pepe.

Josué 1:9

Mbi mu yanga na mo, mbi tene: gbu ngangu, mo sara ye ti koli! Zia mbeto asara mo pepe, zia mbeto ahon ndö ti mo pepe, ngbanga ti so mbi KOTA GBIA, Nzapa ti mo, fade mbi yeke na mo na ndo so kue mo yeke gue daa.”

Josué 4:14

Na lango ni so, KOTA GBIA asara si Josué aga kota na le ti azo ti Israel kue. Na lango so kue lo ngba na fini, ala ne lo tongana ti so ala ne ando Moïse.

1 Samuel 17:37

David akiri atene: “*KOTA GBIA so azi mbi na maboko ti bamara nga na maboko ti urse so, fade lo yeke zi mbi na maboko ti zo ti Filistii so.” Tongaso, Saul atene na David: “Mo gue, fade KOTA GBIA aduti na mo.”

1 Samuel 20:13

Me tongana babâ ti mbi aleke na be ti lo ti sara sioni na mo si mbi tene tënë ni na mo pepe, ayeke nzoni KOTA GBIA asara ye ti ngangu mingi na mbi! Fade mbi yeke zia lege na mo ti gue senge. Mbi sambela titene KOTA GBIA aduti na mo tongana ti so lo duti lani na babâ ti mbi so.