Josué 1:15 - Mbeti ti Nzapa - Tënë so amu fini

¹⁵ ngbii KOTA GBIA amu lege na a-ita ti ala ti wu tere, tongana ti so lo sara na ala so; fade a-ita ti ala ni ayeke wara nga sese so KOTA GBIA, Nzapa ti ala ayeke mu na ala. Na pekoni, ala azo ti mara ti Ruben, ti Gad nga na ndambo ti mara ti Manase ayeke kiri na sese so Moïse, zo ti kua ti KOTA GBIA amu na ala, na mbage ti ngu ti Jourdain, ndo so lâ ayeke sigigi daa so.”

Josué 1:15 ပူးပေါင်းရင်းမြစ်များ

1 Korente 12:26

Tongana mbeni mbage ti tere oko ayeke baa pasi, atanga ni kue ayeke baa pasi legeoko na lo. Tongana a ne mbeni mbage ti tere oko, fade ayeke ne nga atanga ni kue.

1 Korente 13:5

lo yeke sara ye ti kamene pepe, lo yeke gi gi nzoni ti lo wani pepe, lo yeke sara ngonzo hio hio pepe, lo yeke bata zo na be pepe;

Galasii 5:13

Ala a-ita, Nzapa airi ala titene ala sigigi na gbe ti ngbaa. Gi ye oko, ayeke nzoni sigingo na gbe ti ngbaa ni aga mbeni ye titene ala luti na ndö ni ti sara aye alingbi na asioni nzara ti be ti ala pepe. Me na lege ti ndoye, ala sara kua na amba ti ala na popo ti ala.

Galasii 6:2

Ala yo kungba ti amba ti ala na popo ti ala: so lege ti sarango ye alingbi na ndia ti Christ laa.

Ndia ti fani use ni 3:18

Na ngoi ni so, mbi mu yanga na amara so awara sese ti ala awe so, mbi tene: “Fadeso, KOTA GBIA Nzapa ti ala azia sese ni na maboko ti ala awe titene ala mu ni aga ti ala. Ala angangu zo ti bira so kue ayeke na popo ti ala, alingbi ala mu aye ti bira ti ala, ala hon na li ni kozo na a-ita ti ala, azo ti Israel, ala fâ ngu ti Jourdain.

Ndia ti fani use ni 3:20

Ala mu maboko na a-ita ti ala ngbii KOTA GBIA asara titene ala nga, ala wara lege ti duti kpoo tongana ti so ala duti ge so. Ala mu maboko na a-ita ti ala ni titene ala nga, ala wara sese so KOTA GBIA Nzapa ti ala, azo ti amara ti mbage ti To, aye ti mu na ala na mbage ti ngu ti Jourdain kâ. Na pekoni, fade ala oko oko akiri na ndo ti ala, na sese so mbi mu na ala.”

Ndia ti fani use ni 9:1

Moïse atene: Azo ti Israel, ala ma! Fadeso ala ga nduru ti fâ ngu ti Jourdain awe. Ala yeke gue ti tumba azo ti amara nde so awu mingi si ala yeke ngangu mingi ahon ala. Ala yeke gue ti mu akota gbata ti amara ni so angangu gbagba ayeke na tere ni si ayo ngbii akpo le ti nduzu.

Filipe 2:4

Ayeke nzoni zo oko oko asara ye ndali ti nzoni ti lo wani pepe, me lo sara ye ndali ti nzoni ti amba ti lo.

Josué 1:1

Na peko ti kuâ ti Moïse, zo ti kua ti *KOTA GBIA, KOTA GBIA atene na Josué, molenge ti Nune so lo yeke sara kua na tere ti Moïse, atene:

Josué 1:14

Fade awali ti ala, amolenge ti ala nga na anyama ti ala ayeke ngba na sese so Moïse amu na ala na mbage ti ngu ti Jourdain ge so. Me ti ala azo so kue ayeke angangu zo ti bira, fade ala yeke leke tere ti ala ti tiri bira, ala yeke hon na dawa ti a-ita ti ala ti mu maboko na ala,

Josué 1:16

Akapita ni akiri tënë na Josué, atene: “Aye so kue mo mu yanga na e titene e sara, fade e yeke sara ni; ndo so kue mo yeke tokua e daa, fade e yeke gue.

Josué 22:1

Tongaso Josué airi azo ti mara ti Ruben, azo ti mara ti Gad na ndambo ti mara ti Manase.