Josué 1:14 - Mbeti ti Nzapa - Tënë so amu fini

¹⁴ Fade awali ti ala, amolenge ti ala nga na anyama ti ala ayeke ngba na sese so Moïse amu na ala na mbage ti ngu ti Jourdain ge so. Me ti ala azo so kue ayeke angangu zo ti bira, fade ala yeke leke tere ti ala ti tiri bira, ala yeke hon na dawa ti a-ita ti ala ti mu maboko na ala,

Josué 1:14 ပူးပေါင်းရင်းမြစ်များ

Sigingo 13:18

Ndani laa Nzapa asara si azo ti Israel amu lege so ague na benyama, na mbage ti kota ngu-ingo ti Asosongo. Ala londo na Ezipte na aye ti bira ti ala kue na tere ti ala si ala gue.

Wungo ti azo 32:26

Awali ti e, amolenge ti e na anyama ti e kue ayeke ngba ge na ya ti agbata ti Galaad.

Ndia ti fani use ni 20:8

Fade akapita ayeke kiri ti tene na aturugu ni, atene: “Na popo ti ala, zo wa laa ayeke na mbeto si be ti lo awoko? Ayeke nzoni lo kiri na yanga-da si lo sara titene be ti a-ita ti lo awoko pepe tongana ti lo.”

Ndia ti fani use ni 3:19

Gi awali ti ala, na amolenge ti ala, na gba ti anyama ti ala ayeke ngba ge na ya ti agbata so mbi mu na ala. – Mbi hinga, mbi tene, ala yeke na anyama gbani gbani. –

Ndia ti fani use ni 33:21

Gad amu nzoni sese ti kodro ni titene aga ti lo; a bata ndali ti lo ye so alingbi fade na gbia. Na pekoni, lo gue, lo wara tere na amakonzi ti azo ni; ye so KOTA GBIA aleke na be ti lo ti sara, lo sara si aga taa-tënë, lo sara ye ndali ti azo ti Israel alingbi na yanga so KOTA GBIA amu.”

Josué 1:13

“Ala dabe ti ala na yanga so Moïse, zo ti kua ti KOTA GBIA, amu na ala ando, lo tene: ‘KOTA GBIA, Nzapa ti ala, amu na ala lege ti wungo tere; lo mu na ala sese so ayeke na To ti ngu ti Jourdain so awe.’

Josué 1:15

ngbii KOTA GBIA amu lege na a-ita ti ala ti wu tere, tongana ti so lo sara na ala so; fade a-ita ti ala ni ayeke wara nga sese so KOTA GBIA, Nzapa ti ala ayeke mu na ala. Na pekoni, ala azo ti mara ti Ruben, ti Gad nga na ndambo ti mara ti Manase ayeke kiri na sese so Moïse, zo ti kua ti KOTA GBIA amu na ala, na mbage ti ngu ti Jourdain, ndo so lâ ayeke sigigi daa so.”

Josué 4:12

Azo ti mara ti Ruben, azo ti mara ti Gad, na ndambo ti mara ti Manase amu aye ti bira ti ala, ala hon ti ala kozo ti tanga ti azo ti Israel kue tongana ti so Moïse amu lani yanga na ala so.

Aye so Nzapa afa 17:4

Wali ni ayu pendere bengba bongo so ayeke za zango; lo yu aye ti pendere so a sara na lôro, na atêne ti ngangu ngere nga na alenge. Lo gbu mbeni kopo so a sara na lôro na maboko ti lo; ya ti kopo ni asi singo na aye ti sioni so zo alingbi ti baa na le ti lo fani use pepe, so ti tene aye ti ndumba so lo yeke sara.