Jonas 2:7 - Mbeti ti Nzapa - Tënë so amu fini

⁷ Mbi linda ngbii, mbi si na gere ti ahoto, yanga ti sese akanga na ndö ti mbi, akanga na ndö ti mbi biani biani; me, mo KOTA GBIA, Nzapa ti mbi, mo kiri mo mu mbi na gbe ni kâ si mo sigigi na mbi na fini.

Jonas 2:7 ပူးပေါင်းရင်းမြစ်များ

2 Mbai 30:27

Na pekoni, awayango-sandaga so ayeke azo ti mara ti Lévi alondo si ala sara tufa na ndö ti azo ni. Sambela ti ala asi na yayu, ndo so ayeke nde si ayeke nzoni kue ti Nzapa si Nzapa ayeda na sambela ni.

Abia (Psaumes) 11:4

KOTA GBIA ayeke na ya ti kota da ti lo so ayeke nde si ayeke nzoni kue. Mbata ti lo ti gbia ayeke na yayu. Lo yeke baa ndo na ndö ti sese kue, le ti lo ayeke baa azo oko oko kue ti tara ala.

Abia (Psaumes) 142:3

Mbi tuku na dawa ti lo adema ti mbi kue; mbi fa na lo aye ti ngangu so kue asi na mbi.

Abia (Psaumes) 143:5

Mbi dabe ti mbi na alango ti giriri, mbi gbu li ti mbi na ndö ti aye so kue mo sara, be ti mbi ati na ndö ti aye so maboko ti mo asara.

Abia (Psaumes) 18:6

Gbanda ti ndo ti akuâ agbu mbi, kuâ azia kuku ti lo na dawa ti mbi ti gbu mbi.

Abia (Psaumes) 20:7

Fadeso mbi hinga awe: KOTA GBIA ayeke mu ngangu na zo so lo tuku mafuta na li ti lo ti zia lo gbia. Kâ na yayu, nzoni ndo ti lo, lo kiri tënë na gbia; na lege ti ngangu ti lo, lo sara akota ye ti soo lo.

Abia (Psaumes) 22:14

Ala yeke tongana abamara so ayeke toto, ala zi yanga ti ala na tere ti mbi si ala ye ti suru ya ti mbi surungo.

Abia (Psaumes) 27:13

Mbi hinga biani so fade mbi yeke ngba na fini na ndö ti dunia so ti baa anzoni ye so KOTA GBIA ayeke sara.

Abia (Psaumes) 42:11

Azo ti kengo mbi ayeke zonga mbi; ala yeke hunda mbi lakue, atene: “Nzapa ti mo ni ayeke na ndo wa?” Atënë ti ala ni aye ti fâ ya ti abio ti mbi kue.

Abia (Psaumes) 42:5

Na vundu na be, mbi dabe ti mbi na ngoi so mbi yeke na li ti molongo ti azo so ayeke gue na kota da ti Nzapa. Mbi yeke tambula na popo ti gba ti azo so ayeke he bia na ngia, ala yeke dekongo na Nzapa ti gonda lo.

Abia (Psaumes) 43:5

Mbi hunda tere ti mbi: mbi yeke na vundu tongaso ndali ti nyen? Mbi yeke dema tere ti mbi tongaso ndali ti nyen? Ayeke nzoni mbi zia be ti mbi ti ku Nzapa! Biani, fade mbi yeke kiri ti sepela lo, lo so lo soo mbi si lo yeke Nzapa ti mbi.

Abia (Psaumes) 65:4

Nengo ti asioni ti mbi ahon ndö ti mbi awe; me mo laa mo yeke zi asiokpari ti e na li ti e.

Ésaïe 38:17

Vundu ti be ti mbi akiri aga siriri. Biani, mo ye mbi mingi, nilaa mo sara si mbi li na du ti kuâ pepe; mo bi asiokpari ti mbi kue yongoro na peko ti mo.

Ésaïe 50:10

Mbeni zo ti kpengo mbeto ti *KOTA GBIA ayeke na popo ti ala? Alingbi lo ma yanga ti zo ti kua ti lo. Tongana mbeni zo ayeke tambula na ya ti vukongo ndo si lumiere oko ayeke daa pepe, alingbi lo zia be ti lo na ndö ti KOTA GBIA wani, lo luti na ndö ti Nzapa ti lo.

Jonas 2:4

Mo bi mbi na gbe ti kota ngu-ingo; mo bi mbi taa na be ti kota ngu-ingo ni. Kota ngu-ingo amene mbi kue, *amapo so kue mo sara na le ti ngu ayeke hon na ndö ti mbi, ayeke hon na ndö ti mbi.

Mishe 1:2

Ala amara kue, ala ma si! Mo, sese na aye so kue ayeke na ndö ti mo, ala dingi mê ti ala, ala ma si! Ti londo na da ti lo so ayeke nde si ayeke nzoni kue, Kota Gbia NZAPA ayeke ga ti bi tënë na li ti ala.

Habakuk 2:20

Me KOTA GBIA ayeke na ya ti kota da ti lo so ayeke nde si ayeke nzoni kue. Ayeke nzoni azo ti sese kue akai kpoo na dawa ti lo!”

Ahebro 12:3

Ala dabe ti ala na Jésus, na pasi so lo baa na maboko ti azo ti siokpari so ake lo, tongaso si be ti ala awoko pepe si ala zia lege ni pepe.

1 Samuel 30:6

Be ti David afun kue, ngbanga ti azo aye ti bo lo na têne ti fâ lo. Be ti zo oko oko aso mingi ndali ti amolenge ti lo ti koli na ti wali. Me David awara ngangu ndali ti *KOTA GBIA, Nzapa ti lo.