Joël 2:24 - Mbeti ti Nzapa - Tënë so amu fini

²⁴ Fade ya ti agogoro ayeke si singo na ble, akota tawa ayeke si singo na fini vin nga na nzoni mafuta.

Joël 2:24 ပူးပေါင်းရင်းမြစ်များ

Ezekiel 36:8

Ti ala, ahoto ti Israel, fade amaboko ti akeke ti ala ayeke sigigi, akeke ni ayeke le ndali ti azo ti Israel so ayeke azo ti mbi. Biani, ala ga nduru ti kiri na sese ti ala awe.

Awayango-sandaga 25:19

Sese ti kodro ni ayeke du ale ti kobe mingi, ala yeke te kobe, ya ti ala asi, mbeni ye ti sioni ti sara ala ayeke daa pepe.

Awayango-sandaga 26:10

Ala yeke fâ gba ti ale ti kobe, ala yeke te ni ngbii aninga. Ataa angbene le ti kobe so ala bata ni, ala yeke sigigi na ni ti zia ndo na afini ni.

Amos 9:13

So tënë ti yanga ti KOTA GBIA laa: “Alango ayeke ga so zo so angba ti fâ yaka, mo ye ti baa, zo ti fango ale ti kobe asi awe, zo so angba ti lu ale ti *ble, mo ye ti baa, zo ti fango ale ti vinye asi awe. Na lango ni so, fade fini vin ayeke londo na ndö ti akota hoto ti sua na sese, fini vin ni ayeke sua amu ndö ti akete hoto kue.

Malashii 3:10

Adime ti aye so ala wara, ala ga na ni kue na ya ti kubu ti batango mosoro ti da ti mbi titene kobe aduti lakue na ya ti da ti mbi. Ala sara tongaso ti tara mbi, ala baa tongana mbi zi fenetere ti yayu ti tuku anzoni ye ti mbi gbani gbani na ndö ti ala pepe si. Tënë so KOTA GBIA so ayeke na ndö ti dunia kue atene laa.