Joël 2:20 - Mbeti ti Nzapa - Tënë so amu fini

²⁰ Wato ti ala so alondo na Banga si aga, fade mbi yeke tumba lo yongoro na tere ti ala; mbi yeke tumba lo titene lo gue na ndo so ngu ayeke daa pepe si ye oko ayeke daa pepe. Aturugu so ayeke na dawa ti lo, mbi yeke bi ala na ya ti kota ngu-ingo so ayeke na mbage ti To; aturugu so ayeke na peko ti lo, mbi yeke bi ala na ya ti kota ngu-ingo ti Mediterane na mbage ti Do; fade kuâ ti ala ayeke fun sioni, ayeke fun amu ndo kue. Biani, lo sara akota ye.”

Joël 2:20 ပူးပေါင်းရင်းမြစ်များ

2 Agbia 8:13

Hazael atene: “Mbi zo ti kua ti mo, mbi so mbi yeke ti mbi mbo so, fade mbi yeke sara akota ye tongaso tongana nyen?” Élisée akiri tënë: “KOTA GBIA afa na mbi atene, fade mo yeke ga gbia ti sese ti Sirii.”

Abia (Psaumes) 126:3

Biani, KOTA GBIA asara kota ye mingi ndali ti e; be ti e anzere mingi.

Sigingo 10:19

KOTA GBIA asara si ngangu pupu ti Do aya, ahon na agbadola ni si atuku ala na ya ti kota ngu-ingo ti Asosongo. Gbadola oko angba na sese ti Ezipte pepe.

Sigingo 8:14

Azo ti mazi ti Ezipte aye nga ti sara angungu na lege ti mazi ti ala, me ala ha gbaa. Angungu ni angba na ndö ti azo nga na anyama.

Ésaïe 34:3

A bi kuâ ti ala kirikiri, kuâ ti ala ayeke fun sioni sioni, mene ti ala ayeke sua na ndö ti ahoto tongana ngu so ayeke sua.

Ezekiel 47:18

Na mbage ti To, katikati ni ayeke londo na popo ti Damas na Horan, ayeke hon na tere ti ngu ti Jourdain, na popo ti Galaad na sese ti Israel; ayeke gue ngbii asi na Tamar, asi na kota ngu ti Gba-ti-ingo. So katikati ni na mbage ti To laa.

Amos 4:10

Mbi tokua na tere ti ala sioni kobela ti bubango kodro tongana ti so mbi tokua ando na tere ti azo ti Ezipte so. Mbi zia lege na awato ti fâ amaseka ti ala ti koli, awato ni agbu ambarata ti ala ahon na ni. Na ya ti bâbâ ti ala, mbi sara si fion ti akuâ afun sioni sioni na hon ti ala. Ataa aye so kue, ala kiri na mbage ti mbi pepe; so tënë ti yanga ti KOTA GBIA laa.

Zakarii 14:8

Na lango ni so, fade mbeni li ti ngu ayeke sigigi na Jérusalem; ngu ni ayeke kangbi ya ti lo use, mbeni mbage ni ayeke sua ti gue na mbage ti kota ngu ti Gba-ti-ingo si mbeni mbage ni ayeke sua ti gue na mbage ti kota ngu-ingo ti Mediterane. Ataa na ngoi ti buru, ataa na ngoi ti ngu-Nzapa, ngu ni ayeke ngba lakue ti sua suango.

Malashii 3:11

Fade mbi yeke kanga lege na akete nyama so ayeke te akobe ti yaka ti ala titene anyama ni abuba akobe ti ala pepe; mbi yeke kanga lege si akeke ti *vinye ti ala so ayeke le pepe so, akiri ale. Tënë so KOTA GBIA so ayeke na ndö ti dunia kue atene laa.

Ndia ti fani use ni 11:24

Ndo so kue gere ti ala ayeke do ni ayeke ga ti ala: katikati ti sese ti ala ayeke londo na benyama na mbage ti Mbongo, ague ngbii asi na ahoto ti Liban na mbage ti Banga. Mbeni katikati ni ayeke londo na yanga ti *bale ti Efrate, na mbage ti To, ague ngbii asi na yanga ti kota ngu-ingo ti Mediterane na mbage ti Do.