Jérémie 9:20 - Mbeti ti Nzapa - Tënë so amu fini

²⁰ “Biani, kuâ asi na tere ti fenetere ti e awe; lo li na ya ti apendere da ti e awe. Lo fâ amolenge na ndö ti alege; lo fâ amaseka na ndö ti abalabala.”

Jérémie 9:20 ပူးပေါင်းရင်းမြစ်များ

Mbeti ti Job 22:22

Ye so Nzapa wani afa na mo, yeda na ni; bata tënë ti lo na be ti mo.

Ésaïe 3:16

*KOTA GBIA atene: “Awali ti *Sion, so fango tere na ala! Ala yeke bi go ti ala si ala yeke tambula, le ti ala ayeke za ti handa na akoli. Ala yeke tambula ze ze si alenge so ala kanga na gere ti ala ayeke toto.”

Ésaïe 3:4

*KOTA GBIA atene: “Fade mbi yeke mu gi amolenge ti duti amakonzi na ndö ti ala, ala yeke sara komandema ti mbana na ndö ti ala.”

Jérémie 14:16

Azo so awayanga-Nzapa ni atene tënë ni na ala so, fade bira na nzara ayeke fâ ala; a yeke bi kuâ ti ala kirikiri na ndö ti alege ti Jérusalem, zo oko ti lu kuâ ni ayeke daa pepe, ala na awali ti ala nga na amolenge ti ala ti koli na ti wali. Sioni so azo ni asara so, fade mbi yeke sara si akiri gi na li ti ala wani.

Jérémie 23:16

Tënë so *KOTA GBIA so ayeke na ndö ti dunia kue atene ayeke so: “Atënë so awayanga-Nzapa ni ayeke tene na ala na iri ti mbi so, ala ma ni pepe, ala yeke handa ala handango. Atënë so awayanga-Nzapa ni ayeke fa na ala so, atënë ni alondo na li ti ala wani, alondo na yanga ti mbi, KOTA GBIA pepe.

Jérémie 23:28

Tongana mbeni wayanga-Nzapa abaa li ti lo, lo tene peko ni na azo ma! Me tongana lo wara mbeni tënë so alondo na yanga ti mbi, ayeke nzoni lo tene ni kue na legeni! Aporo ti le ti kobe na ale ti kobe alingbi tere? So tënë ti yanga ti KOTA GBIA laa.

Jérémie 6:11

Ti mbi, ngonzo ti mo, KOTA GBIA, asi be ti mbi singo. Mbi kanga be ti mbi gbaa. “Ayeke nzoni mo tuku ngonzo ni na ndö ti amolenge so ayeke na ndö ti alege; mo tuku ni na ndö ti bongbi ti amaseka. Akoli na awali, akangba na azo so ate gigi mingi, fade a yeke mu ala kue ti hon na ala.

Jérémie 7:29

“Ala azo ti Juda, ayongoro kua ti li ti ala so afa atene, a zia ala nde ndali ti mbi so, ala kio ni, ala bi yongoro! Kâ na li ti ahoto so ndö ni ayeke senge, ala he bia ti totongo kuâ, ngbanga ti so *KOTA GBIA ake azo ti ngoi ti laso. Ala yeke azo so azia ngonzo na be ti lo; lo zia ala awe.

Jérémie 8:2

A yeke gbara abio ni na gbe ti lâ, na gbe ti nze nga na gbe ti gba ti atongoro. Aye le ti nduzu ni so, azo aye ala ando mingi; azo ni ayeke sara kua na ala, ala mu tere ti ala na ala, ala yeke kpe na peko ti ala; ala yeke voro ala. Abio ni so, a yeke ro ni pepe; a yeke lu nga ni pepe. Fade alango na ndö ti sese ti ga tongana puru na ndö ti sese.

Jérémie 9:12

KOTA GBIA akiri atene: “Ye ni asi tongaso, ngbanga ti so azo ni azia lege ti ye so mbi fa na ala, ala ke ti ma mbi; ala ke ti sara ye alingbi na tënë ti mbi.

Abia ti demango tere 2:19

Ala londo, azo ti Jérusalem! Na bi, ala lango pepe, ala dema tere ti ala na Kota Gbia. Ala zi be ti ala kue ti tene tënë na lo. Ala yo maboko ti ala na nduzu ti voro tere ti ala na lo. Ala voro lo ndali ti amolenge ti ala so ayeke kui na nzara na ndö ti alege kue so.

Abia ti demango tere 2:21

Akuâ ti amolenge na ti akangba alango na ndö ti alege kirikiri. Amaseka-wali na amaseka-koli ti mbi akui kuâ ti yongoro zeme. Na lango so ngonzo ti mo alondo, mo fâ azo kirikiri, mo sara mawa ti zo oko pepe.