Jérémie 9:19 - Mbeti ti Nzapa - Tënë so amu fini

¹⁹ Ala awali, ayeke nzoni ala ma tënë so KOTA ayeke tene na ala; ala zi mê ti ala mbirimbiri ti ma tënë so lo yeke tene na ala. Ala fa na amolenge ti ala ti wali abia ti demango tere; ala awali, ala oko oko kue afa abia ti totongo kuâ na amba ti ala.

Jérémie 9:19 ပူးပေါင်းရင်းမြစ်များ

Ésaïe 32:9

Ala awali so ye ti songo ala ayeke daa pepe so, ala londo, ala ma mbi si! Ala amaseka-wali so abaa tere ti ala atene, ala lingbi awe so, ala dingi mê ti ala, ala ma mbi si!

Jérémie 15:1

*KOTA GBIA atene na mbi: “Ataa Moïse na Samuel aluti fade na dawa ti mbi ti sambela ndali ti mara so, ka tënë ti azo ti mara so ayeke so be ti mbi oko pepe. Mo tumba azo ni na dawa ti mbi, ala hon!

Jérémie 2:14

“Israel ayeke ngbaa? A du lo ngbaa? Ndani nyen si lo ga tongana ngbaa so azo agbu lo na peko ti bira?

Jérémie 4:13

“Baa, awato laa ayeke ga so! Ala yeke tongana mbinda! Apusu ti ambarata ti ala ayeke tongana ngangu pupu; ambarata ti ala akpe ahon *ngoalo. So mawa na e: ti e ahunzi awe!”

Jérémie 4:20

Azo ayeke dekongo, atene: “Aye abuba na peko ti tere, na peko ti tere!” Biani, kodro ni kue abuba awe! Gi hio tongaso, azo abuba ada ti mbi ti bongo; ala buba nga gbefa ti mbi.

Jérémie 7:15

Mbi yeke tumba ala yongoro na le ti mbi tongana ti so mbi tumba a-ita ti ala, azo ti mara ti Efraim so.”

Jérémie 7:19

Mbi laa ala yeke sara sioni na mbi so? Oko pepe! Ala sara ye ni ti bi kamene gi na le ti ala wani; so tënë ti yanga ti KOTA GBIA laa.”

Jérémie 7:29

“Ala azo ti Juda, ayongoro kua ti li ti ala so afa atene, a zia ala nde ndali ti mbi so, ala kio ni, ala bi yongoro! Kâ na li ti ahoto so ndö ni ayeke senge, ala he bia ti totongo kuâ, ngbanga ti so *KOTA GBIA ake azo ti ngoi ti laso. Ala yeke azo so azia ngonzo na be ti lo; lo zia ala awe.

Abia ti demango tere 4:15

Tongana ala si na mbeni ndo, azo ayeke dekongo na ndö ti ala, atene: “Ala hon kâ, ala asarate zo so! Ala ndu tere ti e pepe! Ala hon kâ, ala hon kâ!” So ala yeke kpe gi kirikiri ti hon, azo ti akodro wande ayeke tene: “Ala lingbi ti duti na popo ti e mbeni pepe.”

Abia ti demango tere 5:2

Asese so ayeke ti e wani so, akiri aga ti awande. Ada ti lango ti e akiri aga ti azo so e hinga le ti ala laoko pepe.

Ezekiel 27:2

“Ti mo, *molenge ti zo, he mbeni bia ti totongo kuâ na ndö ti gbata ti Tir.

Awayango-sandaga 18:25

Sioni sarango ye ti azo ni asara si kodro ni aga *sioni. Nilaa mbi fâ ngbanga na ndö ti kodro ni si kodro ni atumba azo ti lo.

Awayango-sandaga 18:28

Ala sara si kodro ni akiri aga *sioni pepe. Tongaso pepe, kodro ni ayeke tumba ala tongana ti so lo tumba ando azo so aduti daa kozo ti ala.

Awayango-sandaga 20:22

“Ala bata andia ti mbi kue na atënë ti ndia ti mbi kue. Ala sara ye alingbi na ni, tongaso si kodro so mbi yeke gue na ala titene ala duti daa, kodro ni atumba ala pepe.

Mishe 2:10

Ala londo, ala hon kâ! Ndo ti wungo tere ti ala ayeke ge mbeni pepe! Ndali ti siokpari ti ala, sese ti ala aga *sioni awe, ala yeke baa ande pasi, pasi ni ayeke duti ngangu mingi.”

Mishe 2:4

Na lango ni so, fade azo ayeke he bia na iri ti ala, azo ayeke he bia ti totongo kuâ so, atene: “A mu aye ti e kue kue kue awe! A gbanzi sese ti azo ti e awe! A kangbi ya ti sese ni na popo ti awato ti e. Ngbanga ti nyen si a mu aye ni na maboko ti e so?”

Ndia ti fani use ni 28:29

Taa na bekombite, fade ala yeke tatara ndo tatarango tongana ti so awaziba ayeke tatara ndo. Aye so kue ala yeke sara ayeke ga nzoni oko pepe; lakue, azo ayeke sara gi ngangu na ala, azo ni ayeke nzi aye ti ala; zo oko ti ga ti soo ala ayeke daa pepe.