Jérémie 9:17 - Mbeti ti Nzapa - Tënë so amu fini

¹⁷ Ayeke nzoni awali ni aga hio hio ti he abia ti ala ti demango tere na ndö ti e! Ayeke nzoni e nga, ngu ti le ti e asua na le ti e; ayeke nzoni ngu ti le ni ayuru gbani gbani.”

Jérémie 9:17 ပူးပေါင်းရင်းမြစ်များ

2 Mbai 35:25

Wayanga-Nzapa Jérémie aleke mbeni bia ti totongo na kuâ ti Yosias. Ti londo na ngoi so ngbii asi laso, azo ti hengo bia, akoli kue na awali kue atene tënë ti Yosias na ya ti abia ti ala. Sarango ye tongaso aga mbeni ndia na sese ti Israel. A su abia so na Mbeti ti abia ti totongo kuâ.

Mbeti ti Job 3:8

Ayeke nzoni azo so ayeke deba alango, adeba bi ni sioni sioni; azo so ahinga ti zingo Leviatan adeba bi ni so!

Zo ti bongbingo azo 12:5

Na ngoi ni so, fade mbeto ti guengo na li ti hoto ayeke sara zo; kota mbeto ayeke sara zo na ndö ti lege; fade kua ti li ti zo ayeke vuru tongana tukia; tambula ti zo ayeke ne nengo tongana gbadola so ate ye ahon ndoni. Aye so asara si kobe anzere, nzerengo ni ahon. Tongaso laa zo ayeke gue na ndangba ndo ti lango ti lo. Awali so ahinga ti toto kuâ ayeke ku na ndö ti lege ti toto kuâ.

Jérémie 7:29

“Ala azo ti Juda, ayongoro kua ti li ti ala so afa atene, a zia ala nde ndali ti mbi so, ala kio ni, ala bi yongoro! Kâ na li ti ahoto so ndö ni ayeke senge, ala he bia ti totongo kuâ, ngbanga ti so *KOTA GBIA ake azo ti ngoi ti laso. Ala yeke azo so azia ngonzo na be ti lo; lo zia ala awe.

Abia ti demango tere 2:5

KOTA GBIA asara e tongana taa wato; lo hunzi azo ti kodro ti Israel kue; lo kungbi akota da ti amakonzi ni kue na sese; lo fâ angangu gbagba ti kodro ni na sese. Pasi ti azo ti kodro ti Juda ahon ndoni; gi demango tere na demango tere.

Ezekiel 27:2

“Ti mo, *molenge ti zo, he mbeni bia ti totongo kuâ na ndö ti gbata ti Tir.

Ezekiel 32:16

“So mbeni bia ti totongo kuâ laa; fade azo ayeke he ni, awali ti amara nde ayeke he ni; ala yeke he bia ti totongo kuâ so na ndö ti Ezipte nga na ndö ti azo ti lo so ayeke gbani gbani. So tënë ti yanga ti Kota Gbia NZAPA laa.”

Amos 5:1

Azo ti Israel, ala ma tënë so: mbi ye ti he bia ti totongo kuâ so na ndö ti ala.

Mishe 2:4

Na lango ni so, fade azo ayeke he bia na iri ti ala, azo ayeke he bia ti totongo kuâ so, atene: “A mu aye ti e kue kue kue awe! A gbanzi sese ti azo ti e awe! A kangbi ya ti sese ni na popo ti awato ti e. Ngbanga ti nyen si a mu aye ni na maboko ti e so?”

Matthieu 9:23

So Jésus asi na da ti makonzi ni, lo baa azo ti hurungo *ngoli nga na azo so ayeke toto kuâ ni.

Marc 5:38

Tongana ala si na da ti Yairus, Jésus abaa azo ayeke sara ye kirikiri; ambeni ayeke toto si ambeni ayeke dekongo.