Jérémie 9:15 - Mbeti ti Nzapa - Tënë so amu fini

¹⁵ Mbi yeke kangbi ala kirikiri na popo ti amara so ala hinga kozoni pepe; ataa ala wani, ataa akotara ti ala ahinga amara ni so pepe. Mbi yeke sara si azo angba ti sara bira na ala ngbii azo ni ahunzi ala kue si.”

Jérémie 9:15 ပူးပေါင်းရင်းမြစ်များ

Abia (Psaumes) 60:3

O Nzapa, mo ke e awe, mo sara si e kangbi kirikiri. Mo sara ngonzo awe: kiri ngangu na e maa!

Abia (Psaumes) 69:21

Zongango ndo afâ be ti mbi na ka, lege titene ka ni amu ayeke daa pepe. Mbi ku titene mbeni zo azi vundu na be ti mbi, me mbi ku gbaa. Mbi gi titene mbeni zo asara si be ti mbi ade, me mbi wara zo oko pepe.

Abia (Psaumes) 75:8

ngbanga ti so Nzapa laa ayeke fâ ngbanga: lo yeke zia zo na kete ndo, lo yeke zia mbeni na kota ndo.”

Abia (Psaumes) 80:5

*KOTA GBIA Nzapa, mo so mo yeke na ndö ti dunia kue, ataa so azo ti mo ayeke sambela mo, mo yeke ngba ti sara ngonzo ngbii asi lawa?

Ésaïe 2:17

Fade kamene ayeke gbu azo ti baba; a yeke kiri na azo ti pikango kate na kete ndo. Na lango ni so, gi KOTA GBIA oko laa azo ayeke ya iri ti lo.

Ésaïe 2:22

Ala zia be ti ala na ndö ti zo pepe! Fini ti lo ayeke gi pupu so ayeke sigigi na hon ti lo. Lo yeke nyen?

Jérémie 23:15

Tongaso, tënë so *KOTA GBIA so ayeke na ndö ti dunia kue atene na tere ti awayanga-Nzapa ayeke so: “Mbi yeke mu na ala sengo pere, ala te, mbi yeke mu na ala ngu so a tuku sioni yoro daa, ala nyon. Biani, na lege ti awayanga-Nzapa ti Jérusalem laa sioni asigigi, asua ngbii amu ya ti kodro ni kue.”

Jérémie 24:10

Fade mbi yeke tokua na ndö ti ala bira, kota nzara na sioni kobela ti bubango kodro. Ye ni ayeke ninga ngbii, ala kue ahunzi na ya ti kodro so mbi mu ando na ala nga na akotara ti ala so.”

Jérémie 25:15

Tënë so *KOTA GBIA, Nzapa ti Israel atene na mbi ayeke so: “Mu na maboko ti mbi kopo ti vin so; ngonzo ti mbi asi singo na ya ni. Mu ni na amara so kue mbi yeke tokua mo na mbage ti ala titene ala nyon.

Jérémie 44:27

Fade le ti mbi ayeke kpengba na ndö ti ala ti sara sioni na ala, me ti sara nzoni pepe. Azo ti Juda so kue ayeke na kodro ti Ezipte, fade ala yeke kui na lege ti bira na kota nzara ngbii, ala hunzi kue.

Jérémie 49:37

Mbi yeke sara si azo ti Elam ado na mbeto na le ti awato ti ala nga na le ti azo so aye gi kuâ ti ala. Ye ti vundu so mbi yeke tokua ti ga na ndö ti ala ayeke ngonzo ti mbi ti wâ; so tënë ti yanga ti KOTA GBIA laa. Mbi yeke tumba peko ti ala na bira ngbii mbi hunzi ala kue.

Jérémie 8:14

“E ngba ti duti dutingo ngbanga ti nyen? E londo, e bongbi tere, e li na ya ti agbata so gbagba ti bira ayeke na tere ni, e duti kâ ti ku kuâ ti e ma! Biani, KOTA GBIA, Nzapa ti e aye gi kuâ ti e; lo ye titene e nyon gi ngu so sioni yoro ayeke daa, ngbanga ti so e sara siokpari ti ke lo.

Abia ti demango tere 3:15

Lo mu na mbi asengo pere si mbi te ahon ndö ti mbi; lo mu na mbi ye so asee sioni si mbi nyon ahon ndö ti mbi.

Abia ti demango tere 3:19

Dabe ti mo na pasi ti mbi nga na mawa so mbi yeke na ya ni; ye ni aga sengo ye na sioni yoro ti fango zo.

Ezekiel 5:12

Fade a yeke kangbi ya ti ala ota: kozo kangbi ni ayeke kui ande na sioni kobela ti bubango kodro nga na kota nzara taa na ya ti gbata ni; use kangbi ni ayeke kui kuâ ti yongoro zeme na tere ti gbata ni. Fade mbi yeke kangbi tanga ti azo ni kirikiri na ndo kue si mbi yeke gboto yongoro zeme ti mbi ti tumba peko ti ala.

Ezekiel 5:2

Tongana lango so awato angoro gbata ni ti mu na bira alingbi awe, fade mo yeke mu kozo mbage ni, mo gbi ni na be ti gbata ni. Mo yeke mu use mbage ni, mo fâ ya ni na yongoro zeme, mo ngoro na gbata ni kue. Mo yeke mu ota mbage ni, mo tuku ni na le ti nduzu si pupu amu ahon na ni; ti mbi, fade mbi yeke gboto yongoro zeme ti mbi ti tumba na peko ni.

Ndia ti fani use ni 28:36

Fade KOTA GBIA ayeke sara si a gbu ala ti gue na ala na kodro wande, ala na gbia so ala yeke soro lo; a yeke gue na ala na ya ti mbeni kodro so ala wani ahinga ni pepe, ataa akotara ti ala nga ahinga ni ando pepe. Kâ, fade ala yeke voro ambeni nzapa nde so a sara ala na keke wala na têne.

Ndia ti fani use ni 29:18

Tongana mbeni zo ama atënë ti dengo ba so si lo wara nzerengo tere na be ti lo kâ, lo tene: “Fade aye ti mbi kue ayeke ga nzoni, ataa so mbi ngba ti sara ngangu li si mbi yeke sara aye so be ti mbi aye.” Biani, sese so anyon ngu alingbi na lo ayeke kiri ti hunda ngu pepe.

Aye so Nzapa afa 8:11

Iri ti tongoro ni ayeke “Sengo ye.” Mbage oko na popo ti ambage ota ti angu so lo ti daa so asee ahon ndoni; azo mingi akui, ngbanga ti so angu ni asee sengo.