Jérémie 9:14 - Mbeti ti Nzapa - Tënë so amu fini

¹⁴ Ndani laa, tënë so KOTA GBIA so ayeke na ndö ti dunia kue, Nzapa ti Israel, atene ayeke so: Mbi yeke mu na azo ti kodro ni sengo kugbe titene aga kobe ti ala ti tengo ni, mbi yeke mu na ala ngu so sioni yoro ayeke na ya ni titene ala nyon.

Jérémie 9:14 ပူးပေါင်းရင်းမြစ်များ

Tongo nda ti aye 6:5

KOTA GBIA abaa so sioni ti zo ahon ndoni na ndö ti sese. Ti londo na ndaperere ngbii asi na lakui, be ti lo aye gi ti sara sioni.

Mbeti ti Job 9:18

Lo yeke zia lege kete na mbi pepe titene mbi wu pupu; me lo yeke sara si sengo ye asi singo na be ti mbi.

Jérémie 11:8

Me ala ma tënë ni pepe, ala dingi mê ti ala pepe ti ma tënë ni. Zo oko oko angba ti sara sioni ye so be ti lo afa na lo. Tongaso, mbi sara si atënë kue ti ya ti mbuki ni akiri na ndö ti ala, ngbanga ti so mbi mu yanga na ala ti sara ye alingbi na atënë ti ya ti mbuki ni, me ala ke.’ ”

Jérémie 13:10

Ala yeke mara ti asioni zo so ake ti ma tënë ti mbi. Ala ngba ti sara gi ye so be ti ala afa na ala; ala mu peko ti anzapa nde ti sara na ala, ti kuku ti kpo li ti ala na sese na dawa ti ala. Ayeke nzoni ala ga tongana kamba ti ndö ti bongo so mbeni ye ti sara na ni ayeke daa pepe!

Jérémie 16:12

Ti ala, ala sara sioni mingi ahon akotara ti ala; zo oko oko ayeke ngba ti sara sioni ye so be ti lo afa na lo, me lo ke ti ma mbi.

Jérémie 2:23

Ye ni asara tongana nyen laa mo tene: ‘Mbeni sioni ye andu tere ti mbi oko pepe; mbi voro anzapa *Baal pepe’ so? Gue mo baa gi peko ti agere ti mo kâ na popo-hoto! Ayeke nzoni mo hinga ye so mo sara. Mo yeke tongana mama ti *zambala so akpe ge, akpe kâ.

Jérémie 2:8

Awayango-sandaga ahunda ndo pepe, atene: ‘KOTA GBIA ayeke na ndo wa?’ Azo so ahinga nda ti *Ndia ahinga mbi pepe. Azo ti li ti kodro ake mbi awe; awayanga-Nzapa ayeke tene peko ti tënë ti yanga ti Baal si ala mu peko ti aye so alingbi ti sara mbeni ye oko pepe.

Jérémie 23:15

Tongaso, tënë so *KOTA GBIA so ayeke na ndö ti dunia kue atene na tere ti awayanga-Nzapa ayeke so: “Mbi yeke mu na ala sengo pere, ala te, mbi yeke mu na ala ngu so a tuku sioni yoro daa, ala nyon. Biani, na lege ti awayanga-Nzapa ti Jérusalem laa sioni asigigi, asua ngbii amu ya ti kodro ni kue.”

Jérémie 23:27

Ala baa ti ala atene, na lege ti abango-li ti ala so ala yeke tene peko ni na amba ti ala so laa, ala lingbi ti sara si iri ti mbi akai na yanga ti azo ti mbi? Ala ye ti sara legeoko tongana akotara ti ala so agirisa ando iri ti mbi ndali ti *Baal so?

Jérémie 3:17

Na ngoi ni so, fade azo ayeke di iri ti Jérusalem, atene: ‘Mbata ti KOTA GBIA’. Amara kue ayeke bongbi kâ na Jérusalem ndali ti iri ti KOTA GBIA; ala yeke zia lege ti sarango sioni ye so be ti ala afa na ala.

Jérémie 44:17

Me e yeke sara ye alingbi gi na tënë so kue asigigi na yanga ti e: e yeke ngba ti zö dukani na gbia-wali ti yayu si e yeke tuku samba ti mu na sandaga na lo tongana ti so e sara ni ngbii asi laso. Ababâ ti e, agbia ti e na akota zo ti kodro ti e asara nga legeoko tongaso na ya ti agbata ti Juda nga na ndö ti abalabala ti Jérusalem. Lani so e yeke sara tongaso, e yeke na kobe gbani gbani ti tengo ni, e yeke duti nzoni si e hinga ye so iri ni sioni pepe.

Jérémie 7:24

Me ala ke ti ma tënë ni; ala dingi mê ti ala kete pepe ti ma ni; ala sara gi ye so sioni be ti ala afa. Titene ala baa ndo na mbage ti mbi, ala zia gi peko ti ala na mbi.

Jérémie 8:14

“E ngba ti duti dutingo ngbanga ti nyen? E londo, e bongbi tere, e li na ya ti agbata so gbagba ti bira ayeke na tere ni, e duti kâ ti ku kuâ ti e ma! Biani, KOTA GBIA, Nzapa ti e aye gi kuâ ti e; lo ye titene e nyon gi ngu so sioni yoro ayeke daa, ngbanga ti so e sara siokpari ti ke lo.

Abia ti demango tere 3:15

Lo mu na mbi asengo pere si mbi te ahon ndö ti mbi; lo mu na mbi ye so asee sioni si mbi nyon ahon ndö ti mbi.

Amos 2:4

Tënë so KOTA GBIA atene ayeke so: “Mbi yeke na tënë na azo ti Juda ndali ti asioni ye ota, wala osio so ala sara: ala baa ndia ti mbi KOTA GBIA tongana mbumbuse ye, ala ke ti sara ye alingbi na ambela ti mbi; ala mu peko ti anzapa ti mvene tongana ti so akotara ti ala asara ando. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Galasii 1:14

Na lege ti vorongo Nzapa ti azuife, amba ti mbi azuife so ngu ti mbi na ala ayeke oko, mbi hon ala kue. Mbi yeke na nzara mingi ti sara ye alingbi na aye ti akotara ti e.

Efeze 2:3

E nga kue, e yeke ando tongana ala: e yeke sara aye na lege ti asioni nzara ti be ti e, e yeke sara ye so be ti e aye na ye so anzere na be ti e. E nga, ngonzo ti Nzapa alingbi ti ti na li ti e tongana tanga ti azo kue ndali ti so a du e zo.

1 Pierre 1:18

Ala wara nzoni ye oko pepe na lege ti sarango ye so ala mu na peko ti akotara ti ala. Me ala hinga awe ye so azi ala na ya ti sarango ye ni so, ye ni alingbi ti buba tongana nginza wala lôro pepe;