Jérémie 8:18 - Mbeti ti Nzapa - Tënë so amu fini

¹⁸ Vundu ti be ti mbi ahon ndoni, yoro ni ayeke daa pepe; na ya ti be ti mbi kâ, mbi yeke baa pasi mingi.

Jérémie 8:18 ပူးပေါင်းရင်းမြစ်များ

Abia (Psaumes) 143:7

KOTA GBIA, kiri tënë na mbi hio, be ti mbi awoko kue awe! Honde le ti mo na mbi pepe, tongaso pepe, fade mbi yeke ga tongana azo so ayeke li na ya ti du ti kuâ.

Ésaïe 22:4

Ndani laa mbi tene na ala: “Ala zia mbi, mbi toto ngangu mingi. Kota kpale asi na azo ti mbi, ala tara ti de be ti mbi pepe.

Jérémie 23:9

Tënë na ndö ti awayanga-Nzapa: Be ti mbi afâ na ya ni kâ, tere ti mbi kue ayeke do. Mbi yeke tongana zo so anyon samba ahon ndö ti lo ngangu mingi. Aye so kue asi na mbi ndali ti *KOTA GBIA nga ndali ti atënë ti lo so ayeke nde si ayeke nzoni kue. Lo tene:

Jérémie 4:19

Ae ya ti mbi! Ya ti mbi! Ya ti mbi ayeke so mbi sioni; be ti mbi kue ayeke so mbi! Ya ti mbi ni ayeke kporo kporongo. Lege titene mbi kanga yanga ti mbi ayeke daa pepe, ngbanga ti so mbi ma gi toto ti didi na dekongo ti azo ti bira.

Jérémie 6:24

“Na mango tënë so, e woko kue si be ti e afun kue. E baa pasi tongana wali na ndembe ti dungo ni.

Jérémie 9:1

Tongana a mu na mbi fade mbeni ndo ti azo ti lege kâ na benyama titene mbi lango daa, ka mbi yeke zia azo ti kodro ti mbi, mbi hon yongoro na tere ti ala! Ala kue ayeke azo ti gingo akoli wala awali ti azo; ala ayeke bongbi ti azo so ake Nzapa awe.

Abia ti demango tere 5:17

Nilaa tere ti e kue ayeke gi na kobela si le ti e avuko na ngu ti le.

Habakuk 3:16

Mbi ma tënë ti aye so si li ti mbi kue akpe. Toto ti aye ni asara si yanga ti mbi ado dongo, bio ti mbi awoko kue, gere ti mbi awoko kue, mbi lingbi ti luti na nduzu pepe. Mbi duti kpoo ti ku lango ti ye ti vundu ni, ti ku lango ti gue ti tiri bira na azo so ayeke sara ngangu na e.