Jérémie 8:17 - Mbeti ti Nzapa - Tënë so amu fini

¹⁷ “Mbi yeke ga! Mbi yeke tokua na tere ti ala asioni ngbo; azo ti handango angbo alingbi ti handa angbo ni pepe; fade angbo ni ayeke te ala; so tënë ti yanga ti KOTA GBIA laa.”

Jérémie 8:17 ပူးပေါင်းရင်းမြစ်များ

Abia (Psaumes) 58:6

lo ma go ti azo ti handango lo pepe, ataa mbeni ngangu zo ti handango ngbo ayeke daa, ngbo ni ayeke ma go ti lo pepe.

Zo ti bongbingo azo 10:11

Zo so ahinga ti handa ngbo, tongana lo handa ngbo ni kozoni pepe si ngbo ni ate lo, nzoni ye ti nyen laa lo yeke wara na peko ni, nyen?

Ésaïe 14:29

Ala azo ti Filistii kue, keke so lani ayeke pika ala, ya ni afâ awe; me alingbi tere ti ala anzere ndali ni pepe. Biani, fade mbeni sioni ngbo ayeke sigigi na ya ti ngbo so akui awe; na ya ti para ti sioni ngbo ni, mbeni sioni nyama so akpa ngunde si ayeke huru hurungo na le ti nduzu ayeke sigigi.

Amos 5:19

Lango ni ayeke duti tongana lango ti mbeni zo so akpe bamara si lo gue, lo tengbi na ze; na pekoni, zo ni asi na da ti lo, lo zia maboko ti lo na tere ti dere ti da si ngbo ate lo.

Amos 9:3

Tongana ala gue, ahonde tere ti ala na li ti hoto ti Karmel, mbi yeke gue ti gi ala si mbi yeke gboto ala kâ. Tongana ala linda na gbe ti kota ngu-ingo titene le ti mbi abaa ala pepe, mbi yeke tokua sioni ngbo ti gue ti te ala kâ.

Wungo ti azo 21:6

Tongaso KOTA GBIA atokua angbo so ngu ti yanga ti ala ayeke fâ zo fango si angbo ni ade ala. Azo ti Israel akui gbani gbani.

Ndia ti fani use ni 32:24

Tongana ala woko kue na nzara awe, tongana kobela ti wâ ahon ndö ti ala si akobela ti bubango kodro ahon ndö ti ala awe, mbi yeke tokua asioni nyama nga na asioni ngbo na tere ti ala.

Aye so Nzapa afa 9:19

Andaa ngangu ti ambarata ni ayeke na yanga ti ala nga na damba ti ala. Damba ti ala ni akpa ngbo, li ni ayeke daa; na ni laa ala yeke na ngangu ti sara sioni na azo.