Jérémie 7:29 - Mbeti ti Nzapa - Tënë so amu fini

²⁹ “Ala azo ti Juda, ayongoro kua ti li ti ala so afa atene, a zia ala nde ndali ti mbi so, ala kio ni, ala bi yongoro! Kâ na li ti ahoto so ndö ni ayeke senge, ala he bia ti totongo kuâ, ngbanga ti so *KOTA GBIA ake azo ti ngoi ti laso. Ala yeke azo so azia ngonzo na be ti lo; lo zia ala awe.

Jérémie 7:29 ပူးပေါင်းရင်းမြစ်များ

2 Agbia 17:20

Ndani laa KOTA GBIA ake azo ti Israel kue; lo zia kamene na le ti ala, lo zia ala na maboko ti azo so ayeke gbu ye ti azo na ngangu. Na ndani, lo tumba ala yongoro na tere ti lo.

Mbeti ti Job 1:20

Tongaso Job alondo, lo suru kota bongo ti lo ti de si lo kio kua ti li ti lo. Na pekoni, lo ti, lo kpo li ti lo na sese

Ésaïe 22:12

Na lango ni so, Kota Gbia, NZAPA so ayeke na ndö ti dunia kue, airi ala ti toto, ti dema tere, ti kio kua ti li ti ala, ti yu bongo ti mua.

Jérémie 12:7

“Mbi do da ti mbi, mbi zia awe; ye so ayeke ti mbi, mbi ke ni awe. Mara so mbi ye lo na be ti mbi kue, mbi zia lo na maboko ti awato ti lo awe.

Jérémie 14:19

“KOTA GBIA, mo ke Juda biani awe? Be ti mo ake *Sion awe? Ngbanga ti nyen si mo zia ka na tere ti e si ka ni amu pepe so? E baa ti e lani e tene, fade e yeke duti nzoni, me ye ti nzoni oko ayeke daa pepe. E yeke ku lani ngoi titene ka ti e amu, me kota mbeto laa aga.

Jérémie 16:6

Na ya ti kodro so, fade akota zo na akete zo ayeke kui; a yeke lu kuâ ti ala pepe, a yeke toto kuâ ti ala pepe si zo ti suru tere ti lo na ka, wala ti kio kua ti li ti lo ndali ti ala ayeke daa pepe.

Jérémie 3:2

Mu le ti mo na nduzu, mo baa ndo kâ na li ti ahoto! Ndo wa laa mo lango na koli daa pepe? Mo duti na yanga ti alege ti ku andeko ti mo tongana *azaragina so aduti na benyama ti ku azo so ayeke hon na lege. Mo sara si kodro ni aga sioni awe na lege ti sarango aye ti ndumba nga na sarango ye ti kirikiri ti mo.

Jérémie 3:21

A ma go ti azo na li ti ahoto kâ: azo ti Israel laa ayeke toto si ayeke dema tere so, ngbanga ti so ala sara aye ti kirikiri mingi; ala girisa KOTA GBIA, Nzapa ti ala awe.

Jérémie 47:5

Na Gaza, azo afâ kua ti li ti ala; na Askalon, ndo ade ngii. Ala azo so ayo mingi si ala ngba na fini so, ala yeke ngba ti suru tere ti ala na ka ngbii asi lawa?

Jérémie 48:37

Akoli kue akio kua ti li ti ala, ala fâ kua ti yanga ti ala, ala suru tere ti amaboko ti ala na ka si ala yu bongo ti mua.

Jérémie 6:30

A di iri ti azo ni, atene: “Wen ti nginza so abuba”, ngbanga ti so KOTA GBIA ake ala awe.

Jérémie 9:10

KOTA GBIA atene: “Mbi yeke sara titene Jérusalem aga ndo so ye kue abuba daa; ndo so aga ndo ti lango ti *anzagua. Mbi yeke sara si agbata ti Juda aga gi ngonda, ndo so zo ayeke daa mbeni pepe.”

Jérémie 9:16

Tënë so KOTA GBIA so ayeke na ndö ti dunia kue atene laa. “Ala gbu li ti ala si! Ala iri awali ti totongo kuâ ti ga! Ala iri awali so kua ti ala ayeke gi totongo kuâ.

Abia ti demango tere 5:22

Mo zia e biani biani awe? Mo yeke ngba ande ti sara ngonzo na e ahon ndoni tongaso?

Ezekiel 19:1

KOTA GBIA atene na mbi ti he bia ti totongo kuâ so na ndö ti amakonzi ti Israel:

Ezekiel 28:12

“Molenge ti zo, mo he mbeni bia ti totongo kuâ na ndö ti gbia ti Tir. Mo tene na lo, mo tene: Tënë so Kota Gbia NZAPA atene ayeke so: ‘Mo yeke lani tapande ti azo so alingbi kue, mo yeke lani na ndara mingi, pendere ti mo alingbi kue.

Amos 5:1

Azo ti Israel, ala ma tënë so: mbi ye ti he bia ti totongo kuâ so na ndö ti ala.

Mishe 1:16

Ala azo ti Jérusalem, ala kio kua ti li ti ala, ala fâ kua ti li ti ala ndali ti amolenge ti ala so ala ye ala mingi so. Ala kio kua ti li ti ala kue titene aga tongana ti *ngoalo so amboko kue so. Biani, fade a yeke gbu amolenge ni ti gue na ala na kodro wande, yongoro na tere ti ala, azo ti Jérusalem.

Matthieu 12:39

Jésus akiri tënë na ala: “Azo ti fadeso ayeke azo ti sioni, ala ye ti ma yanga ti Nzapa pepe. Ala yeke hunda ti baa mbeni ye ti kpene; me fade ala yeke baa mbeni ye ti kpene oko pepe, gi ye ti kpene so asi ando na wayanga-Nzapa Jonas so alingbi awe.

Matthieu 16:4

Azo ti fadeso ayeke azo ti sioni, ala yeke ma yanga ti Nzapa pepe! Ala yeke hunda ti baa mbeni ye ti kpene, me fade ala yeke baa mbeni ye ti kpene oko pepe, gi ye ti kpene so asi ando na Jonas so alingbi awe!” Na pekoni, Jésus azia ala na ndo so si lo mu lege, lo hon.

Matthieu 23:36

Mbi tene na ala taa-tënë: fade ngbanga ti ye so kue ayeke ti na li ti azo ti fadeso!”

Matthieu 3:7

So Jean abaa gba ti *afarizien na *asadusien ayeke ga na tere ti lo titene ala wara bateme, lo tene na ala: “Ala, asioni mara ti ngbo! Zo wa laa afa na ala lege ti kpe ngonzo ti Nzapa so ayeke ga so?

Awatokua 2:40

Pierre atene ambeni tënë mingi, lo mu wango na ala titene tënë ni ali be ti ala si amu ngangu na be ti ala; lo tene: “Azo ti fadeso ayeke asioni zo; ayeke nzoni ala sigigi na popo ti ala si ala soo kuâ.”

Ndia ti fani use ni 32:5

Me ala, ala yeke azo ti sioni mingi, ala sara sioni ti ke KOTA GBIA. Ndali ti sioni ti ala, ala kpa ti duti amolenge ti lo pepe, ala yeke azo ti ngoi ti fadeso so ayeke azo ti kirikiri, azo ti handango amba ti ala!