Jérémie 7:26 - Mbeti ti Nzapa - Tënë so amu fini

²⁶ Me ala ma mbi pepe; ala dingi mê ti ala kete pepe ti ma mbi; ala sara ngangu li ahon ndoni, ala sara sioni ahon akotara ti ala.

Jérémie 7:26 ပူးပေါင်းရင်းမြစ်များ

1 Agbia 14:22

Azo ti mara ti Juda asara ye so ayeke sioni na le ti KOTA GBIA. Ala sara si ngonzo ti lo alondo na lege ti siokpari so ala sara ahon ti akotara ti ala.

1 Agbia 14:9

Ti mo, mo sara ye ti sioni mingi ahon azo so kue ayeke kozoni na mo: mo zia ngonzo na be ti mbi na lege so mo sara ndali ti mo wani anzapa nde nga na ayanda so mo kporo bengba wen si mo sara na ni; mo zia mbi na peko!

2 Agbia 17:14

Me azo ti Israel ama tënë ni pepe. Ala sara ngangu li tongana ti akotara ti ala so ake ando ti ma na be na KOTA GBIA, Nzapa ti ala.

2 Agbia 17:15

Ala ke andia ti KOTA GBIA, ala ke tënë ti *mbuki so lo sara na akotara ti ala, ala ke awango so lo mu na ala. Ala mu peko ti afungo nzapa si ala wani aga ye so afun awe. Ala mu peko ti sarango ye ti amara so alango nduru na ala, ataa so KOTA GBIA ake na azo ti Israel titene ala sara ye pepe tongana ti amara so.

2 Mbai 30:8

Fadeso, ala sara ngangu li tongana ti ababâ ti ala pepe; ala mu tere ti ala na KOTA GBIA, ala kiri aga na ndo ti lo so lo zia nde ndali ti lo wani kpu na kpu; ala sara kua na KOTA GBIA, Nzapa ti ala, tongaso si sioni ngonzo ti lo akai na tere ti ala.

2 Mbai 33:10

KOTA GBIA atene tënë na Manase nga na azo ti lo, me ala dingi mê ti ala pepe ti ma tënë ni.

2 Mbai 33:23

Me lo sara tere ti lo kete pepe na dawa ti KOTA GBIA tongana ti so babâ ti lo Manase asara. Ti Amon ni, lo kiri lo sara sioni mingi ahon ti babâ ti lo.

Néhémie 9:29

Mo mu wango na ala titene ala kiri na gbe ti *Ndia ti mo; me na lege ti kuru baba ti ala, ala ma atënë ti ndia ti mo pepe. Ala sara siokpari ti ke andia ti mo, ataa so andia ni ayeke mu fini na azo so asara ye alingbi na ni. Akotara ti e angba ti sara ngangu li, ala tomboka na tere ti mo, ala ke ti ma yanga ti mo.

Amato 29:1

Zo so a gboto mê ti lo si lo ngba ti sara ngangu li, fade a yeke kinda lo gi hio tongaso, mbeni ye ti sara titene lo kiri lo ga nzoni ayeke daa pepe.

Ésaïe 48:4

Mbi hinga kue, ala yeke azo ti ngangu li, li ti ala akpengba tongana wen, li ti ala akpengba mingi.

Ésaïe 5:4

Yaka ti vinye ti mbi ni, nyen laa mbi yeke kiri ti sara ahon ye so mbi sara na lo awe so? Mbi ku fade anzoni lengo ni; ngbanga ti nyen si lo le afungo ni so-oo?

Jérémie 11:8

Me ala ma tënë ni pepe, ala dingi mê ti ala pepe ti ma tënë ni. Zo oko oko angba ti sara sioni ye so be ti lo afa na lo. Tongaso, mbi sara si atënë kue ti ya ti mbuki ni akiri na ndö ti ala, ngbanga ti so mbi mu yanga na ala ti sara ye alingbi na atënë ti ya ti mbuki ni, me ala ke.’ ”

Jérémie 16:12

Ti ala, ala sara sioni mingi ahon akotara ti ala; zo oko oko ayeke ngba ti sara sioni ye so be ti lo afa na lo, me lo ke ti ma mbi.

Jérémie 17:23

Ti akotara ti ala ni, ala ma mbi pepe, ala dingi mê ti ala ti ma mbi pepe. Ala sara ngangu li, ala ke ti ma tënë si ala ke awango ti mbi.

Jérémie 19:15

“Tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Akpale so kue mbi tene tënë ni so, fade mbi yeke sara si ati na ndö ti gbata so nga na ndö ti akete kodro so kue ayeke na tere ni. Biani, azo ti gbata ni asara ngangu li si ala ke ti ma tënë ti mbi.’ ”

Jérémie 22:21

Lani mbi gboto mê ti mo na ndembe so mo duti na siriri, me mo kiri tënë: ‘Zia mê ti mbi, mbi ke awe!’ So fini ye pepe: sarango ye ti mo ngbene ye na molenge laa; laoko mo ma tënë ti mbi pepe!

Jérémie 25:3

“Ti londo na ngu baleoko na ota ti lengo-gbia ti Yosias, molenge ti Amon, gbia ti Juda, ngbii asi laso, na ya ti ngu baleuse na ota kue, tënë ti KOTA GBIA asi na mbi si mbi mu ngoi ti mbi kue ti tene tënë ni na ala, me ala ma pepe.

Jérémie 25:7

Me ala ma mbi pepe; so tënë ti yanga ti KOTA GBIA laa. Ala zia gi ngonzo na be ti mbi na lege ti aye so maboko ti ala asara; andaa ala yeke baa sioni na peko ni.’

Jérémie 26:5

Ala ma tënë ti azo ti kua ti mbi, awayanga-Nzapa! Mbi mu ngoi ti mbi kue ti tokua na ala awayanga-Nzapa, me ala ma ala pepe.

Jérémie 29:19

Biani, ala ma tënë ti mbi pepe, ataa so mbi mu ngoi ti mbi kue ti tokua na ala awayanga-Nzapa so ayeke azo ti kua ti mbi; so tënë ti yanga ti KOTA GBIA laa. Me ala ma awayanga-Nzapa ni pepe; so tënë ti yanga ti KOTA GBIA laa.’

Jérémie 3:13

Gi ye oko: ayeke nzoni mo hinga sioni ti mo si! Hinga, mo tene, mo sara ngangu li na KOTA GBIA, Nzapa ti mo. Na gbe ti afini keke so kue kugbe ni ayeke gbani gbani, mo huru mo ti kâ, mo huru mo ti ge ti zia tere ti mo na anzapa ti awande. Mo ke ti ma yanga ti mbi; so tënë ti yanga ti KOTA GBIA laa.’ ”

Jérémie 32:23

Ala ga si ala mu kodro ni titene aga ti ala. Ye oko, ala ma tënë ti mo pepe, ala bata lege ti andia ti mo pepe, ala ke ti sara ye so mo mu yanga na ala ti sarango ni. Nilaa mo tokua akpale so kue na ndö ti ala laso.

Jérémie 34:14

‘Na peko ti ngu mbarambara, alingbi ala oko oko kue azi na gbe ti ngbaa ita ti ala hebro so aka tere ti lo na ala. Zo ni ayeke duti ngbaa ti mo na ya ti ngu omene, na pekoni, fade mo yeke zi lo yamba.’ Me akotara ti ala ni ama mbi pepe, ala dingi mê ti ala ti ma tënë ti mbi pepe.

Jérémie 35:15

Mbi mu ngoi ti mbi kue ti tokua na ala azo ti kua ti mbi, awayanga-Nzapa ti tene na ala, azo ti Juda, atene: ‘Ayeke nzoni zo oko oko azia sioni lege ti sarango ye ti lo; ala sara si sarango ye ti ala akiri aga nzoni; ala mu peko ti anzapa nde pepe ti voro ala. Tongaso, fade ala yeke ngba ti duti na ya ti kodro so mbi mu na ala, ala na akotara ti ala.’ Me ala dingi mê ti ala kete pepe, ala ma mbi pepe.

Jérémie 35:17

Jérémie akiri atene: “Ndani laa, tënë so KOTA GBIA so ayeke na ndö ti dunia kue, Nzapa ti Israel atene ayeke so: Ala azo ti Juda na ala, azo ti Jérusalem, akpale so kue mbi tene tënë ni so, mbi yeke sara titene aga na ndö ti ala. Biani, mbi tene tënë na ala, me ala ma mbi pepe; mbi iri ala, me ala ke ti yeda.”

Jérémie 44:16

“Ataa so mo tene tënë so na e na iri ti *KOTA GBIA, e ye ti ma mo pepe.

Jérémie 5:3

KOTA GBIA, ye so anzere na mo ayeke titene zo asara lakue ye so ayeke na legeni; ni laa ape? Mo pika ala, me pika ni aso ala pepe. Mo ye ti nika ala biani biani, me ala ke ti ma ye so mo fa na ala. Li ti ala akpengba ahon têne, ala ke ti kiri na mbage ti mo.

Jérémie 6:10

Zo wa laa mbi yeke tene tënë na lo, zo wa? Zo wa laa mbi yeke gboto mê ti lo si lo ma mbi? A fâ mê ti ala na *ganza pepe, ala lingbi ti zia mê ti ala kpoo pepe. KOTA GBIA, ala yeke he tënë ti mo na ngia, tënë ti mo anzere na ala pepe.

Jérémie 6:17

Mbi zia asanziri na ndö ti ala ti tene na ala ti sara hange; asanziri ni atene: ‘Ala dingi mê ti ala ti ma toto ti didi!’ Me ala kiri tënë: ‘Ngbanga ti e ayeke daa ape!’

Jérémie 7:24

Me ala ke ti ma tënë ni; ala dingi mê ti ala kete pepe ti ma ni; ala sara gi ye so sioni be ti ala afa. Titene ala baa ndo na mbage ti mbi, ala zia gi peko ti ala na mbi.

Jérémie 9:13

Ala sara ngangu li si ala mu peko ti anzapa *Baal so akotara ti ala afa ando lege ni na ala.

Ezekiel 12:2

“*Molenge ti zo, mo duti na popo ti azo ti mara ti ngangu li. Ala yeke na le, me ala yeke baa ndo pepe; ala yeke na mê, me ala yeke ma ndo pepe. Biani, ala yeke azo ti mara ti ngangu li.

Ezekiel 12:3

Ti mo, molenge ti zo, mo kanga akungba ti mo tongana ti mbeni zo so a gbu lo ti gue na lo na kodro wande. Mo londo na ndo so mo yeke daa na le ti azo kue, na kota lâ, mo gue na mbeni ndo nde tongana zo so a gbu lo ti gue na lo na kodro wande. E hinga pepe, fade ala yeke hinga atene, ala yeke azo ti mara ti ngangu li.

Ezekiel 20:30

Ndani laa, mo tene na azo ti Israel, mo tene: Tënë so Kota Gbia NZAPA atene ayeke so: Ye ni nyen! Ala ga *sioni tongana akotara ti ala, ala sara ye ti ndumba na vorongo ayanda ti ala so zo alingbi ti baa na le ti lo fani use pepe so!

Daniel 9:6

Azo ti kua ti mo so ayeke awayanga-Nzapa atene peko ti tënë ti yanga ti mo na agbia ti e, na amakonzi ti e, na akotara ti e nga na azo ti kodro kue; me e ke ti ma ala.

Osée 11:7

Azo ti mbi aleke be ti ala ti ke mbi biani biani; a iri ala titene ala londo na nduzu, me zo oko na popo ti ala alondo pepe.

Zakarii 7:11

Me azo ni ake ti ma tënë ni; ala sara ngangu li, ala kanga mê ti ala titene ala ma ndo pepe.

Malashii 3:7

Tongana ti so akotara ti ala asara ando, ala nga, ala zia lege ti aye so mbi fa na ala; ala sara ye alingbi na ni pepe. Ala kiri na mbage ti mbi si fade mbi kiri na mbage ti ala. Tënë so KOTA GBIA so ayeke na ndö ti dunia kue atene laa. Ala hunda ndo, atene: ‘E yeke sara tongana nyen ti kiri na mbage ti mo?’

Matthieu 21:38

Me so azo ti fango yaka ni abaa molenge ni, ala tene na popo ti ala: ‘Baa, lo so lo yeke ga wa ti yaka ni na peko ti babâ ti lo laa! Ala ga, e fâ lo si yaka ti lo aga ti e!’

Matthieu 23:32

Nzoni! Ala ngba gi daa ma! Ala hunzi kua so akotara ti ala ato nda ti sarango ni ando so ma!

Awatokua 7:51

“Ala azo ti ngangu li, ala so a fâ be ti ala na mê ti ala na ganza pepe so, lakue ala yeke ke tënë ti Yingo-Vuru! Ala yeke tongana akotara ti ala!

Rome 2:5

Me be ti mo akpengba si mo ye ti zia ngbene lege ti sarango ye ti mo ni pepe. Ndani laa mo yeke bongbi gba ti ngonzo ti Nzapa na ndö ti mo ti ku na lango ti ngonzo ti ndani. Na lango ni so, lo yeke fa so fango ngbanga ti lo ayeke mbirimbiri,

Ndia ti fani use ni 8:20

Biani, tongana ala ma yanga ti KOTA GBIA Nzapa ti ala pepe, fade ala yeke kui kue tongana amara nde so KOTA GBIA ayeke fâ ala kue na dawa ti ala so.