Jérémie 6:30 - Mbeti ti Nzapa - Tënë so amu fini

³⁰ A di iri ti azo ni, atene: “Wen ti nginza so abuba”, ngbanga ti so KOTA GBIA ake ala awe.

Jérémie 6:30 ပူးပေါင်းရင်းမြစ်များ

2 Agbia 17:20

Ndani laa KOTA GBIA ake azo ti Israel kue; lo zia kamene na le ti ala, lo zia ala na maboko ti azo so ayeke gbu ye ti azo na ngangu. Na ndani, lo tumba ala yongoro na tere ti lo.

Abia (Psaumes) 119:119

Mo zi azo ti sioni kue ti sese ti tuku ala tongana ti so a yeke tuku azende; mbi ye aye so mo hunda.

Abia (Psaumes) 53:5

Nzapa atene: “Azo ti sarango sioni so, ala hinga ye oko pepe! Ala yeke te azo ti mbi na mbana tongana ti so ala yeke te kobe ti ala; ala ke ti hunda ye na mbi.”

Amato 25:4

Zi zende na tere ti wen ti nginza si fade zo ti sarango aye ti kode alingbi ti sara na mbeni ye ti pendere.

Ésaïe 1:22

Jérusalem, soko ate wen ti nginza ti mo awe, vin ti mo ti ngangu ngere, a tuku ngu na ya ni awe.

Ésaïe 1:25

Jérusalem, fade mbi yeke ga na tere ti mo; mbi yeke *sukula sioni ti mo tongana ti so a yeke kporo wen na ya ti wâ na taa nzoni kode ni ti zi zende na tere ni, mbi yeke zi asioni ti mo kue.

Jérémie 14:19

“KOTA GBIA, mo ke Juda biani awe? Be ti mo ake *Sion awe? Ngbanga ti nyen si mo zia ka na tere ti e si ka ni amu pepe so? E baa ti e lani e tene, fade e yeke duti nzoni, me ye ti nzoni oko ayeke daa pepe. E yeke ku lani ngoi titene ka ti e amu, me kota mbeto laa aga.

Jérémie 23:33

*KOTA GBIA atene na Jérémie: “Tongana azo so, wala mbeni wayanga-Nzapa, wala mbeni wayango-sandaga ahunda mo, atene: ‘Nengo tënë ti KOTA GBIA so lo zia na ndö ti e tongana nengo kungba so ayeke so wa?’ Fade mo kiri tënë na ala, mo tene: ‘Ala laa ayeke nengo kungba ni. Ndani laa, fade mbi yeke bi ala yongoro; so tënë ti yanga ti KOTA GBIA laa.’

Jérémie 7:1

Tënë so alondo na yanga ti *KOTA GBIA asi na Jérémie, atene:

Jérémie 7:29

“Ala azo ti Juda, ayongoro kua ti li ti ala so afa atene, a zia ala nde ndali ti mbi so, ala kio ni, ala bi yongoro! Kâ na li ti ahoto so ndö ni ayeke senge, ala he bia ti totongo kuâ, ngbanga ti so *KOTA GBIA ake azo ti ngoi ti laso. Ala yeke azo so azia ngonzo na be ti lo; lo zia ala awe.

Abia ti demango tere 5:22

Mo zia e biani biani awe? Mo yeke ngba ande ti sara ngonzo na e ahon ndoni tongaso?

Osée 9:17

Fade Nzapa ti mbi ayeke ke ala, ngbanga ti so ala ma lo pepe. Fade ala yeke tambula kirikiri na popo ti amara nde.

Zakarii 11:8

Gi na ya ti nze oko, mbi tumba awabatango-taba ti ala ota kue. Na pekoni, nzara ti batango ataba ni ahunzi na be ti mbi si ala nga, be ti ala akiri ake mbi.

Matthieu 5:13

“Ala laa ayeke ingo ti sese so. Me tongana nzerengo ti ingo ahon awe, fade zo ayeke sara tongana nyen ti kiri na ni daa? Mbeni ye ti sara na ni ayeke daa pepe; alingbi gi titene a tuku ni na gigi si azo ado ni na gere ti ala.

Rome 11:1

Mbi hunda ndo, mbi tene: Nzapa ake azo ti lo awe? Oko pepe! Mbi wani, mbi yeke nga zo ti Israel, mbi yeke *hale ti Abraham, zo ti mara ti Benjamin.