Jérémie 6:27 - Mbeti ti Nzapa - Tënë so amu fini

²⁷ “Jérémie, mbi zia mo titene mo ga zo ti tarango azo ti mbi tongana ti so zo ti pikango ndao ayeke tara wen. Fade mo yeke tara sarango ye ti ala si mo hinga ni.”

Jérémie 6:27 ပူးပေါင်းရင်းမြစ်များ

Jérémie 1:18

Ti londo na lango ti laso, mbi zia mo ti duti tongana gbata so gbagba ti bira ayeke na tere ni, tongana yongoro keke ti da so a sara ni na wen, tongana dere ti da so a sara ni na bengba wen ndali ti kodro ni kue: ti kanga lege na agbia ti Juda, na akota zo ti kodro ni, na awayango-sandaga nga na azo ti Juda kue.

Jérémie 15:20

Na dawa ti ala, mbi yeke sara si mo ga tongana mbeni gbagba so a sara na bengba wen, so zo alingbi ti kungbi ni pepe. Fade ala yeke tiri na mo, me ala yeke kinda mo pepe, ngbanga ti so mbi yeke na mo ti soo mo, ti zi mo na maboko ti ala; so tënë ti yanga ti KOTA GBIA laa.

Jérémie 9:7

Menga ti azo ni ayeke tongana le ti kokora so ayeke fâ zo; atënë ti ala gi atënë ti mvene: nzoni tënë ayeke sigigi na yanga ti ala na tere ti amba ti ala, me na be ti ala kâ, ala leke kuku ti gbu na amba ti ala ni.

Ezekiel 20:4

“Molenge ti zo, mo ye biani ti fâ ngbanga na li ti ala? Alingbi mo fa na ala ti hinga asioni ye so akotara ti ala asara ando si zo alingbi ti baa na le ti lo fani use pepe so.

Ezekiel 22:2

“Ti mo, *molenge ti zo, mo ye biani ti fâ ngbanga na li ti Jérusalem, gbata ti fango zo so? Alingbi mo fa na lo ti hinga asioni sarango ye ti lo so zo alingbi ti baa na le ti lo fani use pepe so.