Jérémie 6:26 - Mbeti ti Nzapa - Tënë so amu fini

²⁶ “Ala azo ti mbi, ayeke nzoni ala yu bongo ti mua, ala rule tere ti ala na ya ti fuku ti sese, ala sara aye so kue zo ayeke sara na ngoi ti mua, ala toto na ngu ti le tongana ti so zo ayeke toto ndali ti oko molenge ti lo ti koli so akui. Biani, gi hio tongaso, wato ayeke ga ti hunzi e kue!”

Jérémie 6:26 ပူးပေါင်းရင်းမြစ်များ

Tongo nda ti aye 21:16

Lo gue, lo duti yongoro, alingbi na yongo ti ndo so, tongana zo apika kokora ague, ati daa. Lo yeke tene na be ti lo, lo tene: “Mbi ye ti duti ti baa molenge ni akui na le ti mbi pepe!” Lo duti yongoro na molenge ni si lo to nda ti toto.

Mbeti ti Job 15:21

Lo yeke ma toto ti mbeni go so ayeke zia mbeto na be ti zo. Na ngoi so lo yeke duti na siriri si azo ti bubango ye ayeke ti na ndö ti lo.

Mbeti ti Job 2:8

Job aduti na ya ti mburu ti wâ, lo mu fango ta si lo yeke kpaka na tere ti lo.

Ésaïe 22:12

Na lango ni so, Kota Gbia, NZAPA so ayeke na ndö ti dunia kue, airi ala ti toto, ti dema tere, ti kio kua ti li ti ala, ti yu bongo ti mua.

Ésaïe 22:4

Ndani laa mbi tene na ala: “Ala zia mbi, mbi toto ngangu mingi. Kota kpale asi na azo ti mbi, ala tara ti de be ti mbi pepe.

Ésaïe 3:24

Afungo ka laa ayeke mu plase ti yombo, senge kamba laa ayeke mu plase ti pendere kamba ti ndö ti bongo, kiongo kua ti li laa ayeke mu plase ti pendere pete, agbagba bongo laa ayeke mu plase ti abongo ti matanga. Kamene laa ayeke mu plase ti sarango pendere.

Ésaïe 30:13

Nilaa, sioni sarango ye so ayeke ga ande tongana yongoro dere ti da so du akoro na ya ni. Mbeni ye asuku daa si mo ye ti baa, dere ni akungbi, atuku na sese.

Ésaïe 32:11

Ala awali so ye ti songo ala ayeke daa pepe so, alingbi ala do na mbeto. Ala awali so abaa tere ti ala atene, ala lingbi awe so, alingbi tere ti ala ado, ala zi bongo na tere ti ala, tere ti ala angba ndumbu, ala kanga bongo ti mua na ngbonda ti ala.

Jérémie 12:12

Na ndö ti alege so kue ayeke na benyama, azo ti bubango ye ayeke ga. Yongoro zeme ti KOTA GBIA ayeke fâ aye, ti londo na mbeni yanga ti kodro asi na mbeni yanga ni; zo oko ayeke na siriri mbeni pepe.

Jérémie 13:17

Tongana ala ma tënë so pepe, mbi yeke toto na hondengo ni ndali ti baba ti ala so ahon ndö ni so. Ngu ti le ti mbi ayeke sua gbani gbani, ngbanga ti so a yeke gue na ataba ti KOTA GBIA na kodro wande.

Jérémie 14:17

“Tënë so fade mo yeke tene na ala laa: Mbi ye titene ngu ti le ti mbi asua bi na lâ, akai pepe, ngbanga ti so mbeni kpale ati na ndö ti azo ti mbi so mbi ye ala tongana molenge ti mbi ti wali; ka ti ala ayeke mu oko pepe.

Jérémie 15:8

Mbi sara si awali-mua ti ala akiri aga gbani gbani tongana mbutu ti yanga ti kota ngu-ingo. Taa na kota lâ, mbi tokua mbeni zo ti bingo kpale ti ga na ndö ti mama ti ngangu zo ti bira. Gi hio tongaso, mbi bi na ndö ti lo kota ye ti vundu na ye ti mbeto.

Jérémie 18:22

Ndali ti so ala sara kuku ti gbu na mbi si ala honde mbeni kamba titene agbu gere ti mbi, ayeke nzoni dekongo ti ala alondo na ya ti ada ti ala asigigi, na ndembe so mo yeke tokua awato ti ga na ndö ti ala gi hio tongaso.

Jérémie 30:5

“Tënë so KOTA GBIA atene ayeke so: E ma dekongo ti ye ti mbeto; ye ti kota mbeto laa, me ti siriri pepe.

Jérémie 4:11

Na ndembe ni so, fade *KOTA GBIA ayeke tene na azo ti Jérusalem, lo tene: “Pupu ti wâ alondo na li ti ahoto, na benyama ti ya na ndö ti azo ti mbi; pupu ni ayeke pupu ti pengo ya ti ale ti kobe pepe, wala ti sukulango ale ti kobe pepe.

Jérémie 4:20

Azo ayeke dekongo, atene: “Aye abuba na peko ti tere, na peko ti tere!” Biani, kodro ni kue abuba awe! Gi hio tongaso, azo abuba ada ti mbi ti bongo; ala buba nga gbefa ti mbi.

Jérémie 4:8

Ayeke nzoni ala yu bongo ti mua, ala toto, ala dema tere, ngbanga ti so ngonzo ti *KOTA GBIA so alondo na tere ti e tongana wâ so, ade ti de pepe.

Jérémie 6:14

Ye ti ngangu asi na azo ti mbi tongana kota ka; me ala kanga ka ni na legeni pepe si ala yeke tene: ‘Ye kue ayeke nzoni! Ye kue ayeke nzoni!’ Andaa ye ayeke nzoni oko pepe.

Jérémie 8:19

Na ya ti mbeni kodro yongoro, azo ti mbi ayeke dekongo; ala yeke iri ndo titene a mu maboko na ala, ala tene: “KOTA GBIA ayeke na *Sion mbeni pepe? Gbia ti Sion ayeke daa mbeni pepe?” “Ngbanga ti nyen si azo so agi yanga ti mbi na vorongo anzapa ti awande so? Andaa so ayeke gi abuba ye so awande aleke ni.”

Jérémie 8:21

Kota ka so azo ti mbi awara azia nga ka na be ti mbi. Vundu agbu mbi mingi si be ti mbi afun kue.

Jérémie 9:1

Tongana a mu na mbi fade mbeni ndo ti azo ti lege kâ na benyama titene mbi lango daa, ka mbi yeke zia azo ti kodro ti mbi, mbi hon yongoro na tere ti ala! Ala kue ayeke azo ti gingo akoli wala awali ti azo; ala ayeke bongbi ti azo so ake Nzapa awe.

Jérémie 9:10

KOTA GBIA atene: “Mbi yeke sara titene Jérusalem aga ndo so ye kue abuba daa; ndo so aga ndo ti lango ti *anzagua. Mbi yeke sara si agbata ti Juda aga gi ngonda, ndo so zo ayeke daa mbeni pepe.”

Abia ti demango tere 1:16

Ndali ti aye ti kpale so, mbi yeke toto. Ngu ti le ti mbi ayeke yuru, ayeke yuru. Zo ti de be ti mbi, zo so ayeke kiri ngangu na mbi so, lo hon yongoro na tere ti mbi awe. Amolenge ti mbi ti koli akiri angba zo pepe, awato ahon ndö ti e na ngangu awe!

Abia ti demango tere 1:2

Na bi, gi toto na toto ngbii ndo ahan. Ngu ti le ayeke sua na tere ti ngbangba ti lo. Na popo ti azo so aye lo lani mingi so, mbeni zo ti de be ti lo ayeke daa pepe. Amba ti lo kue akiri aka lo awe: ala ga awato ti lo.

Abia ti demango tere 2:11

Mbi toto ngbii, le ti mbi avuko kue; akamba ti ya ti mbi ayeke do dongo. Tongana mbi baa akpale so asi na azo ti kodro ti mbi, mbi woko kue. Mbi baa akete molenge na ala so angba ti nyon me; ala woko kue si ala ti kirikiri na be ti lege ti gbata ni.

Abia ti demango tere 3:16

Lo sara si mbi kungbi apembe ti mbi na tengo akerenze, lo yoro mbi na ya ti mburu ti wâ.

Abia ti demango tere 3:48

Ngu ti le ti mbi ayeke yuru gbani gbani ndali ti kpale so asi na azo ti mbi.

Abia ti demango tere 4:10

Akpale mingi asi na azo ti kodro ti mbi; ndali ni, amama so aye amolenge ti ala mingi, ala wani akiri ayeke to amolenge ti ala ti te.

Abia ti demango tere 4:3

Ataa *anzagua, ala yeke mu ka me na amolenge ti ala, ala yeke baa lege ti kobe ti amolenge ti ala. Me ala azo ti kodro ti mbi, ala ga azo ti sarango sioni ye na azo tongana *anaamo ti benyama.

Abia ti demango tere 4:6

Sioni ti azo ti kodro ti mbi ayeke mingi, siokpari ti ala ahon ti azo ti Sodome; kodro ti Sodome ati hio, mbeni zo andu nga ni pepe.

Amos 8:10

Fade mbi yeke sara si amatanga ti ala aga ngoi ti vundu; abia ti ala ayeke ga abia ti totongo kuâ. Fade mbi yeke sara si azo kue ayeke yu bongo ti mua si ala yeke kio kua ti li ti ala; mbi yeke sara si ala yeke sara mua tongana ti so a yeke sara mua ndali ti oko molenge ti ya ti sewa so akui. Na lango ni so, fade aye so kue ayeke hunzi na ya ti mawa.”

Jonas 3:6

So gbia ti Ninive ama tënë ti ye so asi, lo londo na ndö ti mbata ti lo ti gbia, lo zi bongo ti gbia na tere ti lo, lo yu bongo ti mua si lo duti na ya ti mburu ti wâ.

Zakarii 12:10

Mbi yeke sara titene yingo ti sarango ye ti nzoni na yingo ti sambelango mbi aga na ndö ti *ahale ti David nga na ndö ti azo ti gbata ti Jérusalem. Fade ala yeke baa ndo na mbage ti mbi, lo so ala kpo lo so. Ala yeke toto kuâ ti lo tongana ti so a yeke toto kuâ ti oko molenge-koli. Ala yeke toto lo ngangu mingi tongana ti so a yeke toto kuâ ti kozo molenge.

Nzoni Tënë so Luc asu na mbeti 7:12

Na ndembe so lo si nduru na yanga ti gbata ni, lo baa azo ayo mbeni kuâ ti gue ti lu ni: kuâ ni ayeke ti oko molenge-koli ti mbeni wali-mua. Gba ti azo ti gbata ni ayeke na tere ti mama ni si ayeke gue ti lu kuâ ni.

Jacques 4:9

Ala duti na vundu, ala dema tere ti ala, ala toto maa! Ala zia ti he ngia si ala toto, ala zia lege ti ngia si ala duti na vundu!

Jacques 5:1

Ala azo ti mosoro, ala ma si! Ala dekongo, ala toto ndali ti pasi so ayeke ga ande na ndö ti ala!