Jérémie 6:23 - Mbeti ti Nzapa - Tënë so amu fini

²³ Aturugu ti mara ni so agbu akokora na alikongo. Ala yeke sioni mingi, ala yeke baa mawa ti zo pepe; go ti ala ayeke toto tongana kota ngu-ingo. Ala ko na ndö ti ambarata; ala leke tere ti ala awe ti tiri bira na *Sion, pendere maseka-wali.”

Jérémie 6:23 ပူးပေါင်းရင်းမြစ်များ

Ésaïe 10:32

Gi na lango ni so, wato aluti na Nob. Lo yoro maboko ti so na ndö ti hoto ti *Sion, kete hoto ti Jérusalem.

Ésaïe 13:18

Ala yeke fâ amaseka na kokora ti ala, akete molenge so a du ala fini ni, azo ni ayeke zia ala pepe; mawa ti amolenge ayeke sara ala pepe.”

Ésaïe 17:12

So mawa ti nyen! Gba ti amara ayeke sara wusuwusu, wusuwusu ni ayeke tongana toto ti kota ngu-ingo. Amara nde ayeke sara wusuwusu, wusuwusu ni ayeke tongana toto ti ngu so ayeke sua ngangu.

Ésaïe 19:4

Mbi yeke zia azo ti Ezipte na gbe ti komandema ti mbeni makonzi so aso mingi; mbeni gbia ti ngangu ayeke sara komandema na ndö ti ala.” So tënë ti yanga ti Kota Gbia NZAPA so ayeke na ndö ti dunia kue laa.

Jérémie 25:32

Tënë so KOTA GBIA so ayeke na ndö ti dunia kue atene ayeke so: “Kota kpale alondo na mbeni mara asi na mbeni mara, ngangu pupu ti ngu-Nzapa alondo na nda ti sese kâ si ayeke ya.”

Jérémie 25:9

mbi yeke tokua titene a gi amara ti mbage ti Banga kue, so tënë ti yanga ti KOTA GBIA laa. Mbi yeke iri zo ti kua ti mbi Nabukodonosor, gbia ti Babilone, titene lo ga. Mbi yeke sara titene azo ni aga atuku na ndö ti kodro so; ala ga na tere ti azo ti kodro ni nga na tere ti amara so kue angoro kodro ni. Mbi yeke hunzi ala na amara ni kue. Mbi yeke sara si kodro ni ati biani biani si aga ye ti dongo be. Na bango kodro ni, fade azo ayeke huru yanga ti ala; so tënë ti yanga ti KOTA GBIA laa.

Jérémie 30:14

Andeko ti mo kue, be ti ala agirisa na mo awe, ngbanga ti ala ayeke na mo mbeni pepe. Biani, mbi pika mo, mo baa mo tene, mbi yeke fade wato ti mo. Mbi pika mo ngangu, ngbanga ti so sioni ti mo ahon ndoni, siokpari ti mo awu mingi.

Jérémie 4:13

“Baa, awato laa ayeke ga so! Ala yeke tongana mbinda! Apusu ti ambarata ti ala ayeke tongana ngangu pupu; ambarata ti ala akpe ahon *ngoalo. So mawa na e: ti e ahunzi awe!”

Jérémie 4:16

Ala dabe ti amara nde na tënë so; ala sara titene azo ti Jérusalem ahinga tënë ni: azo alondo na mbeni kodro yongoro, ala ga ti mu gbata ni na bira. Ala yeke dekongo ti bira si ala yeke ga na tere ti agbata ti Juda.

Jérémie 4:29

Azo ti agbata kue ama wuluwulu ti azo ti kpengo na mbarata; ala ma dekongo ti azo ti pikango kokora si ala kpe ahon; ala li na ya ti agbako, ala ma na li ti akota têne. Ya ti agbata ni kue angba senge, zo oko ayeke na ya ni mbeni pepe.

Jérémie 5:16

Bozo ti kokora ti ala ayeke tongana du ti kuâ so yanga ni azi kota. Azo ni kue ayeke angangu zo ti bira.

Jérémie 50:41

Mbeni mara alondo na mbage ti Banga ti ga, so ayeke mbeni kota mara; agbia mingi ayeke na lege ti gango ni, ala londo na nda ti sese kue.

Jérémie 50:42

Ala gbu akokora na alikongo na maboko ti ala, ala yeke sioni mingi si ala yeke baa mawa ti zo pepe. Toto ti ala ayeke tongana toto ti kota ngu-ingo. Ala ko na ndö ti ambarata si ala leke tere ti ala tongana akoli ti tiri bira na mo, maseka-wali Babilone!

Jérémie 6:4

Ala dekongo, atene: “E leke tere ti e ti tiri bira na azo ti gbata ni. Ala londo ma! E gue, e gbu ala taa na bekombite. So mawa na e! Lâ aga nduru ti kui awe, agbe ti de ayeke yo.

Jérémie 8:16

Wato asi na sese ti Dan awe; so ambarata ti lo ayeke dekongo kâ, azo ayeke ma toto ni mango ge. Ndali ti toto ti ambarata ni, sese kue ayingi. Ala yeke ga, ala yeke buba kodro ni na aye ti ya ni kue; ala yeke buba gbata ni na azo ti ya ni kue.”

Ezekiel 21:31

Tënë so mbi Kota Gbia NZAPA, mbi tene ayeke so: Fade a yeke zi bongo so a yeke kanga na li ti mo tongana kpoto, a yeke zi kpoto ti mo ti gbia. Ye kue ayeke ga nde! Asenge zo ayeke duti na kota ndo, akota zo ayeke ga asenge zo.

Ndia ti fani use ni 28:49

KOTA GBIA ayeke tokua na ndö ti ala mbeni mara so alondo na yongoro ndo, na nda ti sese; mbeni mara so ayeke huru ti ti na ndö ti ala tongana *ngoalo, mara so ala ma yanga ti kodro ti lo pepe.