Jérémie 6:18 - Mbeti ti Nzapa - Tënë so amu fini

¹⁸ Ala ma si, ala azo ti amara nde! Ayeke nzoni ala ma tënë ti ye so ayeke si na azo ti Jérusalem.

Jérémie 6:18 ပူးပေါင်းရင်းမြစ်များ

Ésaïe 5:3

Mba ti mbi ni atene: “Fadeso, ala azo ti Jérusalem, na ala azo ti Juda, ala fâ ngbanga na popo ti mbi na yaka ti vinye ti mbi.

Jérémie 31:10

Ala amara nde, ala ma tënë ti KOTA GBIA, ala bi tënë ni na mê ti azo so ayeke na ya ti azoa yongoro kâ. Ala tene: “KOTA GBIA akangbi lani azo ti Israel kirikiri, fadeso lo bongbi ala si lo bata ala tongana wabatango-taba so abata ataba ti lo.”

Jérémie 4:10

Tongaso mbi tene: ‘Ae Kota Gbia NZAPA! Biani, mo handa azo ti kodro so awe; mo handa nga azo ti Jérusalem, mo tene: Ala yeke duti na siriri! Andaa gi zeme laa ayeke na go ti e!’ ”

Jérémie 4:16

Ala dabe ti amara nde na tënë so; ala sara titene azo ti Jérusalem ahinga tënë ni: azo alondo na mbeni kodro yongoro, ala ga ti mu gbata ni na bira. Ala yeke dekongo ti bira si ala yeke ga na tere ti agbata ti Juda.

Jérémie 6:17

Mbi zia asanziri na ndö ti ala ti tene na ala ti sara hange; asanziri ni atene: ‘Ala dingi mê ti ala ti ma toto ti didi!’ Me ala kiri tënë: ‘Ngbanga ti e ayeke daa ape!’

Jérémie 6:19

Ala ma si, ala azo ti sese kue: mbi yeke sara titene kota kpale ati na ndö ti azo ni, so ayeke futa ti asioni gbungo-li ti ala laa. Ala dingi mê ti ala ti ma atënë ti mbi pepe; ala baa atënë ti ndia ti mbi tongana mbumbuse ye.

Mishe 6:5

Ala azo ti mbi, ala dabe ti ala na ye so Balak, gbia ti Moab, aleke ando na be ti lo ti sarango ni, nga na tënë so Balaam, molenge ti Beor, akiri na ni na Balak so. Ala dabe ti ala nga na londongo so azo ti Israel alondo na Shitim ngbii ala si na Gilgal so. Tongaso, fade ala yeke hinga lege so KOTA GBIA ayeke sara nzoni na azo ti lo.”