Jérémie 6:17 - Mbeti ti Nzapa - Tënë so amu fini

¹⁷ Mbi zia asanziri na ndö ti ala ti tene na ala ti sara hange; asanziri ni atene: ‘Ala dingi mê ti ala ti ma toto ti didi!’ Me ala kiri tënë: ‘Ngbanga ti e ayeke daa ape!’

Jérémie 6:17 ပူးပေါင်းရင်းမြစ်များ

Ésaïe 21:11

Nengo tënë na ndö ti Duma. Ti londo na Seir, mbeni go adekongo na mbi, atene: “Sanziri, bi aga nduru ti hunzi awe? Sanziri, bi aga nduru ti hunzi awe?”

Ésaïe 56:10

Asanziri ti Israel kue ayeke awaziba, ala hinga ye oko pepe. Ala yeke ambo so ayeke buburu, ala lingbi ti dekongo pepe. Ala yeke lango na sese, ala yeke baa li ti ala; ala ye gi ti lango.

Ésaïe 58:1

*KOTA GBIA atene: “Mo dekongo na kota go, mo ngba gi daa! Sara si azo ama go ti mo tongana tatalita! Fa na azo ti mbi kengo ndia ti ala, fa na amolenge ti Jacob siokpari ti ala.

Ésaïe 62:6

Jérusalem, na ndö ti gbagba ti mo ti bira, mbi zia asanziri. Na kota lâ wala na bi, ala lingbi ti duti kpoo pepe. “Ala so ayeke dabe ti KOTA GBIA na Jérusalem, ala wu tere ti ala pepe!

Jérémie 18:12

Me ala tene: “Ngbanga ti e ayeke daa pepe! E yeke ngba ti sara ye so aga na li ti e. Zo oko oko ayeke ngba ti sara sioni ye so be ti lo afa na lo.”

Jérémie 25:4

KOTA GBIA amu ngoi ti lo kue ti tokua na ala azo ti kua ti lo so kue ayeke awayanga-Nzapa. Me ala, azo ti Juda, ala ma pepe; ala ke ti dingi mê ti ala ti ma.

Jérémie 6:18

Ala ma si, ala azo ti amara nde! Ayeke nzoni ala ma tënë ti ye so ayeke si na azo ti Jérusalem.

Jérémie 7:28

Tongaso, fade mo yeke tene na ala, mo tene: Ala yeke azo ti mara so ama yanga ti KOTA GBIA, Nzapa ti ala pepe; ala ke ti ma wango. Taa-tënë ayeke mbeni pepe; zo ti tenengo taa-tënë ayeke daa mbeni pepe.”

Jérémie 8:5

Biani, azo ti Jérusalem agirisa lege awe; ngbanga ti nyen si ala ngba ngbango na ndö ti sioni lege so ala mu ni so? Ala gbu tënë ti anzapa ti mvene ti ala ni ngangu; ala ke ti kiri na mbi.

Ezekiel 3:7

Me ti azo ti Israel, fade ala yeke ke ti ma mo, ngbanga ti so ala ye ti ma mbi pepe. Biani, azo ti Israel kue ayeke azo ti ngangu li mingi, be ti ala akpengba mingi.

Osée 8:1

Ala azo, ala huru didi: sioni ye ayeke ga! Awato ayeke ti na ndö ti azo ti KOTA GBIA tongana *ngoalo, ngbanga ti so ala buba ya ti tënë ti mbuki ti mbi, ala sara ngangu li na ndia ti mbi.

Habakuk 2:1

Fade mbi yeke ngba na ndo so mbi yeke sara sanziri daa, mbi yeke luti na nduzu na ndö ti ngangu gbagba ti baa ndo. Mbi yeke ku ti ma tënë so Nzapa ayeke tene na mbi; mbi yeke ku tënë so lo yeke kiri na ni ndali ti demango tere ti mbi.

Zakarii 1:4

Ala sara ye tongana ti akotara ti ala pepe. Ando, akozo wayanga-Nzapa afa tënë ti mbi na akotara ti ala ni, atene: Tënë so KOTA GBIA so ayeke na ndö ti dunia kue atene ayeke so: ‘Ala zia ngbene lege ti sarango ye ti ala, ala zia asioni sarango ye ti ala.’ Me ala ma pepe, ala ma yanga ti mbi pepe; so tënë ti yanga ti KOTA GBIA laa.

Zakarii 7:11

Me azo ni ake ti ma tënë ni; ala sara ngangu li, ala kanga mê ti ala titene ala ma ndo pepe.

Ahebro 13:17

Ala ma yanga ti azo ti li ti Eglize, ala sara ye so azo ni ahunda na ala. Azo ni ayeke baa ndo na ndö ti ala, ngbanga ti so fade Nzapa ayeke hunda ala ndali ni. Tongana ala yeke ma yanga ti azo ti li ti Eglize, fade azo ni ayeke sara kua ti Nzapa na nzerengo be si ala dema tere ti ala pepe. Me tongana azo ni adema tere, fade ala a-ita, ala yeke baa nzoni pepe.