Jérémie 6:1 - Mbeti ti Nzapa - Tënë so amu fini

¹ Ala, azo ti Benjamin, ala sigigi na ya ti Jérusalem. Ala kpe agi ndo ti honde tere ti ala daa. Kâ na Tekoa, ala huru didi; kâ na Bet-Kerem, ala yo na nduzu mbeni bendere ti fa atene, mbeni ye ti sioni na kota kpale ti bubango ndo alondo na Banga ti ga.

Jérémie 6:1 ပူးပေါင်းရင်းမြစ်များ

2 Samuel 14:2

Nilaa lo tokua azo na gbata ti Tekoa ti iri mbeni wali ti ndara. Lo tene na wali ni, lo tene: “Fade mo sara ye tongana zo so ayeke na mua; yu abongo ti mua, zia yombo na tere ti mo pepe. Mo sara ye tongana mbeni wali so ayeke na mua aninga awe.

2 Mbai 11:6

Betlehem, Etam, Tekoa,

Néhémie 3:14

Malkia, molenge ti Rekab, makonzi ti kete sese ti Bet-Kerem asara yanga ti gbagba so iri ni Ti-puru. So Malkia aleke yanga ti gbagba ni awe, lo zia ale ni daa, na angbongboro wen ti kangango na ni nga na akerere ni.

Néhémie 3:5

Na pekoni, ayeke azo ti gbata ti Tekoa. Me akota zo ti ala ake ti sara kua na gbe ti azo so a zia ala na li ti akua ni.

Jérémie 10:22

Mbeni tënë alondo kâ si ayeke ga, mbeni ye so ayeke yingi ndo alondo na Banga si ayeke ga, ayeke ga ti buba agbata ti Juda si agbata ni ayeke ga ngonda, ayeke ga ndo ti lango ti *anzagua.

Jérémie 25:9

mbi yeke tokua titene a gi amara ti mbage ti Banga kue, so tënë ti yanga ti KOTA GBIA laa. Mbi yeke iri zo ti kua ti mbi Nabukodonosor, gbia ti Babilone, titene lo ga. Mbi yeke sara titene azo ni aga atuku na ndö ti kodro so; ala ga na tere ti azo ti kodro ni nga na tere ti amara so kue angoro kodro ni. Mbi yeke hunzi ala na amara ni kue. Mbi yeke sara si kodro ni ati biani biani si aga ye ti dongo be. Na bango kodro ni, fade azo ayeke huru yanga ti ala; so tënë ti yanga ti KOTA GBIA laa.

Jérémie 4:29

Azo ti agbata kue ama wuluwulu ti azo ti kpengo na mbarata; ala ma dekongo ti azo ti pikango kokora si ala kpe ahon; ala li na ya ti agbako, ala ma na li ti akota têne. Ya ti agbata ni kue angba senge, zo oko ayeke na ya ni mbeni pepe.

Jérémie 6:22

Tënë so KOTA GBIA atene ayeke so: “Mbeni mara alondo na mbeni kodro ti Banga si ayeke ga; mbeni kota mara alondo yongoro na nda ti sese si ayeke ga.

Amos 1:1

So ayeke atënë ti Amos, mbeni wabatango-taba ti kete kodro ti Tekoa. Na ya ti mbeni ye tongana bango-li, lo baa ye na ndö ti Israel na ngoi so Ozias ayeke gbia ti Juda si Yeroboam, molenge ti Yoas, ayeke gbia ti Israel. Ye ni asi ngu use kozoni si sese ayingi.

Amos 3:6

Tongana a huru didi na ya ti mbeni gbata ti fa tënë ti bira, fade mbeto alingbi ti gbu azo pepe? Tongana kpale asi na ya ti mbeni gbata, *KOTA GBIA laa asara ye ni pepe?

Zakarii 6:6

Pusu so a kanga avuko mbarata na tere ni ague na mbage ti Banga; pusu so a kanga avuru mbarata na tere ni ague na mbage ti Do; pusu so a kanga ambarata so nzoroko ti bengba ayeke na tere ti ala ague na mbage ti Mbongo.

Josué 15:63

Azo ti mara ti Juda awara lege pepe ti tumba azo ti mara ti Yebus so ayeke lango na Jérusalem. Azo ti mara ti Yebus na azo ti Juda angba ti lango na Jérusalem ngbii asi laso.

Awafango-ngbanga 1:21

Ahale ti Benjamin atumba azo ti mara ti Yebus pepe, ala yeke lango na Jérusalem. Tongaso, mara ti Yebus ni na azo ti Benjamin angba ti lango ndo oko na Jérusalem ngbii asi laso.