Jérémie 52:6 - Mbeti ti Nzapa - Tënë so amu fini

⁶ Na lango gumbaya ti nze osio ni, kota nzara ati na ya ti gbata ni; azo ti kodro ni ayeke na kobe ti tengo ni mbeni pepe.

Jérémie 52:6 ပူးပေါင်းရင်းမြစ်များ

2 Agbia 25:3

Na lango gumbaya ti nze ni, kota nzara ati na ya ti gbata ni; azo ti kodro ni ayeke na kobe ti tengo ni mbeni pepe.

Ésaïe 3:1

Biani, Kota Gbia NZAPA so ayeke na ndö ti dunia kue ayeke zi na ya ti gbata ti Jérusalem nga na ya ti kodro ti Juda aye so kue ayeke mu ngangu na azo: lo yeke zi kobe na ngu,

Jérémie 15:2

Tongana azo ni ahunda mo, atene: ‘E yeke gue na ndo wa?’, fade mo yeke kiri tënë na ala: ‘Tënë so KOTA GBIA atene ayeke so: Zo so a diko lo ti kui, fade lo yeke kui! Zo so a diko lo ti kui na ya ti bira, lo yeke kui na ya ti bira! Zo so a diko lo ti kui kuâ ti nzara, lo yeke kui na nzara! Zo so a diko lo titene a gue na lo na kodro wande, a yeke gue na lo na kodro wande!’

Jérémie 19:9

Mbi yeke sara si awato ti ala na azo so ayeke baa mawa ti ala pepe, angoro gbata ni na bira. Ala yeke sara titene gbata ni ati na ya ti kota pasi. Tongaso, ala azo ti mbi, fade ala yeke te kasa ti tere ti amolenge ti ala wani; zo oko oko ayeke te kasa ti tere ti mba ti lo.

Jérémie 21:9

Zo so ayeke ngba na ya ti gbata so, fade lo yeke kui na lege ti bira, ti kota nzara na ti sioni kobela ti bubango kodro. Me zo so ayeke sigigi na ya ti gbata ni ti zia tere ti lo na maboko ti aturugu ti Babilone, zo ni ayeke soo fini ti lo; ye so ayeke ngba na lo ayeke gi fini ti lo.

Jérémie 25:10

Mbi yeke zi na popo ti ala bia ti azo so tere ti ala anzere, bia ti azo so ayeke na ngia nga na bia ti koli na wali so amu tere fini fini; mbi yeke zi na popo ti ala toto ti têne ti nikango na ye nga na wâ ti lamba.

Jérémie 37:21

Tongaso gbia Sedesias amu yanga titene a bata Jérémie na ya ti gbagba ti aturugu ti batango gbia. Lo mu nga yanga titene a mu na lo na ya ti lango oko oko, mapa oko ti balabala ti awazongo-mapa; a mu ni na lo ngbii mapa ahunzi kue na ya ti gbata ni si! Nilaa Jérémie angba na ya ti gbagba ti aturugu ti batango gbia.

Jérémie 38:9

“Babâ gbia, ye so kue azo so asara na wayanga-Nzapa Jérémie so ayeke sioni mingi; ala bi lo na ya ti du ti ngu! Lo yeke kui na ya ti du ni, ngbanga ti so kobe ayeke na ya ti gbata ni mbeni pepe.”

Jérémie 39:2

Na lango gumbaya ti nze osio ni ti ngu baleoko na oko ni, azo ti Babilone akoro mbeni du na ya ti gbagba ti gbata ni.

Abia ti demango tere 1:11

Azo ti Jérusalem kue ayeke dema; ala yeke gi kobe ti tengo ni; ala ka anzoni ye ti ala ti gi na kobe; ala sara tongaso ti wara na ngangu. “Ae! KOTA GBIA, mo wani, mo baa: azo abaa mbi tongana mbeni mbumbuse ye.”

Abia ti demango tere 5:10

E yeke nyon gi pupu si e duti na ni. Nilaa, poro ti tere ti e ahole holengo mo baa mo tene, e hon na ya ti wâ ti fur.

Ezekiel 14:13

“*Molenge ti zo, tongana azo ti mbeni kodro asara siokpari so ake mbi si ala sara ye so ayeke sioni mingi, fade mbi yeke yoro maboko ti mbi ti pika ala, mbi yeke buba akobe ti ala so ala bata, mbi yeke tokua kota nzara na tere ti ala, mbi yeke fâ azo na anyama kue ti kodro ni ti hunzi ala.

Ezekiel 14:21

Biani, tënë so Kota Gbia NZAPA atene ayeke so: “Mbi tokua asioni kpale ti mbi osio na ndö ti Jérusalem: bira, kota nzara, asioni nyama na sioni kobela ti bubango kodro. Mbi tokua ni ti fâ azo na anyama kue ti hunzi ala.

Ezekiel 31:1

Na kozo lango ti ota nze ni, na ngu baleoko na oko ni, tënë ti *KOTA GBIA asi na mbi, atene:

Ezekiel 5:16

“Mbi yeke tokua kota nzara titene afâ ala, ahunzi ala kue. Nzara ni ayeke kpo ala tongana ti so kokora ayeke kpo zo. Akobe so ala bata, mbi yeke buba ni kue.

Ezekiel 7:15

“Na ndö ti alege, gi bira na bira, na ya ti ada, gi kobela ti bubango kodro na kota nzara. Na ya ti ayaka, azo ayeke kui na ya ti bira, na ya ti agbata, kota nzara na sioni kobela ti bubango kodro ayeke fâ azo.

Awayango-sandaga 26:26

Mbi yeke gbanzi na ala kobe; awali baleoko alingbi ti to kobe ti ala na ya ti duke oko; awali ni ayeke mu kobe ni gi kete kete ti ga na ni na ala, ala yeke te ni, me ya ti ala ayeke si pepe.

Zakarii 8:19

Tënë so KOTA GBIA so ayeke na ndö ti dunia kue atene ayeke so: “Alango ti kengo kobe so ala azo ti Juda, ala yeke ke na ya ti osio nze ni, oku nze ni, mbarambara nze ni nga na nze baleoko ni ti ngu oko oko, fade alango ni so ayeke kiri ti ga alango ti matanga, alango ti ngia na ti kota ngia nga na ti nzoni matanga. “Me ayeke nzoni ala ye taa-tënë nga na siriri.”

Ndia ti fani use ni 32:24

Tongana ala woko kue na nzara awe, tongana kobela ti wâ ahon ndö ti ala si akobela ti bubango kodro ahon ndö ti ala awe, mbi yeke tokua asioni nyama nga na asioni ngbo na tere ti ala.