Jérémie 52:4 - Mbeti ti Nzapa - Tënë so amu fini

⁴ Na nze baleoko ni ti ngu gumbaya ni so Sedesias ayeke le-gbia, Nabukodonosor, gbia ti Babilone, lo na aturugu ti lo kue aga ti sara bira na Jérusalem. Lo sara bâbâ ti lo na tere ti gbata ni; azo ti lo abongbi sese aga *koto na tere ti gbagba ti gbata ni, angoro ni kue.

Jérémie 52:4 ပူးပေါင်းရင်းမြစ်များ

Ésaïe 29:3

Mbi yeke sara bâbâ ti ngoro mo kue; mbi yeke zia aturugu ti ngoro mo, mbi yeke sara gbagba na tere ti mo ti tiri bira na mo.

Jérémie 21:2

“E gbu gere ti mo, mo hunda KOTA GBIA na tënë ti e! Baa, gbia Nabukodonosor ti Babilone alondo na bira na tere ti e; e hinga pepe, fade KOTA GBIA ayeke sara mbeni oko ti aye ti kpene ti lo ndali ti e, tongaso si gbia Nabukodonosor azia peko ti e.”

Jérémie 32:24

“Fadeso azo ti Babilone abongbi sese si aga *koto, ala ga nduru na gbata ni titene ala mu ni awe; ala yeke tiri bira titene ala mu gbata ni. Na lege ti bira, kota nzara na sioni kobela ti bubango kodro, gbaa fade gbata ni ayeke ti na maboko ti ala. Tënë so lani mo tene, ni laa asi awe so; ti mo, mo yeke baa gi ni bango!

Jérémie 34:1

Nabukodonosor, gbia ti Babilone, lo na aturugu ti lo kue, na azo ti akodro-gbia ti sese so kue ayeke na gbe ti komandema ti lo nga na amara kue alondo ti tiri bira na Jérusalem nga na agbata so angoro Jérusalem. Na ngoi ni so, tënë ti *KOTA GBIA asi na Jérémie, atene:

Jérémie 39:1

Na nze baleoko ni ti ngu gumbaya ni so Sedesias ayeke le-gbia, Nabukodonosor, gbia ti Babilone, lo na aturugu ti lo kue aga angoro gbata ti Jérusalem ti mu ni na bira.

Jérémie 4:17

Ala ngoro Jérusalem tongana ti so azo ti batango yaka ayeke ngoro yaka. Azo ni angoro Jérusalem, ngbanga ti so lo sara ngangu li na mbi; so tënë ti yanga ti KOTA GBIA laa.

Jérémie 52:7

Tongaso azo akoro mbeni du na ya ti gbagba ti gbata ni. Na bi, aturugu ni kue asigigi na ya ti gbata ni akpe ahon. Ataa so azo ti Babilone angoro gbata ni kue, aturugu ni ahon na yanga ti gbagba so ayeke na popo ti agbagba use, nduru na tere ti kete yaka ti gbia. Na pekoni, ala mu lege so ague na popo-hoto ti Jourdain.

Ezekiel 21:22

Mbi nga, mbi yeke pika maboko ti mbi; mbi yeke sara ye ni ngbii ngonzo ti mbi ti wâ ade si. Mbi KOTA GBIA laa mbi tene tënë so.”

Ezekiel 21:27

Zeke so afa Jérusalem ayeke na ya ti maboko ti lo ti koli. Lo yeke mu yanga titene azo ague, afâ azo gbani gbani, ala dekongo ti bira, ala zia amasini ti bira na tere ti ayanga ti gbagba ni, ala bongbi sese aga *koto na tere ti gbagba ni, ala koro du na gbe ti gbagba ni.

Ezekiel 26:8

Lo yeke buba agbata so ayeke nduru na mo, na yanga ti kota ngu-ingo. Na pekoni, lo yeke koro du na gbe ti sese na tere ti mo kue, lo yeke bongbi sese aga *koto na tere ti mo si lo yeke mu gba ti *avala ti kanga lege na ale ti kokora ti mo.

Ezekiel 33:21

Na lango oku ti nze baleoko ni, na ngu baleoko na use ni, na peko ti so a gbu e, a gue na e na kodro wande, mbeni zo so angba na fini na peko ti so a mu gbata ti Jérusalem, aga si atene na mbi: “Gbata ni ati awe!”

Ezekiel 40:1

Na ngu baleuse na oku ni, na peko ti so a gbu azo, a gue na ala na kodro wande, na tongo nda ti ngu ni, na lango baleoko ti nze ni; na ngu baleoko na osio na peko ti so gbata ti Jérusalem ati awe, taa gi na lango ni so, maboko ti *KOTA GBIA agbu mbi si ague na mbi kâ.

Awayango-sandaga 26:25

Ndali ti mbuki ti mbi so ala buba ni, fade mbi yeke tokua bira na tere ti ala, ala yeke honde tere ti ala na ya ti agbata ti ala, me mbi yeke tokua sioni kobela ti bubango kodro na tere ti ala si mbi yeke zia ala na maboko ti awato ti ala.

Zakarii 8:19

Tënë so KOTA GBIA so ayeke na ndö ti dunia kue atene ayeke so: “Alango ti kengo kobe so ala azo ti Juda, ala yeke ke na ya ti osio nze ni, oku nze ni, mbarambara nze ni nga na nze baleoko ni ti ngu oko oko, fade alango ni so ayeke kiri ti ga alango ti matanga, alango ti ngia na ti kota ngia nga na ti nzoni matanga. “Me ayeke nzoni ala ye taa-tënë nga na siriri.”

Nzoni Tënë so Luc asu na mbeti 19:43

Biani, ambeni lango ayeke ga so awato ti mo ayeke bongbi sese aga koto, angoro mo kue. Ala yeke ngoro mo si ala yeke pete mo mbage na mbage kue.

Nzoni Tënë so Luc asu na mbeti 21:20

“Tongana ala baa ande aturugu angoro Jérusalem kue, ayeke nzoni ala hinga atene, a ga nduru ti buba gbata ni awe.