Jérémie 52:24 - Mbeti ti Nzapa - Tënë so amu fini

²⁴ Makonzi ti aturugu ti batango gbia agbu Seraya, kota wayango-sandaga, lo na Sefania, use wayango-sandaga nga awayango-sandaga ota so ayeke bata yanga ti kota da ti Nzapa.

Jérémie 52:24 ပူးပေါင်းရင်းမြစ်များ

2 Agbia 23:4

Gbia amu yanga na kota wayango-sandaga Hilkia, na awayango-sandaga so ayeke mu maboko na lo nga na azo so ayeke bata yanga ti kota da ti Nzapa titene aye so a leke ando ti voro na Baal, na Ashera nga na aye mingi mingi so ayeke na le ti nduzu, ala sigigi na ni na ya ti da ni, ala gbi ni na gigi ti gbata ti Jérusalem, na popo-hoto ti Sedron. Na pekoni, ala mu mburu ti wâ ni, ala gue na ni na Betel.

2 Agbia 25:18

Makonzi ti aturugu ti batango gbia agbu Seraya, kota wayango-sandaga, lo na Sefania, use wayango-sandaga nga na awayango-sandaga ota so ayeke bata yanga ti kota da ti Nzapa.

1 Mbai 6:14

Ahale ti Merari ayeke so: Mali ayeke molenge ti Merari, Libni ayeke molenge ti Mali, Shimei ayeke molenge ti Libni, Uza ayeke molenge ti Shimei,

Esdras 7:1

Na peko ti aye so, na ngoi so Artakzerses ayeke gbia na kodro ti Perse, mbeni zo alondo na Babilone asi; iri ti lo Esdras. Esdras ayeke mbeni *hale ti kota wayango-sandaga Aaron. Molongo ti ahale ti Esdras ayeke tongaso: Esdras ayeke molenge ti Seraya; Seraya ayeke molenge ti Azaria; Azaria ayeke molenge ti Hilkia; Hilkia ayeke molenge ti Shalum; Shalum ayeke molenge ti Sadok; Sadok ayeke molenge ti Ahitub; Ahitub ayeke molenge ti Amaria; Amaria ayeke molenge ti Azaria; Azaria ayeke molenge ti Merayot; Merayot ayeke molenge ti Zeraya; Zeraya ayeke molenge ti Uzi; Uzi ayeke molenge ti Buki; Buki ayeke molenge ti Abishua; Abishua ayeke molenge ti Pinas; Pinas ayeke molenge ti Elazar; Elazar ayeke molenge ti Aaron. Esdras ahinga mbeti mingi, lo hinga nga *Ndia ti *KOTA GBIA mingi, Ndia so KOTA GBIA, Nzapa ti Israel afa na Moïse so. Ndali ti so maboko ti KOTA GBIA Nzapa ti Esdras ayeke na ndö ti lo, gbia ayeke mu na lo aye so kue lo hunda.

Abia (Psaumes) 84:10

O Nzapa, baa gbia so ayeke *vala ti e, baa na nzoni le zo ti mo so mo zia lo gbia so.

Jérémie 20:4

Biani, tënë so KOTA GBIA atene ayeke so: ‘Mbi yeke sara si mo ga zo ti ziango mbeto na be ti mo wani nga na be ti amba ti mo so mo na ala aye tere mingi. Amba ti mo ni ayeke kui kuâ ti yongoro zeme na maboko ti awato ti ala. Ti mo, mo yeke luti ande ti baa ye ni na le ti mo. Mbi yeke sara si azo ti Juda kue ati na maboko ti gbia ti Babilone; lo yeke gbu ala ti gue na ala na Babilone si lo yeke fâ ala na yongoro zeme.

Jérémie 21:1

Tënë ti *KOTA GBIA asi na Jérémie na ngoi so gbia Sedesias atokua Pashehur, molenge ti Malkia, lo na wayango-sandaga Sefania ti gue ti tene na Jérémie, atene:

Jérémie 29:25

Tënë so *KOTA GBIA so ayeke na ndö ti dunia kue, Nzapa ti Israel atene ayeke so: Mo su mbeti na iri ti mo, mo tokua na azo so kue ayeke na Jérusalem, na wayango-sandaga Sefania, molenge ti Maaseya nga na tanga ti awayango-sandaga kue. Tënë so mo yeke tene na ya ti mbeti ni ayeke so:

Jérémie 29:29

Wayango-sandaga Sefania adiko mbeti ni na wayanga-Nzapa Jérémie.

Jérémie 34:21

Ti Sedesias, gbia ti Juda, fade mbi yeke zia lo legeoko tongaso, lo na akota zo ti kodro ti lo na maboko ti awato ti ala nga na azo so aye gi kuâ ti ala. Mbi yeke zia ala na maboko ti aturugu ti gbia ti Babilone, ataa so aturugu ni agboto tere ti ala fadeso ahon yongoro na tere ti ala.

Jérémie 35:4

Mbi ga na ala na ya ti kota da ti KOTA GBIA, na ya ti kota kubu ni so adisiple ti Hanan ayeke duti daa; Hanan ayeke taa zo ti Nzapa, lo yeke molenge ti Igdalia. Kota kubu ni ayeke nduru na tere ti kota ya ti da ti amakonzi si ayeke na nduzu, na ndo so kota kubu ti Maaseya ayeke daa; Maaseya ayeke molenge ti Shalum, wayango-sandaga so ayeke bata yanga ti kota da ti Nzapa.

Jérémie 37:3

Andaa gbia Sedesias atokua Yukal, molenge ti Shelemia, lo na wayango-sandaga Sefania, molenge ti Maaseya, ti tene na wayanga-Nzapa Jérémie, atene: “E gbu gere ti mo, sambela KOTA GBIA Nzapa ti e ndali ti e!”

Jérémie 52:12

Na lango baleoko ti nze oku ni, so ti tene na ngu baleoko na gumbaya ni so Nabukodonosor, gbia ti Babilone ayeke le-gbia, Nebuzaradan aga na Jérusalem. Nebuzaradan ayeke makonzi ti aturugu ti batango gbia si lo yeke mbeni kota zo na yangbo ti gbia ti Babilone.

Jérémie 52:15

Na pekoni Nebuzaradan, makonzi ti aturugu ti batango gbia agbu tanga ti azo so angba na ya ti gbata ni, ambeni wayere kete ti gbata ni, ala na azo so lani azia tere ti ala na gbia ti Babilone nga na tanga ti azo ti sarango ye na kode si lo gue na ala na Babilone.

Abia ti demango tere 4:16

KOTA GBIA, lo wani akangbi ala kirikiri; lo ye ti baa ala na le ti lo mbeni pepe. Zo ti nengo awayango-sandaga ayeke daa pepe! Zo ti kpengo awayango-sandaga ayeke daa lawa.

Ezekiel 11:7

Ndani laa, tënë so mbi Kota Gbia NZAPA, mbi tene ayeke so: gbata ni ayeke tongana tawa ni, kasa ni ayeke azo so ala fâ ala. Me ti ala, fade mbi yeke tumba ala na ya ti gbata ni.

Ezekiel 24:5

Mo mu apendere kasa ti taba, mo zia abio ni na gbe ni, na ngbonda ti tawa ni kâ; mo to ni, akporo kpoto kpoto kpoto. Ataa abio ni, alingbi akporo nzoni.

Ezekiel 34:10

Tënë so mbi Kota Gbia NZAPA, mbi tene ayeke so: Mbi yeke ga na tere ti awabatango-taba ni. Mbi yeke gi ataba ti mbi, mbi yeke zi ala na maboko ti ala; mbi yeke zi ala na kua ti batango ataba ni, tongaso si awabatango-taba ni alingbi ti gi kobe ndali ti ala wani mbeni pepe. Mbi yeke gboto ataba ni na yanga ti ala si ataba ni ayeke kiri ti duti kobe ti ala pepe.