Jérémie 52:22 - Mbeti ti Nzapa - Tënë so amu fini

²² Na ndö ti yongoro gere ti da ni oko oko, ala zia mbeni ngbongboro bengba wen so ayo na nduzu metere use na ndambo. Ala mu bengba wen aleke na mbeni ye tongana gbanda nga na ale ti keke so iri ni grenade, ala zia ni na tere ti ngbongboro bengba wen ni. Use yongoro gere ti da ni na aye ti pendere so a zia na tere ni ayeke tongana ti kozo yongoro gere ti da ni.

Jérémie 52:22 ပူးပေါင်းရင်းမြစ်များ

1 Agbia 7:20

Taa na li ti apendere ye so akpa kpoto si ayeke na li ti angbongboro gere ti da so, mbeni ndo ayeke daa so akono konongo; akono ahon ndö ti gbanda ni nga na ale ti grenade ngbangbo use so a zia na molongo si angoro apendere ye ni so.

1 Agbia 7:42

limo ti ale ti keke so iri ni grenade ngbangbo osio si a kanga ni na tere ti agbanda use so a zia na li ti aye ti pendere so akpa kpoto so, so ti tene molongo ti agrenade use so;

2 Agbia 25:17

Gere ti da oko ayo na nduzu metere gumbaya. Na ndö ti yongoro gere ti da ni oko oko, ala zia mbeni ngbongboro bengba wen so ayo na nduzu metere oko na ndambo. Ala mu bengba wen aleke na mbeni ye tongana gbanda nga na ale ti keke so iri ni grenade, ala zia ni na tere ti ngbongboro bengba wen ni. Use yongoro gere ti da ni na agbanda ni ayeke tongana ti kozo yongoro gere ti da ni.

2 Mbai 3:15

A sara angbongboro yongoro gere ti da use na dawa ti kota da ni: yongo ni na nduzu ayeke metere baleoko na mbarambara. Na ndö ti ngbongboro gere ti da ni oko oko, a leke ambeni pendere ye so akpa kpoto, ayo na nduzu metere use na ndambo.

Sigingo 28:25

Ala yeke kanga nga mbeni yanga ti akete zingiri ni na tere ti akadere so a sara na lôro si ayeke na ndö ti go ti efod so. Ala yeke kanga ni titene bozo ni aduti na mbage ti dawa.