Jérémie 52:13 - Mbeti ti Nzapa - Tënë so amu fini

¹³ Lo gbi kota da ti Nzapa, yangbo ti gbia nga na ada ti Jérusalem kue; lo bi wâ na ya ti ada ti akota zo kue.

Jérémie 52:13 ပူးပေါင်းရင်းမြစ်များ

1 Agbia 9:8

Tongana mbeni zo ahon ande na tere ti kota da so azo agonda ni mingi so, fade li ti lo kue ayeke kpe, lo yeke huru yanga ti lo si lo yeke hunda tere ti lo, lo tene: ‘KOTA GBIA asara na kodro so nga na kota da so tongaso ngbanga ti nyen?’

2 Agbia 25:9

Lo gbi kota da ti Nzapa, yangbo ti gbia nga na ada ti Jérusalem kue; lo bi wâ na ya ti ada ti akota zo kue.

2 Mbai 36:19

Azo ti Babilone agbi kota da ti Nzapa, ala kungbi na sese gbagba ti bira so ayeke na Jérusalem, ala bi wâ na ayangbo ti gbia kue si ala buba aye ti ngangu ngere na ya ti gbata ni kue.

Abia (Psaumes) 79:1

Bia ti Asaf. O Nzapa, amara nde amu sese ti mo awe, ala sara si kota da ti mo aga *sioni, kota da ti mo so ayeke nde si ayeke nzoni kue so, ala buba gbata ti Jérusalem kue awe.

Jérémie 19:13

Mbi yeke sara si ada ti azo ti Jérusalem na ada ti agbia ti Juda aga *sioni tongana ndo so ayeke na Tofet. Biani, na li ti ada so kue, azo azö dukani ndali ti gba ti atongoro, ala tuku samba ti mu na sandaga na anzapa nde.”

Jérémie 21:10

So tënë ti yanga ti KOTA GBIA laa: Mbi wani, mbi yeke kiri na ndö ti gbata so ti sara sioni na ni, me nzoni pepe. Fade a yeke zia gbata ni na maboko ti gbia ti Babilone, lo yeke bi wâ daa.”

Jérémie 21:14

Mbi yeke ga na tere ti ala; so futa ti asioni sarango ye ti ala laa; so tënë ti yanga ti KOTA GBIA laa. Fade mbi yeke bi wâ na ya ti gbako ti ala, wâ ni ayeke gbi aye so kue angoro gbako ni.”

Jérémie 22:14

Mo tene: ‘Mbi ye ti leke ndali ti mbi mbeni da so akono mingi, aya ni akono ahon ndoni.’ Mo zi afenetere daa; adere ti da ni kue gi na keke ti sedre si mo zia bengba mbamba na tere ni!

Jérémie 32:29

Azo ti Babilone angba ti tiri bira ti mu gbata ni; fade ala yeke li na ya ni, ala yeke bi wâ daa; ala yeke gbi ada so azo ayeke zö dukani na li ni na *Baal titene ala gi na yanga ti mbi. Azo ni ayeke tuku samba ti mu na *sandaga na anzapa nde na ya ti ada ni.

Jérémie 34:22

Mbi yeke mu yanga titene aturugu ni akiri aga ti li na ya ti gbata ni, ala tiri bira na gbata ni, ala mu ni si ala gbi ni na wâ. Fade mbi yeke sara si agbata ti Juda aga ndo so ye kue abuba daa si zo ayeke daa mbeni pepe.” So tënë ti yanga ti KOTA GBIA laa.

Jérémie 38:23

Biani, fade a yeke mu awali ti mo na amolenge ti mo ti gue na ala na azo ti Babilone; ti mo, mo yeke kpe na maboko ti ala oko pepe. Gbia ti Babilone ayeke gbu mo ti ga zo ti kanga si lo yeke bi wâ na gbata ni.”

Jérémie 6:5

Ala londo! E gue, e gbu ala na bi. E buba apendere da ti ala!”

Jérémie 7:14

Ala zia be ti ala kue na ndö ti kota da so. A di iri ti mbi na ndö ni awe; mbi mu ni ando na akotara ti ala si mbi mu nga ni na ala. Me mbi yeke buba ni legeoko tongana ti so mbi buba Silo.

Abia ti demango tere 2:5

KOTA GBIA asara e tongana taa wato; lo hunzi azo ti kodro ti Israel kue; lo kungbi akota da ti amakonzi ni kue na sese; lo fâ angangu gbagba ti kodro ni na sese. Pasi ti azo ti kodro ti Juda ahon ndoni; gi demango tere na demango tere.

Abia ti demango tere 2:6

Lo buba gbagba na kpangba ti yaka ti lo. Lo buba da so lo na azo ti lo ayeke tengbi tere daa so. Alango ti matanga na *alango ti wungo tere, KOTA GBIA asara si azo agirisa ni na Sion awe. Be ti KOTA GBIA ayeke gi wâ wâ; nilaa lo bi buba na tere ti agbia na awayango-sandaga kue.

Abia ti demango tere 2:7

Be ti KOTA GBIA akiri aye gbalaka ti asandaga ti lo mbeni pepe; lo ke kota da ti lo awe. Agbagba ti ada ti makonzi ti Sion so, KOTA GBIA azia ni na maboko ti awato awe. Mo ma go ti azo kirikiri na ya ti kota da ti KOTA GBIA, mo baa mo tene lango ti matanga laa.

Abia ti demango tere 2:8

KOTA GBIA aleke na be ti lo ti kungbi kota gbagba ti bira ti azo ti Sion kue na sese. Lo gboto kamba na sese ti haka na ni; maboko ti lo ayeke ngba daa ngbii lo kungbi ni kue na sese si. Lo sara si ngangu gbagba ni na senge gbagba ni ati kue awe; so mawa! Ala use kue abuba gi legeoko.

Ezekiel 16:41

Ala yeke gbi ada ti mo, ala yeke de ngbanga na li ti mo na le ti gba ti awali. Mbi yeke sara si kua ti mo ti ndumba ni ahunzi biani biani, mo yeke kiri ti futa andeko ti mo ni pepe.

Ezekiel 24:21

Tene na azo ti Israel, mo tene: Tënë so Kota Gbia NZAPA atene ayeke so: Mbi yeke sara si ndo so a zia ni nde ndali ti mbi aga sioni. Andaa da ti mbi ni ayeke ye so ala yeke pika kate ti ala ndali ni, ye so apendere na le ti ala, ye so ala zia be ti ala daa ndali ti fini ti ala. Amolenge ti ala ti koli na ti wali so ala zia ala na Jérusalem, fade a yeke fâ ala na yongoro zeme.

Amos 2:5

Fade mbi yeke bi wâ na ya ti kodro ti Juda si wâ ni ayeke gbi ayangbo ti gbata ti Jérusalem kue.”

Amos 6:11

Biani, KOTA GBIA amu gi yanga: akota da ayeke tuku na sese gburrr; ataa akete da ayeke suru kirikiri.

Mishe 3:12

Ndani laa, ndali ti ala, fade Sion ayeke ga tongana yaka so a de ni awe, Jérusalem ayeke ti kue na sese si hoto so kota da ti Nzapa ayeke daa, ndö ni ayeke ga ngonda.

Zakarii 11:1

Hoto ti Liban, mo zi ayanga da ti mo si wâ agbi akeke ti sedre ti mo kue.

Matthieu 24:2

Me Jésus atene na ala: “Ala baa ye so kue so? Mbi tene na ala taa-tënë: fade têne oko ayeke ngba ndo so pepe na ndö ti mba ti lo; ye so kue ayeke tuku na sese.”