Jérémie 51:9 - Mbeti ti Nzapa - Tënë so amu fini

⁹ – “E ye ti kai kobela na tere ti Babilone, me tere ti lo aga nzoni pepe. Ayeke nzoni e zia lo, zo oko oko akiri na kodro ti lo. Biani, ngbanga so ati na ndö ti lo ayeke ngangu mingi; ague ngbii asi na le ti nduzu, ague ngbii asi na ambinda.

Jérémie 51:9 ပူးပေါင်းရင်းမြစ်များ

2 Mbai 28:9

Na Samarii, mbeni wayanga ti KOTA GBIA ayeke daa, iri ti lo Oded. Lo gue ti wara tere na aturugu ti Israel so alondo na Samarii ti kiri; lo tene na ala: “KOTA GBIA, Nzapa ti akotara ti ala asara ngonzo na tere ti azo ti Juda. Nilaa lo zia azo ti Juda ni na maboko ti ala si ala fâ azo ti Juda ni na sioni ngonzo so tënë ni ague ngbii asi na yayu.

Esdras 9:6

mbi sambela, mbi tene: “Nzapa ti mbi, kamene ahon ndö ti mbi tongana mbi yo le ti mbi na nduzu ti baa ndo na mbage ti mo. Siokpari ti e ayeke gbani gbani, ahon ndö ti li ti e; sioni ti e ague ngbii akpo le ti nduzu.

Ésaïe 13:14

Tongaso, tongana dengbe so zo ayeke tumba peko ti lo, tongana ataba so zo ti batango ala ayeke daa pepe, fade zo oko oko ayeke mu lege ti gue na mbage ti azo ti lo, zo oko oko ayeke kpe ti kiri na kodro ti lo.

Ésaïe 47:15

Baa ye so ayeke si ande na azo so mo baa pasi senge senge ti bango ala ngbene ye so mo de maseka. Fade ala yeke hon kirikiri, zo oko oko na lege ti lo; zo oko ti soo mo ayeke daa pepe.

Jérémie 46:16

KOTA GBIA asara si gba ti aturugu apika gere ti ala si ala ti. Ala yeke tene na popo ti ala: ‘E londo, e kiri na ndo ti e, na kodro so a du e daa si e kpe bira so ayeke sara sana na azo so.’

Jérémie 46:21

Aturugu ti kodro wande so Ezipte afuta ala, ala yeke tongana abagara ti mafuta. Ala nga, ala zia peko ti ala na amba ti ala awe, ala kue, ala kpe legeoko. Ala gbu le ni pepe na lango so ye ti vundu ayeke ga na ndö ti ala, na ndembe so mbi yeke ga na tere ti ala.

Jérémie 50:16

Ala zi na kodro ti Babilone zo so kue ayeke lu ale ti kobe; ala zi nga azo so kue ayeke fâ ale ti kobe. Tongana bira aza wâ, ayeke nzoni zo oko oko akiri na ndo ti azo ti lo; zo oko oko akpe ague na kodro ti lo wani!

Jérémie 8:20

Ngoi ti fango ale ti kobe ahon awe, ngoi ti ndo-wâ ahunzi awe; me ti e, e ngba lakue ti ku titene a soo e.

Osée 7:13

“Mawa na azo ti Efraim, ngbanga ti so ala kpe yongoro na tere ti mbi! Kota kpale na ndö ti ala, ngbanga ti so ala tomboka na tere ti mbi! Ala so ayeke tene mvene na tere ti mbi so, fade mbi yeke zi ala tongana nyen?

Aye so Nzapa afa 18:4

Mbi kiri mbi ma mbeni go so alondo na yayu, atene: “Ala sigigi! Azo ti mbi, ala sigigi na ya ti gbata so, tongaso si ala bongbi na lo ti sara asiokpari ti lo pepe, tongaso si aye ti sioni so a leke ndali ti lo so asi na ala pepe.

Aye so Nzapa afa 18:5

Asiokpari ti lo adu na ndö ti tere, na ndö ti tere ngbii asi na le ti nduzu; Nzapa adabe ti lo na aye ti kirikiri ti lo.