Jérémie 51:6 - Mbeti ti Nzapa - Tënë so amu fini

⁶ Ala azo, ala sigigi na ya ti Babilone, ala kpe ahon! Ayeke nzoni zo oko oko asoo fini ti lo; tongaso si ala kui ndali ti sioni ti lo pepe. Biani, ndembe titene KOTA GBIA akiri na kodro ni peko ti sioni ti lo alingbi awe. Lo futa kodro ni alingbi na ye so lo sara.

Jérémie 51:6 ပူးပေါင်းရင်းမြစ်များ

Abia (Psaumes) 94:1

*KOTA GBIA, Nzapa so ayeke kiri peko ti sioni na zo! Nzapa, mo so mo yeke kiri peko ti sioni na zo, fa tere ti mo na le ti azo!

Amato 13:20

Zo so ayeke fono na azo ti ndara, fade lo yeke ga zo ti ndara; me zo so ayeke sara kamarade na azo ti buba, lo yeke baa sioni daa.

Ésaïe 48:20

Ala londo na Babilone asigigi! Ala londo hio na popo ti azo ni, ala kpe! Ala dekongo na ngia, ala fa tënë so, ala to mbela na ni ngbii asi na nda ti sese kue, ala tene: “*KOTA GBIA azi Jacob, zo ti kua ti lo awe.”

Ésaïe 63:4

Mbi leke lani na be ti mbi mbeni lango ti kiri peko ti sioni na ala. Ngu ti zi azo ti mbi alingbi awe.

Jérémie 25:14

Biani, fade azo ti Babilone nga ayeke duti na gbe ti komandema ti amara mingi na ti angangu gbia. Lege so mbi yeke futa na ala peko ti asarango ye ti ala nga na sioni so kue ala sara laa.”

Jérémie 25:16

Ala yeke nyon ni, ala yeke tambula kirikiri si li ti ala ayeke ga kirikiri na bango ye so kue mbi yeke buba ni na lege ti bira na popo ti ala.”

Jérémie 27:7

Fade amara kue ayeke sara kua na lo; ala yeke sara kua na molenge ti lo nga na ata ti lo ngbii asi na ngoi so kodro ti lo wani ayeke ti na gbe ti ambeni mara nga na agbia so ayeke ngangu ahon lo.

Jérémie 46:10

Me ti Kota Gbia NZAPA so ayeke na ndö ti dunia kue, lango ni so ayeke lango ti kiringo peko ti sioni na azo; lango so lo yeke kiri peko ti sioni na awato ti lo. Yongoro zeme aga tongana mbeni sioni nyama; lo yeke fâ azo ngbii nzara ni ahunzi, lo yeke nyon mene ti ala ngbii asara lo tongana samba. Na kodro ti Banga, na tere ti bale ti Efrate, so *sandaga na Kota Gbia NZAPA so ayeke na ndö ti dunia kue!

Jérémie 48:6

‘Ala kpe ahon, ala soo fini ti ala-oo! Ala ngba na ya ti benyama tongana lele ti ngonda.’

Jérémie 50:15

Mbage na mbage kue, ala dekongo ti bira na li ti lo! Lo yoro maboko ti lo na nduzu ti zia tere ti lo na maboko ti ala! Angangu gbagba ti lo ti lo ti bira ati awe; a kungbi gbagba ti lo awe. KOTA GBIA laa akiri na Babilone peko ti sioni so lo sara. Ala nga, ala kiri na Babilone peko ti sioni so lo sara. Ala sara na lo gi ye so lo sara na amba ti lo so.

Jérémie 50:28

Ala ma si! Azo so akpe, ala so angba na fini na kodro ti Babilone, ala laa ayeke ga na asango na *Sion, atene: “KOTA GBIA Nzapa ti e akiri na azo ti Babilone peko ti sioni ti ala awe; lo kiri na ala peko ti sioni so ala sara na kota da ti lo.”

Jérémie 50:31

“Mo Babilone, zo ti baba, mbi na mo, e yeke baa ya ni; so tënë ti yanga ti Kota Gbia NZAPA so ayeke na ndö ti dunia kue laa. Ti mo, lango ni alingbi awe, ndembe so mbi yeke ga na tere ti mo.

Jérémie 50:8

Ala sigigi na Babilone, ala kpe! Ala sigigi na ngangu na ya ti kodro ni! Ala sara tongana akoli-ngasa so atambula na dawa ti amba ti ala.

Jérémie 51:11

KOTA GBIA aleke na be ti lo ti buba kodro ti Babilone. Ndani laa lo zia nzara ni na be ti agbia ti Medii. Biani, KOTA GBIA akiri na awato ti e peko ti sioni ti ala awe; lo kiri na ala peko ti sioni so ala sara na kota da ti lo. Ala leke yanga ti ale ti kokora, aza! Ala mu ni asi ya ti abozo ni!

Jérémie 51:36

Tënë so *KOTA GBIA atene ndali ti Jérusalem ayeke so: “Mbi yeke mu tënë ti mo na maboko si azo so asara sioni na mo so, mbi yeke kiri na peko ti sioni ni na ala. Mbi yeke sara titene kota *bale ti lo ahole si ali ti ngu ti lo ahole kue.

Jérémie 51:45

Ala azo ti mbi, ala sigigi na ya ti gbata ni! Ayeke nzoni zo oko oko asoo fini ti lo si lo kpe ngonzo ti mbi ti wâ!

Jérémie 51:50

Ala, azo so lo fâ ala pepe so, ala kpe, ague, aluti na lege pepe! Yongoro kâ, ayeke nzoni ala gbu li ti ala na ndö ti KOTA GBIA, ala dabe ti ala na Jérusalem.

Jérémie 51:56

Biani, zo ti bubango aye ayeke ga nduru na Babilone, lo yeke ga ti tiri bira na lo. Lo yeke gbu angangu zo ti bira ti lo, lo yeke fâ ya ti kokora ti ala. Biani, KOTA GBIA ayeke Nzapa, lo hinga ti kiri na zo peko ti ye so zo ni asara; lo hinga ti futa zo alingbi na kua so zo ni asara.

Jérémie 51:9

– “E ye ti kai kobela na tere ti Babilone, me tere ti lo aga nzoni pepe. Ayeke nzoni e zia lo, zo oko oko akiri na kodro ti lo. Biani, ngbanga so ati na ndö ti lo ayeke ngangu mingi; ague ngbii asi na le ti nduzu, ague ngbii asi na ambinda.

Abia ti demango tere 3:64

Aye so ala yeke sara na mbi so, KOTA GBIA, mo kiri peko ni na ala!

Wungo ti azo 16:26

Lo tene na azo ti Israel, lo tene: “Ala hon yongoro na tere ti ada ti bongo ti azo ti sioni so; ala mu mbeni ye ti azo ni so oko pepe, ngbanga ti ala kui ndali ti siokpari ti azo ni.”

Ndia ti fani use ni 32:25

Na ndö ti alege, amolenge ti ala ayeke kui kuâ ti yongoro zeme, na ya ti da, azo ayeke kui na mbeto. Azo kue ayeke kui, ataa amaseka-koli na amaseka-wali, ataa amolenge so angba ti nyon me na ambakoro.’

Ndia ti fani use ni 32:41

Mbi leke yanga ti yongoro zeme ti mbi awe, yanga ni ayeke za zango. Mbi ga nduru ti fâ ngbanga ti awato ti mbi awe, mbi ga nduru ti kiri na peko ti sioni ti ala na ala; mbi yeke kiri ti futa azo so ake mbi.

Ndia ti fani use ni 32:43

Moïse atene: “Ala amara, ala dekongo na ngia na li ti azo ti KOTA GBIA! Biani, lo ga nduru ti kiri na peko ti mene ti azo ti kua ti lo awe; sioni so awato ti lo asara na azo ti lo, lo yeke kiri peko ti sioni ni na ala; me lo yeke *sukula sese ti azo ti lo.”

1 Timothée 5:22

Mo zia maboko ti mo hio na li ti mbeni zo pepe, mo sara beoko na siokpari ti mbeni zo pepe; me mo bata be ti mo na vurungo ni.

Aye so Nzapa afa 16:19

Ya ti kota gbata ni akangbi ota si agbata ti akodro nde nde atuku na sese. Nzapa adabe ti lo na kota gbata ti Babilone; lo mu vin ti ngonzo ti lo ti wâ na ya ti kopo titene azo ti gbata ni anyon.