Jérémie 51:58 - Mbeti ti Nzapa - Tënë so amu fini

⁵⁸ Tënë so KOTA GBIA so ayeke na ndö ti dunia kue atene ayeke so: “Akota gbagba ti Babilone akungbi kue awe, a gbi akota yanga ti gbagba ti kodro ni awe. Amara ayeke baa pasi na kua senge senge, kua so azo asara ayeke hunzi na le ti wâ!”

Jérémie 51:58 ပူးပေါင်းရင်းမြစ်များ

Abia (Psaumes) 127:1

A yeke he bia so na ndembe ti guengo ni na Jérusalem. Bia ti Salomon. Tongana *KOTA GBIA asara da pepe, azo ti sarango da ni ayeke baa pasi senge senge. Tongana KOTA GBIA abata gbata pepe, zo ti batango gbata ni ayeke sara sanziri senge senge.

Ésaïe 13:2

*KOTA GBIA atene: “Na ndö ti hoto so ndö ni ayeke senge, ala ya bendere na nduzu, ala dekongo na aturugu, ala sara maboko na ala titene ala ga na yanga ti da ti akota zo.

Ésaïe 47:13

Mo woko awe na bango azo ti gingo nda ti atongoro! Ala yeke baa le ti nduzu si nze na nze ala yeke fa ye so alingbi ti si na mo. Ayeke nzoni ala ga, ala soo mo!

Ésaïe 65:23

Ala yeke kiri ti baa pasi senge senge pepe, ala yeke kiri ti du amolenge pepe titene amolenge ni akui kuingo. Biani, ala yeke asewa so KOTA GBIA asara tufa na ndö ti ala, ala na amolenge ti ala.

Jérémie 50:15

Mbage na mbage kue, ala dekongo ti bira na li ti lo! Lo yoro maboko ti lo na nduzu ti zia tere ti lo na maboko ti ala! Angangu gbagba ti lo ti lo ti bira ati awe; a kungbi gbagba ti lo awe. KOTA GBIA laa akiri na Babilone peko ti sioni so lo sara. Ala nga, ala kiri na Babilone peko ti sioni so lo sara. Ala sara na lo gi ye so lo sara na amba ti lo so.

Jérémie 51:30

Angangu zo ti bira ti Babilone azia lege ti bira awe, ala honde tere ti ala na ya ti ngangu gbagba ti bira ti ala kâ. Ngangu ti ala kue ahunzi awe, ala ga tongana awali. A zi ayanga ti gbata ni polele awe; a gbi ada ti lango ti azo ti Babilone kue awe.

Jérémie 51:44

KOTA GBIA atene: “Mbi yeke ga na tere ti Bel, nzapa ti Babilone. Ye so Bel angba ti mene, mbi yeke zi ni na yanga ti lo. Amara nde ayeke kiri ti gue gbani gbani na mbage ti lo pepe. Gbagba ti Babilone ati awe.

Jérémie 51:64

Na pekoni, fade mo yeke tene: ‘Babilone ayeke linda ngu biani biani legeoko tongaso; lo yeke kiri ti sigigi pepe, ngbanga ti aye ti ngangu so KOTA GBIA asara si aga na ndö ti lo.’ ” “Amara awoko kue na kua.” Atënë ti Jérémie ahunzi na ndo so.

Jérémie 51:9

– “E ye ti kai kobela na tere ti Babilone, me tere ti lo aga nzoni pepe. Ayeke nzoni e zia lo, zo oko oko akiri na kodro ti lo. Biani, ngbanga so ati na ndö ti lo ayeke ngangu mingi; ague ngbii asi na le ti nduzu, ague ngbii asi na ambinda.

Jérémie 9:5

Ndo ti dutingo ti ala ayeke gi na ya ti handango ndo. Na lege ti handa, ala ke ti hinga mbi; so tënë ti yanga ti KOTA GBIA laa.”

Abia ti demango tere 5:5

Awato ti e ayeke na ndö ti e, ala yeke tumba peko ti e; ngangu ti e ahunzi kue awe, wungo tere ayeke daa pepe.

Habakuk 2:13

Ndani laa, kua so amara asara ayeke hunzi na le ti wâ, azo ayeke baa pasi na kua senge senge. Aye so kue alondo na KOTA GBIA pepe? Lo so lo yeke na ndö ti dunia kue so.